រាជធានីភ្នំពេញ ៖ ក្មេងស្ទាវ២ក្រុម១ក្រុមមានគ្នា៦-៧នាក់ឯ ១ក្រុមទៀតមានគ្នា២នាក់បានជិះម៉ូតូដេញវាយគ្នាទាំងយប់វេលាម៉ោង១០និង១៥នាទី តាមបណ្ដោយផ្លូវសហព័ន្ធរុស្ស៊ីហើយបានរត់ចោលម៉ូតូ Step ១គ្រឿង រួមទាំងអាវុធខ្លីម៉ាកK៥៤ ចំនួន១ដើមថែមទៀតផង នៅចំណុចទល់មុខស្ថានីយប្រេងតូតាល់ ក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុគេឃើញក្មេងស្ទាវចំនួន២នាក់បានជិះម៉ូតូ Step ពណ៌ខ្មៅ តាមបណ្ដោយផ្លូវសហព័ន្ធរុស្ស៊ីពីលិចទៅកើត ស្រាប់តែមកដល់ចំណុចកើតហេតុខាងលើក៏មានក្មេងស្ទាវ១ក្រុមគ្នា៦-៧នាក់ជិះម៉ូតូចំនួន៤គ្រឿងតាមពីក្រោយស្ទាក់វាយទៅលើក្មេងស្ទាវ២នាក់នោះ បណ្ដាលឱ្យរងរបួស ហើយបានខំប្រឹងរើបម្រះដើម្បីរត់គេចខ្លួន។ ចំណែកឯបក្សពួកក្មេងស្ទាវដែលមានគ្នាច្រើននាក់ ក្រោយពីវាយគូបដិបក្ខរួចហើយបានប្រញាប់ប្រញាល់ឡើងជិះម៉ូតូគេចខ្លួន បាត់ស្រមោល។
ពេលកម្លាំងកងរាជអាវុធហត្ថខណ្ឌសែនសុខចុះអន្ដរាគមន៍បានឃើញម៉ូតូ Step ១គ្រឿង ពណ៌ខ្មៅ និងអាវុធខ្លី១ដើមម៉ាកK៥៤ ប៉ុន្ដែគ្មានបង់នោះទេហើយបានយកទៅរក្សាទុកនៅទីបញ្ជាការកងរាជអាវុធហត្ថខណ្ឌសែនសុខ។ ចំពោះអាវុធខ្លីK៤៥ សមត្ថកិច្ចពុំទាន់សន្និដ្ឋានថា ជាអាវុធរបស់ក្រុមក្មេងស្ទាវភាគីណានោះទេ សមត្ថកិច្ចដែលកំពុងតែស្រាវជ្រាវ ដើម្បីវែកមុខរកម្ចាស់អាវុធនេះ ៕
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]