បុរសដែល ប៉ុនប៉ង ចាប់រំលោភ ស្ដ្រីនៅសង្កាត់ ទឹកថ្លា ត្រូវបានចាប់ខ្លួន បានភ្លាមៗប្រគល់ អោយសមត្ថកិច្ច

ភ្នំពេញ៖ នារីវយ័ក្មេងម្នាក់បានស្រែកឆោឡោ បណ្ដាលអោយអ្នករស់នៅ ជិតខាងចេញមកជួយ ក្នុង  ហេតុការណ៌មួយដែលនាងអះអាងថា បុរសម្នាក់ប៉ុនប៉ងចាប់រំលោភដល់ ក្នុងបន្ទប់ដោយ ប្រើ ហិង្សាវាយ ចំ  ពោះ នឹងចាប់ច្របាច់កផង។ ចំណែកបុរសជាប់ចោទ ដែល ត្រូវបានអ្នក ជិតខាង ជួយចាប់ប្រគល់អោយ សមត្ថកិច្ច បានសារភាពថាខ្លួន មិនមាន ចេតនាចាប់រំលោភ ទេ គ្រាន់ តែដណ្ដើមយកចិញ្ចៀនមួយវង់ ដែលនាងពាក់នៅនឹងដៃដើម្បី យកលក់បានលុយទៅមើល កូនឈឺ នៅឯស្រុកតែប៉ុណ្ណុះ ។

ទោះជាយ៉ាងណាក៍ដោយ ចម្លើយសារភាពរបស់ជនសង្ស័យរូបនេះ ត្រូវបានមតិមហាជន និង សមត្ថកិច្ចយល់ឃើញ ដូចគ្នាថា នេះគ្រាន់តែជាឡេះអោយគេអាណិតប៉ុណ្ណោះ ខ្លួននៅក្មេងកម្លាំងនៅមាន ម្ដេចមិនទៅរកការងារធ្វើ បែរជាចាំលួចឆក់របស់គេទៅវិញ ការពិតគឺមានបំណង ចាប់រំលោភស្រីភេទ យ៉ាងប្រាកដ។

ហេតុការណ៌ភា្ញក់ផ្អើលនេះកើតឡើងកាលពីវេលាម៉ោង១និង១០នាទី រសៀលថ្ងៃទី០៥ ខែ កញ្ញា ឆ្នាំ២០១២ នៅចំណុចបន្ទប់ផ្ទះជួលផ្លូវលំ ក្នុងភូមិទឹកថ្លា សង្កាត់ទឹកថ្លាខណ្ឌសែនសុខ រាជធានីភ្នំពេញ ។ នគរបាលប៉ុស្ដិ៍ទឹកថ្លា បានអោយដឹងថា មុនកើតហេតុនារីរងគ្រោះ*ឈ្មោះ ពុធ កញ្ញា អាយុ២៣ឆ្នាំ បាន ចេញមកហាលសំលៀកបំពាក់ នៅមុខបន្ទប់*ជួលរបស់ខ្លួន ចំណែក ជនសង្ស័យឈ្មោះ ឯម ផន អាយុ២៦ឆ្នាំ ដែលស្នាក់នៅបន្ទប់ជាប់គ្នា បានស្ទុះមកចាប់ អោបរួចទាញនារីរងគ្រោះចូលក្នុងបន្ទប់ហើយប៉ុនប៉ងចាប់រំលោភ ប៉ុន្ដែដោយមានការរើ បំរាស់ ទើបជនសង្សយ័បានវាយចំពោះជនរងគ្រោះជាច្រើនដៃនិងចាប់ច្របាច់ករ ផង ទើប នាងប្រឹងស្រែកអោយគេជួយ ហើយផ្អើលដល់អ្នកជិតខាងមកអន្ដរាគមន៍។

នគរបាលប៉ុស្ដិ បញ្ជាក់ទៀតថា ជនរងគ្រោះរស់នៅខេត្ដតាកែវ ហើយមកភ្នំពេញដើម្បីរកការងារធ្វើ ចំ ណែក ជនសង្សយ័ ឯម ផន មានស្រុកកំណើតនៅភូមិស្វាយផ្អែម ឃុំវត្ដអង្គខាងជើង ស្រុក បន្ទាយមាស ខេត្ដកំពត មកភ្នំពេញធ្វើជាកម្មករសំណង់ ហើយទើបមកស្នាក់នៅផ្ទះជួលនៅ កន្លែងកើតហេតុ បានរយៈពេល០២ថ្ងៃប៉ុណ្ណោះ។

បច្ចុប្បន្នជនសង្សយ័កំពុងត្រូវបានសាកសួរបន្ថែមនៅប៉ុស្ដិរដ្ឋបាលសង្កាត់ទឹកថ្លា ដើម្បីកសាង សំណុំរឿងបញ្ជូន ទៅ សាលាដំបូងរាជធានីភ្នំពេញ។

ផ្តល់សិទ្ធដោយ ដើមអម្ពិល