ភ្នំពេញៈ តារាចម្រៀងលោក ឆន សុវណ្ណារាជ នៅក្នុងឱកាសកាន់បិណ្ឌនេះ បានចំណាយលុយ រាប់ពាន់ដុល្លារ ទិញក្រវិលពេជ្រ ជូនអ្នកម្តាយ ជាទីស្រលាញ់ ដូចពាក្យចាស់លោកពោលថា ធ្វើបុណ្យទាន់ខែភ្លឺ។

តារាចម្រៀងល្បីឈ្មោះ ប្រចាំផលិតកម្ម ហង្សមាស លោក ឆន សុវណ្ណារាជ បានបង្ហាញរូបថត ជាច្រើនសន្លឹក បង្ហាញពីកាយវិការដែល លោកស្រលាញ់អ្នកម្តាយ ដោយលោកបានបង្ហាញរូបថត និងសរសេរសារបង្ហោះថា «ធ្វើបុណ្យទាន់ខែភ្លឺ ជូនក្រវិលមួយគូ ដល់អ្នកមានគុណ ក្នុងរដូវបុណ្យភ្ជុំឆ្នាំនេះ ​សូមអោយអ្នកម្តាយ មានសុខភាពល្អ ជាអស់ជំងឺទាំងឡាយ តិចក្តីច្រើនក្តីវាមិនសំខាន់ សំខាន់អោយបានឃើញ ស្នាមញញឹម របស់លោកអ្នកមានគុណ ហើយបានឃើញលោកសប្បាយចិត្ត កុំភ្លេចព្រះរស់នៅផ្ទះណា បងប្អូនទាំងអស់គ្នា»។

ក្រៅពីតារាប្រុសរូបនេះ បានទិញកាដូជូនអ្នកម្តាយ ហើយលោកក៏បាននាំម្តាយ ទៅធ្វើបុណ្យនៅវត្ត ក្នុងឱកាសបុណ្យកាន់បិណ្ឌ ផងដែរ ៕

ប្រភព : ដើមអម្ពិល

កំណត់ហេតុខ្មែរឡូត៖

កាលពីលើកមុន តារាចម្រៀងប្រចាំផលិតកម្ម រស្មីហង្សមាស គឺលោក ឆន សុវណ្ណារាជ បានទទួលកាដូ ពីអ្នកម្តាយជាទីស្រលាញ់ របស់លោក មុនថ្ងៃខួបកំណើត មកដល់។

នៅព្រឹក ថ្ងៃអង្គារ៍ ទី០៦ ខែតុលា ឆ្នាំ២០១៥ នេះ នៅលើទំព័រហ្វេសប៊ុក របស់តារាចម្រៀង ប្រចាំផលិតកម្ម រស្មីហង្សមាស លោក ឆន សុវណ្ណារាជ បានបង្ហោះរូបថតមួយសន្លឹក ដែលធ្វើឲ្យ អ្នកនិយមប្រើប្រាស់ បណ្តាញសង្គម ហ្វេសប៊ុក ក៏ដូចជាអ្នកគាំទ្រូ របស់លោក មានការភ្ញាក់ផ្អើល និងរំភើបចិត្ត ជំនួសលោកផងដែរ។

រូបថតមួយសន្លឹកនោះ គឺបង្ហាញឲ្យឃើញពី អ្នកម្តាយរបស់លោក ឆន សុវណ្ណារាជ កំពុងតែជូន ខ្សែ.កមួយខ្សែ ទុកជាកាដូ ក្នុងថ្ងៃខួបកំណើត របស់លោក ខណៈលោក ឆន សុវណ្ណារាជ បានលើកដៃសំពះអរគុណ និងញញឹម បិទមាត់មិនជិតឡើយ ពេលទទួលបានខ្សែ.ក មួយខ្សែពីអ្នកម្តាយ ជាទីស្រលាញ់បែបនេះ។

លោក ឆន សុវណ្ណារាជ ផ្ទាល់ ក៏បានសរសេរសារអរគុណ ភ្ជាប់ជាមួយនឹង រូបថតនោះ នៅលើបណ្តាញសង្គម ហ្វេសប៊ុក ដែលមានអត្ថន័យ ជាភាសាខ្មែរថា «កូនពិតជាអរគុណ អ្នកម្តាយខ្លាំងណាស់ ចំពោះកាដូ មុនថ្ងៃខួបកំណើតនេះ វាពិតជាមានន័យណាស់សម្រាប់កូន ហើយកូនស្រលាញ់វាខ្លាំងណាស់ កូនស្រលាញ់អ្នកម្តាយ»។

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ឆន សុវណ្ណរាជ