ភាគច្រើនអ្នកបានស្គាល់រួចមកហើយថា ដំឡូងបារាំងមានរសជាតិឈ្ងុយឆ្ងាញ់ ជាប់ចិត្ត មិនថាឆាជាមួយបន្លែផ្សេងៗ ចៀន ស្ងោរ បំពង ឬដុតនោះទេ។ ប៉ុន្តែអ្នកប្រហែលជាមិនធ្លាប់បានដឹងទេថា វាក៏មានផ្ទុកនូវគ្រោះថ្នាក់មួយចំនួន ចំពោះសុខភាពដែរ បើអ្នកចម្អិនវាមិនបានឆ្អិនល្អ។
ដូច្នេះគួរឈ្វែងយល់ទាំងអស់គ្នាដើម្បីចៀសវាង ពីបញ្ហាដែលនឹងកើតមានឡើង ដោយនឹកស្មានមិនដល់ពីដំឡូងបារាំង៖
ដំឡូងបារាំងជាអាហារដែលយើងនិយមទទួលទាន ជាពិសេសកុមារ និងក្មេងជំទង់ ចូលចិត្តបរិភោគ របៀបអាហារសម្រន់ (ដំឡូងបំពង) ឬនំនានា ដោយមិនសូវបានឈ្វេងយល់ថា តើគេបានចម្អិនវាឆ្អិនល្អ និងមានអនាម័យគ្រប់គ្រាន់ហើយឬនៅ?
មានការរកឃើញថា ដំឡូងបារាំងដែលចម្អិនមិនបានឆ្អិនល្អ មានផ្ទុកសារជាតិគីមីពុលម្យ៉ាង ដែលមានឈ្មោះថា Glycoalkaloids។ វាជាអាស់៉ីតដែលរារាំងមុខងាររបស់អង់ស៊ីមផលិតសារធាតុ Cholinesterase ដែលមាននាទីជួយទប់ស្កាត់មេរោគអាក្រក់។
ដូច្នេះកាលណាអង់ស៊ីមផលិតសារធាតុ Cholinesterase មិនគ្រប់គ្រាន់ វាអាចបណ្តាលឱ្យយើង មានអាការៈឈឺក្បាល ក្អួត រាគរូស ឬវិលមុខជាដើម ក្រោយពីបរិភោគដំឡូងបារាំង មិនបានឆ្អិនល្អចូលទៅ។ ហើយសារធាតុនៅក្នុង ដំឡូងបារាំងប្រហែល០,០១ ទៅ ០,១% គឺជាសារធាតុម្យ៉ាង ដែលធន់នឹងកំដៅមិនងាយងាប់ទេ បើយើងចម្អិនវាមិនបានឆ្អិនល្អ។
ដូច្នេះមានន័យថា វានឹងប៉ះពាល់ដល់សុខភាពយើង ប្រសិនបើយើងនៅតែទទួលទាន ដោយមិនបានពិនិត្យឱ្យបានជាក់លាក់ថាឆៅ ឬក៏ឆ្អិនល្អទេនោះ។ ជាញឹកញាប់ ដំឡូងបារាំង មានផ្ទុកនូវសារធាតុពិសមួយចំនួនទៀត ដែលរួមមានដូចជា សារធាតុរារាំងការរីកលូតលាស់ និងសមាសធាតុរារាំងប្រឆាំង នឹងសកម្មភាពរបស់ trypsin ជំនួយរាងកាយ និងសារធាតុបង្កឱ្យរាងកាយឡើងកំដៅជាដើម បើវានៅឆៅមិនឆ្អិនល្អ (ប៉ុន្តែវាមានប្រយោជន៍ បើយកវាទៅបិទលើមុខ ថែរក្សាសម្រស់)។
ដូច្នេះមុននឹងសម្រេចចិត្ត ទទួលទានត្រូវគិតគួរឱ្យបានម៉ត់ចត់ជាមុខសិន មិនថាការទទួលទានដំឡូងបារាំងស្ងោរ ឆា បំពង ចៀន ឬផ្សេងៗទៀតនោះទេ ទើបមិនបណ្តាលឱ្យមានគ្រោះថ្នាក់ណាមួយកើតឡើងបានជាយថាហេតុ៕
ប្រភព៖ បរទេស
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]