ខេត្តស្ទឹងត្រែង ៖ សេចក្តីរាយការណ៍បឋមឱ្យដឹងថា មានការភ្ញាក់ផ្អើលមួយ កើតឡើងកាលពីព្រឹកថ្ងៃទី២៤ កញ្ញា នេះ ខណៈគេប្រទះឃើញឈាមស្រក់ពីលើផ្ទះមួយកន្លែង ស្ថិតក្នុងភូមិបាចុង សង្កាត់ព្រះបាទ ក្រុងស្ទឹងត្រែង ដោយសង្ស័យជាករណីឃាតកម្ម ឬអត្តឃាតសម្លាប់ខ្លួន ។
ប្រភពឱ្យដឹងថា អ្នករស់នៅក្បែរផ្ទះកើតហេតុ បានឮសំឡេងមនុស្សចេញពីផ្ទះចាស់នោះ ដែលជារាល់ថ្ងៃគ្មានមនុស្សនៅទេ។ដោយចម្លែកពេកក៏ដើរទៅក្បែរ ប្រទះឃើញឈាមស្រក់ចុះមកក្រោមថ្មីៗ ។ ភ្លាមនោះ អ្នកក្បែរខាងបានរាយការណ៍ជូនសមត្ថកិច្ចចុះមកមើលផ្អើលអស់កម្លាំងនគរបាល អាវុធហត្ថ តុលាការ នាយប៉ុស្តិ៍ អាជ្ញាធរមូលដ្ឋាន មកធ្វើការទម្លុះទ្វារចូលពិនិត្យ ប្រទះឃើញជនម្នាក់អារដៃ អារជើង និងវាយខ្លួនឯង រហូតស្រក់ឈាមទាំងថ្លុក ក៏នាំគ្នាបញ្ជូនទៅសង្គ្រោះនៅមន្ទីរពេទ្យភ្លាម ។
បើសមត្ថកិច្ចថា ជនរូបនោះមិនមែនជាអ្នករស់នៅក្នុងមូលដ្ឋាននោះទេ ហើយនិយាយតែភាសាឡាវទៀត ។ សមត្ថកិច្ចបានបញ្ជាក់ថា ជនរូបនោះទំនងជាបែកថ្នាំ ឬវិកលចរិត ព្រោះក្រោយកើតហេតុសួរនាំរកផ្ទះសម្បែង ជននោះឆ្លើយទៅលិច ទៅកើតឲ្យប្រាកដប្រជាមិនបានសោះ។
មន្ត្រីនគរបាលប៉ុស្តិ៍រដ្ឋបាលសង្កាត់ព្រះបាទក្រុងស្ទឹងត្រែងបានបញ្ជាក់ថា ផ្ទះកើតហេតុនោះ ត្រូវម្ចាស់ទុកចោលពុំមានមនុស្សរស់នៅទេ ។ ចំណែកជនដែលគេសង្ស័យថា បែកថ្នាំញៀន ឬវិកលចរិតនោះ ឃើញដើរតាមផ្លូវនោះ២ថ្ងៃមកហើយ ក្នុងសភាពរវើរវាយនិយាយស្តីម្នាក់ឯង ហើយនៅពេលយប់ បានទៅចូលដេកក្នុងផ្ទះនោះ លុះព្រឹកឡើងក៏ផ្អើលឃើញឈាមស្រក់ ។ ដំបូងគេមិននឹកស្មានថា ជាបុរសរូបនោះឡើយ ។
ប្រភព៖ កោះសន្តិភាព
កំណត់ហេតុខ្មែរឡូត៖
ដោយឡែក ករណីមួយផ្សេងទៀត កាលពីលើកមុន ប្រជាពលរដ្ឋបានប្រទះឃើញសាកសពបុរសម្នាក់នៅកណ្តាលវាលស្រែ ត្រូវសង្ស័យថា ជាករណីឃាតកម្មសម្លាប់រួចយកទៅប្លុងចោល ដែលការប្រទះឃើញនេះ កាលពីវេលាម៉ោង០៦ និង៣០នាទីព្រឹកថ្ងៃទី២៨ កក្កដា ២០១៦ កន្លងទៅ ចម្ងាយពីភូមិប្រហែល២០០ម៉ែត្រ ក្នុងភូមិឆេះចាន ឃុំស្វាយលើ ស្រុកស្វាយលើ ខេត្តសៀមរាប ។
ប្រភពពីពលរដ្ឋឱ្យថា បន្ទាប់ពីប្រទះឃើញសាកសពនៅកណ្តាលវាលស្រែនេះ ក៏បានរត់ទៅរាយការណ៍ជូនកម្លាំងនគរបាលប៉ុស្តិ៍រដ្ឋបាលឃុំស្វាយលើ ដើម្បីជួយអន្តរាគមន៍។ ភ្លាមៗនោះ កម្លាំងបានចុះទៅដល់កន្លែងកើតហេតុ និងធ្វើការហ៊ុមព័ទ្ធកន្លែងសពជនរងគ្រោះ រង់ចាំខាងនគរបាលបច្ចេកទេសវិទ្យាសាស្ត្រនៃស្នងការដ្ឋាននគរបាលខេត្ត ចុះទៅពិនិត្យ ។
ក្រោយពីពិនិត្យលើដងខ្លួនសាកសពត្រូវសន្និដ្ឋានថា ជាករណីឃាតកម្ម គិតទុកជាមុន ពីព្រោះនៅលើរូបរាងកាយជនរងគ្រោះមានស្លាកស្នាមចាក់កាំបិត នៅផ្នែកខាងក្រោយ ។ សពជនរងគ្រោះមានស្លៀកពាក់អាវការ៉ូល្អិត ពណ៌ប្រផេះ ស្លៀកខោ ខូវប៊ូយជើងវែង ហើយរុំស្បៃម៉ុង ពណ៌ខៀវ នៅលើខ្លួន ។
ប្រភពបន្ថែមទៀតថា ជនរងគ្រោះអាចត្រូវចាក់សម្លាប់ ហើយប្លន់យករបស់អ្វីមួយហើយ រួចយកសពទៅទំលាក់ចោលនៅកណ្តាលវាលស្រែឆ្ងាយពីអ្នកភូមិ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]