ខេត្តបន្ទាយមានជ័យ ៖ សេចក្តីរាយការណ៍បឋមបានឲ្យដឹងថា បុរសម្នាក់ខណៈកំពុងធ្វើការ ស្រាប់តែស្រែកអូយ រួចខាំធ្មេញខ្លួនឯង ចំណែកដៃជើងញ័រដូចគេចាប់អង្រួនអ៊ីចឹង ភ្លាមៗនោះអ្នកធ្វើការជាមួយក៏បញ្ជូនទៅសង្គ្រោះ តែជាអកុសលពេលដល់មន្ទីរពេទ្យជនរងគ្រោះបានស្លាប់បាត់ទៅហើយ ។
ហេតុការណ៍នេះកើតឡើងកាលពីវេលាម៉ោងម៉ោងជិត១០ព្រឹក ថ្ងៃទី២៨ ខែសីហា ឆ្នាំ២០១៦ នៅក្នុងហាងខារ៉ាអូខេ យីហោឌឹហ្គោល ស្ថិតក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ។
សមត្ថកិច្ចបានឲ្យដឹងថា ជនរងគ្រោះឈ្មោះ និន សុភ័ណ ភេទប្រុស អាយុ២៧ឆ្នាំ ជាជាងពិដាន មានទីលំនៅភូមិមល់ ឃុំរកាត ស្រុកភ្នំក្រវ៉ាញ ខេត្តពោធិ៍សាត់ ។
ឈ្មោះ អ៊ាត ចន ភេទប្រុស អាយុ២៤ឆ្នាំ ជាកម្មកររួមអាជីពជាមួយជនរងគ្រោះបានប្រាប់សមត្ថកិច្ចថា ដំបូងជនរងគ្រោះឡើងទៅរៀបពិដានឡៅតឿនៅចំណុចខារ៉ាអូខេខាងលើ ស្រាប់តែស្រែកអូយ បន្ទាប់មកក៏ទ្រេតខ្លួនប្រុងធ្លាក់ តែខ្លួនត្រកងបីទាន់ពេល តែជនរងគ្រោះខាំធ្មេញ ហើយដៃជើងញ័រដូចចាប់អង្រួនអ៊ីចឹង មិនដឹងថា ជាករណីឆក់ ឬខ្យល់គរនោះទេ ។
ក្រុមកម្មកររួមអាជីពបន្តថា ពេលភ្លាមៗនោះក៏នាំគ្នាបញ្ជូនជនរងគ្រោះទៅកាន់មន្ទីរពេទ្យបង្អែកក្រុងប៉ោយប៉ែត តែពេលទៅដល់ក្រុមគ្រូពេទ្យប្រាប់ថា ជនរងគ្រោះបានដាច់ខ្យល់ស្លាប់ទៅហើយ ។
យោងការលើកឡើងរបស់កម្មកររួមអាជីពដែលថា ក្រោយជនរងគ្រោះស្រែកនាំគ្នាទៅបីត្រកង ហើយជនរងគ្រោះដៃជើងជាប់លើរន្ទាតែមិនឆក់ដល់ពួកខ្លួននោះ បានធ្វើឲ្យកើតជាចម្ងល់ ហើយដាក់ការសង្ស័យថា ជនរងគ្រោះអាចកើតជម្ងឺខ្យល់គរ ។
ជុំវិញបញ្ហាខាងលើនេះ លោក អ៊ឹម សុភារៈ មេប៉ុស្តិ៍រដ្ឋបាលនគរបាលសង្កាត់ប៉ោយប៉ែតបានប្រាប់ឲ្យដឹងថា យោងការសួរនាំពីកម្មកររួមអាជីព ខ្លះថាសង្ស័យឆក់ចរន្តអគ្គីសនី ព្រោះជនរងគ្រោះដាក់រន្ទាចំលើខ្សែភ្លើង ។ យ៉ាងណាក៏ដោយករណីខាងលើ លោកមិនទាន់ប្រាកដថាជាករណីស្លាប់ដោយអ្វីពិតប្រាកដនៅឡើយទេ រង់ចាំការធ្វើការត្រួតពិនិត្យ និងកោសល្យវិច្ច័យពីជំនាញសិន ៕
ប្រភព៖ កោះសន្តិភាព
កំណត់ហេតុខ្មែរឡូត៖ ដោយឡែក ករណីមួយផ្សេងទៀត កាលពីលើកមុន បុរសម្នាក់បានប្រកាច់ស្លាប់ភ្លាមៗនៅក្បែរទ្រុងជ្រូកចាស់ក្រោយផ្ទះរបស់ខ្លួន សង្ស័យខ្យល់គរ ព្រោះជាមនុស្សចូល ចិត្តផឹកស្រា ស្រវឹងខួប ជាច្រើនឆ្នាំមកហើយ។
ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៥ និង២០នាទីព្រឹក ថ្ងៃទី២៩ កញ្ញា ២០១៥ ស្ថិតនៅភូម៤ សង្កាត់កាចាញ ក្រុងបានលុង។
ប្រភពពីកន្លែងកើតហេតុបានឱ្យដឹងថា ជនរងគ្រោះដែលស្លាប់នោះមានឈ្មោះ អិតម៉ាក ហៅភ័ក្រ អាយុ៤២ឆ្នាំ មានប្រពន្ធឈ្មោះ ស៊ីម វិបុល អាយុ៤៣ឆ្នាំ មានកូន ៤នាក់ ប្រុសម្នាក់ក្នុងបន្ទុក រស់នៅភូមិ កើតហេតុខាងលើ។
តាមការរៀបរាប់របស់ប្រពន្ធជនរងគ្រោះនោះបានឱ្យដឹងថា ប៉ុន្មានថ្ងៃមុនកើតហេតុ ប្តីរបស់គាត់ ចេះតែភ្ញាក់ផ្អើល ហើយតែងតែ រត់គេចពីហ្វូង មនុស្សច្រើនៗទៅពួនសំងំ ទីកន្លែងស្ងាត់រហូត មកដល់ព្រឹកថ្ងៃ កើតហេតុស្រាប់តែក្រោកពីព្រលឹម មិនមានស្លៀក ពាក់ខោអាវទេ មានតែខោលីអូ ចេញបាត់ពីផ្ទះ។
ពេលនោះគាត់ជាប្រពន្ធបាត់ប្តីទាំងព្រលឹមដូច្នេះក៏ដើរកតាមផ្ទះអ្នកជិតខាងក្រែងប្តី របស់គាត់ ទៅរក (ដកមេ) ផឹកស្រាតែរក មិនឃើញក៏ដើររក ជុំវិញផ្ទះស្រាប់តែ ឃើញប្តីដេកស្តូកក្បែរ ទ្រុងជ្រូកចាស់ ក្រោយផ្ទះចំងាយ ប្រហែល២០ម៉ែត្រពីផ្ទះ ក៏ស្រែកឆោឡោឡើង រកអ្នកភូមិឱ្យជួយ ប្តីគាត់ តែអកុសល ប្តីគាត់ស្លាប់ បាត់ទៅហើយ។
សមត្ថកិច្ចបច្ចេកទេសនៃស្នងកាខេត្តបានចុះត្រួតពិនិត្យដល់កន្លែងកើតហេតុ មិនឃើញមាន ស្លាកស្នាមអ្វីនៅលើដងខ្លួន សាកសពឡើយ គឺជុំវិញនោះមាន ស្នាមស្មៅបាក់ រាបប្រហែលជា បុរសនោះ ប្រកាច់មុនពេលស្លាប់ ហើយសមត្ថកិច្ច សនិ្នដ្ឋានថា ប្រហែលជា គាត់ខ្យល់គរ ព្រោះផឹកស្រា មិនចេះក្លែម ឬហូបបាយ ហើយស្រវឹង រាល់ថ្ងៃធ្វើឱ្យខួរក្បាលវង្វេងវង្វាន់ រវើរវាយ រហូតភ័យខ្លាចចេះតែ រត់គេចពីហ្វូងមនុស្ស ទៅសំងំលាក់ ខ្លួនរហូត ប្រកាច់ស្លាប់បែបនេះតែម្តង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
