រាជធានីភ្នំពេញ ៖ នារីម្នាក់សន្លប់ស្ដូកស្ដឹងត្រូវសង្សារបីត្រកងយកទៅសង្គ្រោះនៅមន្ទីរពេទ្យព្រះកុសុមៈដោយប្រាប់ថា នាងលេបថ្នាំងងុយដេកអស់៣០គ្រាប់ កាលពីវេលាម៉ោង១២និង២០នាទីរំលងអធ្រាត្រឈានចូលថ្ងៃទី២៧ កុម្ភៈ ២០១២ នៅក្នុងបន្ទប់ជួលស្ថិតក្នុងភូមិបឹងឈូក សង្កាត់ទឹកថ្លា ខណ្ឌសែនសុខ ។
នារីរងគ្រោះឈ្មោះស៊ឹម ពៅ អាយុ១៨ឆ្នាំ ជាកម្មការិនីរោងចក្រស្បែកជើង ស្នាក់នៅបន្ទប់ជួលខាងលើមានស្រុកកំណើតនៅខេត្ដកំពង់ឆ្នាំង ត្រូវបានសង្សារដែលមិនប្រាប់អត្ដសញ្ញាណគ្រាន់តែប្រាប់ថា ធ្វើការជាមួយគ្នា និងស្គាល់រាប់អានជាមួយនារីរងគ្រោះជិត៦ខែមកហើយ ។ ប្រភពដដែលបន្ដទៀតថា កាលពីព្រឹកថ្ងៃទី២៥ កុម្ភៈ នារីរងគ្រោះបានលេបថ្នាំងងុយដេកអស់ចំនួន៣០គ្រាប់ ដោយលេបម្ដងចំនួន៥គ្រាប់។ ពាក់ព័ន្ធនឹងមូលដែលនារីរងគ្រោះលេបថ្នាំងងុយដេកអស់៣០គ្រាប់នេះ យុវជនជាសង្សារបានប្រាប់ថា ដោយសារតែនាងដេកមិនលក់ទើបចេះតែលេបបន្ដបន្ទាប់រហូត ប៉ុន្ដែពេលលេបហើយមិនមានធ្វើទុក្ខអ្វីទេ។ លុះរហូតដល់យប់ថ្ងៃទី២៦ កុម្ភៈ ខ្លួននិងនារីរងគ្រោះបាននាំ គ្នាទៅជប់លៀងមិត្ដភក្ដិនៅសង្កាត់ស្ទឹងមានជ័យ ហើយនាងបានផឹកស្រាបន្ទាប់មកស្រាប់តែសន្លប់ស្ដូកតែម្ដង ។
ប្រភពព័ត៌មានបន្ដទៀតថា ក្រោយពេលឃើញនារីជាសង្សារសន្លប់បែបនេះខ្លួនភិតភ័យណាស់បានដឹកនារីរងគ្រោះយកទៅមន្ទីរពេទ្យព្រះកុសុមៈ។ ពេលទៅដល់មន្ទីរពេទ្យគ្រូពេទ្យពិនិត្យ ហើយប្រាប់ថា មូលហេតុដែលសន្លប់បណ្ដាលមកពីពុលស្រាប្រតិកម្មជាមួយនឹងថ្នាំដែលនាងលេបអស់ជាច្រើនគ្រាប់នោះទើបសន្លប់បែបនេះ៕
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]