ខេត្តស្ទឹងត្រែង ៖ស្រ្តីម្នាក់រងរបួសដាច់រលាត់ស្បែក បែកប្រអប់ដៃខាងស្តាំខ្ទេចត្រូវអ្នកភូមិបញ្ជូនទៅសង្គ្រោះបន្ទាន់នៅ មន្ទីរពេទ្យកាលពីវេលាម៉ោង៤និង១៥នាទីរសៀលថ្ងៃទី២៦ កុម្ភៈ ២០១២ បន្ទាប់ពីភ្លាត់ស្នៀតចូលដៃក្នុងម៉ាស៊ីនកិនទឹកអំពៅ។
ប្រភពបានឱ្យដឹងថា ស្ត្រីរងគ្រោះមានឈ្មោះមួយ គា អាយុ៦០ឆ្នាំ រស់នៅចំណុចអូរពងមាន់ ស្ថិតក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។ នៅថ្ងៃកើតហេតុស្រ្តីរងគ្រោះបានប្រើម៉ាស៊ីនកិនទឹកអំពៅដើម្បីលក់ឱ្យ ភ្ញៀវ ខណៈពេលកំពុងតែកិន ស្រាប់តែរអិលដៃចូលក្នុងម៉ាស៊ីនត្រឹមប្រអប់ដៃកិនខ្ទេចតែម្តង។ ភ្លាមៗនោះស្ត្រីរងគ្រោះបានស្រែកពេញទំហឹងធ្វើឱ្យ មានការភ្ញាក់ផ្អើលដល់អ្នកក្បែរខាងរត់ទៅមើលស្រាប់តែ ឃើញដៃស្តាំរបស់គាត់រមូរនៅក្នុងម៉ូទ័រកិនទឹកអំពៅស្រេចទៅហើយ ទើបប្រញាប់ប្រញាល់ពន្លត់ម៉ាស៊ីនកិនទឹកអំពៅ និងទាញដៃចេញពីម៉ាស៊ីនរួចដឹកទៅសង្គ្រោះ ។
ក្រោយមកដល់មន្ទីរពេទ្យក្រុមគ្រូពេទ្យ បានព្យាយាមសង្គ្រោះអស់ពីសមត្ថភាព ដោយធ្វើការកាត់ម្រាមដៃចោល ព្រោះវាខ្ទេចអស់ទៅហើយមិនអាចតភ្ជាប់បាន៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]