ភ្នំពេញ៖ កាលពីយប់ថ្ងៃទី ២៨ ខែសីហា ឆ្នាំ២០១៦ កន្លងទៅនេះ ការប្រគំតន្រ្តីសប្បុរសធម៌ដ៏ធំមួយឈ្មោះថា «ដំរីអង្គរ» បានប្រារព្ធធ្វើឡើងនៅឯសាលមហោស្រពកោះពេជ្រ ដោយមានអ្នកគាំទ្រចូលរួមយ៉ាងច្រើនកុះករ រហូតទៅដល់ជាង៣ពាន់នាក់ឯណោះ ដែលធ្វើឲ្យការប្រគំតន្រ្តីទាំងមូល មានភាពគគ្រឹកគគ្រេង និងសប្បាយរីករាយខ្លាំងមែនទែន។
ក្នុងនោះវត្តមានតារាចម្រៀងល្បីៗចូលរួមយ៉ាងច្រើន រួមមានដូចជា៖ អ្នកនាង ពេជ្រ សោភា និង ជីដេវីត, លោកហេង ពិទូ, កញ្ញាអេដា, លោក P-Sand, លោក អុង សុរិយា, កញ្ញា រ៉េត សូហ្សាណា, លោក Step, លោក ម៉ា ចាន់បញ្ញា ក្រុមចម្រៀង Sed2R និងមានវត្តមានតារាជាច្រើនទៀត ដែលបានធ្វើឲ្យអ្នកគាំទ្រទាំងអស់ ដែលមកទស្សនាដោយផ្ទាល់ ស្រែកហោកញ្ច្រៀវកងរំពងពេញមហោស្រពកោះពេជ្រ មិនតែប៉ុណ្ណោះ ថែមទាំងឡើងរាំយ៉ាងសប្បាយរីករាយថែមទៀតផង។
ទន្ទឹមនឹងនេះផងដែរ អ្វីដែលរឹតតែអស្ចារ្យ និងពិសេសជាងនេះទៅទៀតនោះ គឺយើងឃើញថាមានវត្តមានតារាស្រីថៃដ៏ស្រស់ស្អាត២ដួងគឺ តារាចម្រៀងស្រីវ័យក្មេង Jannine Weigel និងតារាសម្តែងស្រី Khemanit Jamikorn ដែលគេនិយមហៅឈ្មោះនាងថា កញ្ញា Pancake។
វត្តមានរបស់អ្នកទាំង២ នៅលើទឹកដីកម្ពុជា បានធ្វើឲ្យគាំទ្រជាច្រើន មានភាពសប្បាយរីករាយ និងរំភើបចិត្តជាខ្លាំង ព្រោះថាកម្រនឹងបានជួបរូបពិត សម្លេងពិត បែបនេះណាស់។ លើសពីនេះទៅទៀត អ្នកទាំង២ទទួលបានការកោតសរសើរយ៉ាងច្រើន ពីសំណាក់អ្នកគាំទ្រកម្ពុជា ថារូបសម្រស់ពួកគេនៅខាងក្រៅ គឺពិតជាស្រស់ស្អាតមិនចាញ់នៅក្នុងទូរទស្សន៍ ឬវីដេអូចម្រៀងឡើយ៕
ដូចនេះ កុំឲ្យខាតពេលយូរទស្សនា ទិដ្ឋភាពនៅទីនោះទាំងអស់គ្នា៖
ទស្សនាវីដេអូខាងក្រោម ថតដោយក្រុមការងារខ្មែរឡូត៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]