អង់គ្លេស៖ អ្នកទាំងអស់គ្នា បានដឹងហើយថា Albert Einstein គឺជាបីតាទ្រឹស្តីរូបវិទ្យា ជនជាតិអាល្លឺម៉ង់ ហើយ Stephen Hawking គឺជាអ្នកវិទ្យាសាស្រ្តអង់គ្លេសដ៏ល្បីឈ្មោះ ដែលអ្នកទាំងពីសុទ្ធតែមានពន្ទុ IQ ខ្ពស់ដូចគ្នា។
ទោះជាយ៉ាងណា រលកក្រោយតែងតែច្រានរលកមុន ដូចជាពេលនេះក្មេងប្រុសជនជាតិឥណ្ឌាម្នាក់ មានឈ្មោះ Dhruv Talati អាយុ១០ឆ្នាំ រៀននៅទីក្រុងឡុងដ៍ ប្រទេសអង់គ្លេស ត្រូវបានគេដឹងថា មានពិន្ទុ IQ ១៦២ ខ្ពស់ជាងខ្ពស់ជាងអ្នកប្រាជ្ញទាំងពីរខាងលើទៅទៀត។
ក្មេងប្រុស Dhruv Talati ដែលមានអាតុ១០ឆ្នាំរូបនេះ បានធ្វើតេស្តសមត្ថភាព IQ ខួរក្បាលរបស់អង្គការអន្តរជាតិ Mensa ប្រចាំទីក្រុងឡុងដ៍ កាលពីខែកក្កដា ឆ្នាំ២០១៦ ដែលជាវិញ្ញាសារលំបាក ប្រភេទ Cattell III B Paper ដោយទទួលបានពិន្ទុចំនួន១៦២ ដែលតួរលេខនេះ វាខ្ពស់ជាង Einstein និង Hawking ដែលធ្លាប់ទទួលបានត្រឹមតែ១៦០ពិន្ទុ ទៅទៀត។
បច្ចុប្បន្នក្មេងប្រុសសញ្ជាតិឥណ្ឌារូបនេះ បានចូលរួមក្នុងក្លឹបសិក្សាពិសេសមួយសុទ្ធតែជាជើងខ្លាំងជុំវិញពិភពលោក ដែលគេដាក់ឈ្មោះថា ក្រុមមនុស្សឆ្លាតជាងគេបំផុតក្នុងលោក (the most intelligent folks in the world) ។
សិស្សថ្នាក់បឋមសិក្សា Fullwood Primary School ក្នុងតំបន់ Barkingsideរូបនេះ បាននិយាយថា វិញ្ញាសារធ្វើតេស្តមិនពិបាកទេ តែយ៉ាប់ត្រង់មានពេលខ្លីពេក។
កុមារ Dhruv ដែលជាមនុស្សមានទេពកោសល្យវាយកូនបាល់ និងវាយសីផងដែរនោះ មានបំណង់ចង់ក្លាយ ជាអ្នកជំនាញខាងមនុស្សយន្ត នាថ្ងៃអនាគត។
គួរបញ្ជាក់ថា អង្គការអន្តរជាតិ Mensa ប្រចាំទីក្រុងឡុងដ៍ គឺជាសហគមន៍ដ៏ចំណាស់ និងធំជាងគេក្នុងពិភពលោក ហើយវិញ្ញាសារប្រភេទ Cattell III B Paper ដែល Dhruv បានធ្វើតេស្ត គឺជាប្រភេទវិញ្ញាសារដែលមាន១៥០សំណួរ៕
ប្រភព៖ បរទេស
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
