ក្រុមហ៊ុន LG បញ្ចេញនូវឧបករណ៍ សម្រាប់ផ្ទះបាយ ដ៏មានសក្តានុពលនៅក្នុង ព្រឹត្តិការណ៍ IFA 2016

ថ្មីៗនេះ ក្រុមហ៊ុន LG Electronics នឹងធ្វើការបង្ហាញនូវឧបករណ៍ សម្រាប់ប្រើប្រាស់នៅផ្ទះបាយដ៏មានសក្តានុពលបំផុត នៅក្នុងព្រឹត្តិការណ៍ IFA 2016 ។ ក្រុមហ៊ុនធំកំពូលមួយនេះ នឹងធ្វើការដាក់បង្ហាញនូវ ផលិតផលសម្រាប់ប្រើប្រាស់នូវក្នុងផ្ទះបាយដែលជាបរិបទថ្មីក្នុង ការចៃ្នប្រឌិតដ៏អស្ចារ្យ និង ពេញនិយមបំផុត សម្រាប់ការប្រើប្រាស់នៅក្នុងផ្ទះបាយហើយវាអាចដំណើរការ បានយ៉ាងល្អឥតខ្ចោះរួមគ្នា។

ការពង្រឹងទៅលើសមត្ថភាពរបស់ទូរទឹកកក Door-in-Door របស់ក្រុមហ៊ុន LG ត្រូវបានគេរចនាឡើងផ្តល់នូវភា ពងាយស្រួលដល់លោកអ្នកក្នុងការយក នូវម្ហូបអាហារដែលអ្នកយក ញឹកញាប់ជាងគេ ហើយអ្នកអាចធ្វើការរៀបចំនូវ ម្ហូបអាហាររបស់អ្នកដាក់ទៅតាមកន្លែង ដែលអ្នកពេញចិត្ត។ អ្វីដែលកាន់តែអស្ចារ្យទៀតនោះនៅពេលដែលអ្នកបើកទ្វារយក ម្ហូបអាហារចេញពីទូទឹកកក វានៅតែរក្សានូវភាពត្រជាក់ដដែលបានកាន់តែប្រសើរជាងមុនដល់ទៅ 41 ភាគរយ ហើយវាបានដាក់នូវដៃទាញ Square Pocket Handle និង Hidden Button ដែល ផ្តល់ភាពងាយស្រួលក្នុងការចូលទៅយករបស់របរនៅក្នុងទូរទឹកកក។ NatureFRESH ជាមុខងារមួយ សម្រាប់ធ្វើការថែរក្សានូវម្ហូបរបស់អ្នកឱ្យនៅស្រស់បានយូរដោយ ពឹងផ្អែកទៅលើកម្រិតសើម និង សីតុណ្ហភាព។

មុខងារ InstaView Door-in-Door ត្រូវបានបំពាក់នូវលើទូទឹកកក LG SIGNATURE ពេលនេះអាចប្រើប្រាស់ បាននៅលើម៉ូដែល French-Door និង Side-by-Side របស់ក្រុមហ៊ុន LG ។ អ្នកអាចប្រើប្រាស់ នូវមុខងារ InstaView ដើម្បីពិនិត្យមើលថាតើមានអ្វីខ្លះដែលអស់ពី ទូរទឹកកកដោយមិនចាំបាច់ បើកទ្វារមើលនោះទេ ព្រោះវាអាចកាត់បន្ថយនូវភាពត្រជាក់បាន។ ចំនែក Wi-Fi Eclipse Display របស់ទូទឹកកកនេះនឹងធ្វើការបង្ហាញនូវកម្រិតសីតុណ្ហភាព ដែលមាននៅក្នុងទូរទឹកក និង កន្លែងកកផងដែរ។

ចំនែកម៉ាស៊ីនចំអិនអាហារ NeoChef បានភ្ជាប់ជាមួយនឹងមុខងារ កាន់តែងាយស្រួលសម្រាប់អ្នកប្រើប្រាស់ ហើយវាត្រូវបានរចនារូបរាង កាន់តែស្រស់ស្អាត និងទាក់ទាញបំផុត។ ថែមទាំងប្រើប្រាស់នូវបច្ចេកវិទ្យា Smart Inverter Technology សម្រាប់កាត់បន្ថយនូវពេលវេលារង់ចាំយូរនៅ ពេលចម្អិនដែលផ្តល់ ពេលវេលាចំណេញសម្រាប់ចុងភៅផងដែរ ហើយដឹងថាតើម្ហូបនេះ អាចយកមកកម្តៅបានទៀតឬអត់។ Smart Inverter ផ្តល់នូវគំនិតច្នៃប្រឌិតផ្សេងទៀត សម្រាប់អ្នកប្រើប្រាស់ដូចជាការធ្វើទឹកដោះគោយ៉ាអួ ការរំលាយសូកូឡា ឬ ប័រជាដើម។ NeoChef ក៏ប្រើប្រាស់នូវបច្ចេកវិទ្យា Anti-Bacterial Easy Clean Coating ដែលអាចកម្ចាត់បាក់តេរី កាចសាហាវបានដល់ទៅ 99.99%។

បើនិយាយពី Speed Oven+ របស់ក្រុមហ៊ុន LG ពិតជាងាយស្រួល ក្នុងការចំហុយ ព្រោះវាបានប្រើប្រាស់នូវបច្ចេកវិទ្យា Infrared Heating Technology សម្រាប់កាត់បន្ថយនូវពេលវេលាក្នុងការចម្អិនម្ហូប។ LG Speed Oven+ នេះបានប្រើប្រាស់ជាមួយនឹងបច្ចេកវិទ្យា Smart Inverter Technology ដែលផ្តល់នូវភាព ងាយស្រួលសម្រាប់ចុងភៅគ្រប់រូបធ្វើការផ្លាស់ប្តូរនៅប្រភេទចាន សម្រាប់ធ្វើការចម្អិនកាន់តែងាយស្រួលជាងមុន។

បើនិយាយពីម៉ាស៊ីនលាងចាន LG Stream Clean វិញ ម្ចាស់ផ្ទះអាចធ្វើការសម្អាតនូវចាន ក្រោយពេលញ៉ាំអាហាររួចដោយប្រើប្រាស់ នូវបរិមាណទឹកតិចបំផុត។ បច្ចេកវិទ្យា True Steam ប្រើប្រាស់នូវចំហាយកម្តៅ សម្រាប់ធ្វើការសម្អាតទៅលើចានដែលស្នឹមពិបាក ក្នុងការសម្អាត។ លើសពីនេះទៀត វាបានប្រើប្រាស់នូវបច្ចេកវិទ្យា Quad Wash រួមជាមួយនឹង បច្ចេកវិទ្យា Inverter Direct Drive សម្រាប់ធ្វើការបាញ់លំហូរទឹកនៅក្នុងកម្រិតមួយដ៏ល្អបំផុត។ មួយវិញទៀត បច្ចេកវិទ្យា Inverter Direct Drive ត្រូវបានគេចាត់ទុកជាផ្នែកមួយ ដ៏ល្អបំផុតនេះមានការធានាដល់ទៅ 10 ឆ្នាំ។

លោក Jo Seong-jin ដែលជាអគ្គនាយករបស់ក្រុមហ៊ុន LG Electronics និង Home Appliance & Air Solution Company បញ្ជាក់ថា “ព្រឹត្តិការណ៍ IFA គឺជាកន្លែងមួយដ៏ល្អបំផុតសម្រាប់ធ្វើការបង្ហាញពីគ្រឿង សម្រាប់ប្រើប្រាស់នៅផ្ទះបាយហើយ មានការចូលរួមពីគ្រប់ វិស័យឧស្សាហកម្ម ដែលបានមកបង្ហាញរួមគ្នានៅទីនេះ។ គ្រឿងបរិក្ខារផ្ទះបាយកម្រិតខ្ពស់បំផុត របស់ក្រុមហ៊ុន LG បានក្លាយទៅ ជាបទពិសោធន៍កាន់តែអស្ចារ្យសម្រាប់អតិថិជននៅក្នុងបច្ចេកវិទ្យាសម័យ ទំនើបនៃការបរិភោគអាហារនៅក្នុង គេហដ្ឋានរបស់អ្នក។”