ភ្នំពេញ៖ ក្រោយភ្លៀងមួយមេធំ នាយប់ថ្ងៃទី១៧ កញ្ញា រហូតមកទល់ម៉ោងប្រមាណ១១៖៣០នាទី ថ្ងៃទី១៨ កញ្ញានេះ ប្រជាពលរដ្ឋមួយចំនួន ដែលរស់នៅម្តុំបឹងទំពន់ បានដេកត្រាំទឹក ខណៈដែលគេមើលឃើញថា ស្ថាននីយ៍បូបទឹកហាក់ ដូចជាមិនដំណើរ។
បើតាមសេចក្តីរាយការណ៍ ពីប្រជាពលរដ្ឋ ដែលរងការលិចលង់ បានឲ្យដឹងថា រហូតមកទល់ពេលនេះហើយ ផ្ទះរបស់ពួកគាត់នៅតែលិចលង់ ដោយសារទឹកភ្លៀងកាលពីយប់មិញ ដែលភាគច្រើននៅម្តុំ ប្រឡាយបឹងត្របែក និងម្តុំបឹងទំពន់។ ប្រជាពលរដ្ឋទាំងនោះ ក៏បានចោទជាសំណួរថា តើស្ថាននីយ៍បូមទឹកបឹងត្របែក និងស្ថាននីយ៍បូបទឹកបឹងទំពន់ដំណើរការឬអត់ បានជារហូតមកទល់ពេលនេះហើយ ការលិចលង់នៅតែមិនទាន់ស្រកទៀត។ ហើយម្យ៉ាងទៀតអាចប្រហែលមកពី ទីតាំងមួយចំនួនត្រូវបាន គេរំលោភយកធ្វើជាកម្មសិទ្ធិ ចាក់ដីលប់បឹង ក៏ថាបាន។
ជាមួយគ្នានោះដែរ បងប្អូនប្រជាពលរដ្ឋ ដែលកំពុងរង់ការប៉ះពាល់ សូមអំពាវនាវដល់អាជ្ញាធរ និងមន្រ្តីជំនាញមេត្តា ជួយអន្តរាគមធ្វើយ៉ាងណា បូបទឹករំដោះទៅកន្លែងផ្សេង ឲ្យបានឆាប់រហ័សផង៕
ប្រភព៖ ដើមអម្ពិល
កំណត់ហេតុខ្មែរឡូត៖
ដោយឡែក រំលឹកព័ត៌មានចាស់លើកមុនផងដែរថា ក្រសួងធនធានទឹក និងឧតុនិយម នៅថ្ងៃទី១២ ខែកញ្ញា ឆ្នាំ២០១៦ បានចេញសេចក្តីជូនដំណឹង អំពីអាកាសធាតុនៅកម្ពុជា ដោយបញ្ជាក់ថា ចាប់ពីថ្ងៃទី១៣-១៨ ខែកញ្ញា ឆ្នាំ២០១៦ ភ្លៀងនឹងបន្តធ្លាក់ រាយប៉ាយពីមធ្យមទៅច្រើន ក្នុងក្របខ័ណ្ឌទូទាំងប្រទេស ពិសេសនៅតាមតំបន់ខ្ពង់រាប នឹងមានភ្លៀងធ្លាក់ច្រើនជាប់ៗគ្នា។
ក្រសួងធនធានទឹកបញ្ជាក់ទៀតថា ជំនន់ទឹកភ្លៀងអាចនឹងកើតមានភ្លាមៗ នៅតាមតំបន់ខ្ពង់រាប និងផ្ទៃសមុទ្រ និងមានសភាពអាប់អួខ្លាំង ជាមួយនឹងរលកខ្ពស់ៗ ពិសេសចាប់ពីថ្ងៃទី១៤-១៦ ខែកញ្ញា ឆ្នាំ២០១៦៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]