រាជធានី​ភ្នំពេញ ៖ តារាចម្រៀង​លោក សាន ផានិត បាន​សន្យា​ចំពោះ​ខ្លួនឯង​ថា​នឹង​មិន​ធ្វើ​ឱ្យ​ជីវិត​ធ្លាក់​ចុះ​ដូច​មុន​ទៀត​ទេ ប្រសិនបើ​លោក​អាច​សាង​ភាព​ល្បីល្បាញ​ឡើង​វិញ​ក្នុង​ពិភព​សិល្បៈ​ចម្រៀង ។

ការ​អះអាង​របស់​លោក​សាន ផានិត បន្ទាប់​ពី​វី​ដេ​អូ​បទ​ចម្រៀង​របស់​លោក​មាន​ចំណងជើង​ថា «​ជាប់រវល់ » ចេញ​ជា​ផ្លូវការ និង​កំពុង​ទទួល​បានការ​គាំទ្រ​ពី​ទស្សនិកជន ។

លោក​សាន ផានិត បង្ហាញ​អារម្មណ៍​ចង់​សាង​ជីវិត​សា​ជា​ថ្មី បន្ទាប់​ពី​ធ្លាក់ខ្លួន​អាប់អួ​ស្ទើរ​ហៅ​មិន​ឮ​រហូត​ដល់​ញៀន​ថ្នាំ បន្ទាប់​ពី​លោក​បាត់បង់​ការ​គាំទ្រ​ក្នុង​ពិភព​សិល្បៈ​ចម្រៀង​រយៈពេល​ប៉ុន្មាន​ឆ្នាំ​ចុង​ក្រោយ​នេះ ។

តាម​រយៈ​សំ​ណេ​រ​បង្ហោះ​តាម​ហ្វេ​ស​ប៊ុ​ក​កាលពី​ពេល ថ្មី​ៗ​កន្លង​មក តារាចម្រៀង​លោក​សាន ផានិត បញ្ជាក់​ថា «​ទីក្រុង​ដ៏​ឆើតឆាយ​អើយ​បើសិនជា​ខ្ញុំ​អាច​មានឈ្មោះ​បោះ​សំឡេង​ឡើង​វិញ សម្រស់​របស់​អ្នក​មិន​អាច​ទាក់ទាញ​ខ្ញុំ​ឱ្យ​ដើរ​ចូល​ទៅ​ក្នុង​កន្លែង​ផឹកស៊ី ស្រី​ញី បន​ល្បែង ហឺ​ុ​ហា​ដូច​មុន​ឡើយ ឆ្អែតឆ្អន់​ឆាកជីវិត​ហើយ លា​ហើយ​មិត្ត​ចាស់​មិនល្អ និង​អតីតកាល​ដ៏​ខ្មៅ​ងងឹត ជា​កំហុស​របស់ខ្ញុំ​កន្លង​មក​» ។

តាម​រយៈ​សំ​ណេ​រ​នោះ​លោក​សាន ផានិត ហាក់​បង្ហាញ​អារម្មណ៍​មិន​ពេញចិត្ត​អតីតកាល​ជីវិត​ដ៏​ខ្មៅ​ងងឹត​ដែល​លោក​ធ្លាប់​ឆ្លងកាត់ ដែល​នៅ​តែ​ជា​ស្រមោល​ខ្មៅ​តាម​លោក​គ្រប់ពេលវេលា បើ​ទោះបីជា​ពេល​នេះ​លោក​កំពុង​លូតលាស់​ឡើង​វិញ​ក៏​ដោយ ។

មុន​ពេល​បង្ហាញ​វត្តមាន​ក្នុង​ពិភព​សិល្បៈ​ចម្រៀង​ជា​ថ្មី ម្ចាស់​បទ «​ទូរស័ព្ទ​ប្រាប់​ផង​» លោក​សាន ផានិត ធ្លាប់​អះអាង​ប្រាប់​សារព័ត៌​មាននៅ​ក្នុងស្រុក​ថា រូប​លោក​ពិតជា​ធ្លាប់​ក្លាយជា​ជន​រង​គ្រោះ​ដោយ​ថ្នាំ​ញៀន​មែន ។ មូលហេតុ​គឺ​មក​ពី​ការ​សេពគប់​មិត្តភក្ដិ​ខុស ទើប​ធ្វើ​ឲ្យ​ជីវិត​ធ្លាក់​ចុះ​ដុនដាប រហូត​ដល់​ដើរ​រក​អ្នក​ស្គាល់គ្នា​សុំ​ប្រាក់​ពី​គេ ដើម្បី​ចម្អែត​ក្រពះ មួយ​ពេល​ៗ​ក៏​មាន ។

ដោយឡែក​កាលពី​អំឡុង​ឆ្នាំ​២០០២​លោក​សាន ផានិត បាន​ពើប​ប្រទេះ​ព័ត៌មាន​ដ៏​អាម៉ាស់ គឺ​ប្រភព​មួយ​អះអាង​ថា រូប​លោក​ធ្លាក់ខ្លួន​រហូត​ជិះ​ម៉ូតូឌុប និង​ញ៉ាំ​បាយ​គេ​មិន​ឲ្យ​លុយ ។

បន្ទាប់​ពី​ពើប​ប្រទេះ​ជីវិត​ដ៏​អាប់អួ​មួយរ​យៈមក លោក​សាន ផា​ន បាន​រៀបចំ​ខ្លួន​ឡើង​វិញ ហើយ​លោក​បាន​រៀប​មង្គលការ​ជា​ថ្មី​កាលពី​អំឡុង​ខែឧសភា ឆ្នាំ​២០១៤ ជាមួយ​នារី​ម្នាក់​ដែល​មាន​វ័យ​ប្រមាណ​ជាង​២០​ឆ្នាំ ជា​អ្នកធ្វើការ​នៅ​សណ្ឋាគារ​មួយ​ក្នុង​រាជធានី​ភ្នំពេញ ។

បន្ទាប់​ពី​ចូល​រោងការ​រួច​លោក​សាន ផានិត និង​ភរិយា​បាន​ចេញ​ទៅ​សាង​ជីវភាព​ថ្មី​លើ​ទឹកដី​នៃ​ខេត្តមណ្ឌលគិរី ។ នៅ​ទីនោះ​លោក​បាន​បង្កើត​មុខរបរ​រកស៊ី​ក្រៅ​រង្វង់​សិល្បៈ ។

កាលពី​ពេល ថ្មី​ៗ​កន្លង​មក​លោក​សាន ផានិត បាន​បើក​សម្ពោធ​ហាង​កម្សាន្ត​មួយ ដោយ​បោះទុន​រួម​គ្នា​ជាមួយ​មិត្តភក្តិ​ក្នុង​រង្វង់​ទឹកប្រាក់​ប្រមាណ​ជាង​១០​ម៉ឺន​ដុល្លារ ៕

ប្រភព៖ កោះសន្តិភាព

កំណត់ហេតុខ្មែរឡូត៖ ដោយឡែក រំលឹកព័ត៌មានចាស់លើកមុនផងដែរថា បទចម្រៀងមួយបទ របស់តារាជើងចាស់លោក សាន ផានិត មានចំណងជើងថា«ជាប់រវល់» ដែលទទួលបានការគាំទ្រយ៉ាងខ្លាំងខ្លា កាលពីជាង១០ឆ្នាំមុន ត្រូវបានគាស់កកាយឡើងវិញ ថតវីដេអូ MV ចម្រៀងសាជាថ្មី ពិតជាអស្ចារ្យមែនទែន។

ជាការពិតណាស់ ការថតMVថ្មីបទ «ជាប់រវល់» របស់លោក សាន ផានិតនេះ ចូលរួមសម្តែងដោយលោក ហា វ៉ៃហាង និងកញ្ញា រីយ៉ា ដែលអ្នកទាំង២នាក់នេះ សុទ្ធសឹងតែជាតារាសម្តែងកំពុងទទួលបានការគាំទ្រពីសំណាក់យុវវ័យផងដែរ។ 

មិនថាយ៉ាងណា ក្រឡេកមកមើល វីដេអូបទចម្រៀងដែលបានថតជាថ្មីនេះវិញម្តង គឺថាបើយើងធៀបទៅនឹង វីដេអូចម្រៀងកាលពីជាង១០ឆ្នាំមុន យើងអាចដឹងបានថា វាមានលក្ខណៈខុសគ្នាខ្លាំងមែនទែន ទៅនឹងវីដេអូចម្រៀងនាពេលបច្ចុប្បន្ន ទាំងក្រាហ្វិក និងបច្ចេកទេសថតជាដើម ព្រោះដោយសារតែសម័យមុន គឺមិនទាន់មានបច្ចេកវិទ្យាអ្វីទំនើប ដូចជាពេលបច្ចុប្បន្ននោះទេ។

អាស្រ័យហេតុនេះហើយ ទើបលោក សាន ផានិត រំពឹងថា តាមរយៈការថត MV​ថ្មីឡើងវិញ បទ «ជាប់រវល់» នេះផងដែរ នឹងអាចទាក់ទាញការចាប់អារម្មណ៍អ្នកគាំទ្រ ងាកមកចាប់អារម្មណ៍លើលោកជាថ្មីម្តងទៀត និងអាចចងចាំលោកជារៀងរហូត៕

ដូចនេះ កុំឲ្យខាតពេលយូរមកទស្សនា MV ចម្រៀងខាងក្រោមទាំងអស់គ្នា៖    

ចុចអាន៖ បទ «ជាប់រវល់» កាលពីជាង១០ឆ្នាំមុន របស់សាន ផានិត គាស់កកាយឡើងវិញ ថត MV ជាថ្មី ឡូយអស់ស្ទះ! (មានវីដេអូ)

ពិតទេដែលថា MV វីដេអូចាស់បទ «ជាប់រវល់» របស់ សាន ផានិត ឡូយជាង MV វីដេអូថ្មី? (មានវីដេអូ)

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

សាន ផានិត