ខេត្តសៀមរាប ៖ សេចក្តីរាយការណ៍បឋមឱ្យដឹងថា ខ្ទើយម្នាក់ត្រូវចាប់ខ្លួន បន្ទាប់ពីធ្វើសកម្មភាពលួចខ្សែ.ក និងលុយពីក្នុងបន្ទប់ភ្ញៀវ ហើយគេចខ្លួនទៅប្រទេសថៃ លុះត្រឡប់មកវិញក៏ត្រូវសមត្ថកិច្ចចាប់បាន កាលពីវេលាម៉ោង១រំលងអធ្រាត្រចូលថ្ងៃទី២៦ សីហា ២០១៦ ខណៈពេលកំពុងតែដើរទាក់ភ្ញៀវទេសចរនៅម្តុំ Pubstreet ។
ជនសង្ស័យខាងលើឈ្មោះសុខ សីហា អាយុ១៨ឆ្នាំ ជាភេទទី៣ មានទីលំនៅក្នុងភូមិទ្រាំង សង្កាត់ស្លក្រាម ក្រុងសៀមរាប ។ ពេល ឃាត់ខ្លួននោះ ត្រូវកម្លាំងដកហូតលុយដុល្លារចំនួន២៦៥ដុល្លារ, លុយបាត៨០០០ និងបន្តោងព្រះចំនួន២ផងដែរ ។
បើតាមការឱ្យដឹងពីជនសង្ស័យថា រូបគេធ្វើបែបនេះ គឺមកពីចង់បានលុយទៅកែសុដន់ឱ្យធំ និងមានលុយចាយ ។ ប្រភពបន្តថា កាលពីថ្ងៃទី០៤ សីហា កន្លងទៅ មានភ្ញៀវជនជាតិបារាំងម្នាក់ បានហៅខ្លួនទៅដេកជាមួយ ប៉ុន្តែភ្ញៀវនោះមិនបានដេកទេ ហើយឱ្យលុយ៥ដុល្លារ ។
បន្ទាប់មក ខ្លួនចេញដើរកាត់បន្ទប់មួយទៀត ក៏ឃើញបុរសម្នាក់ដេកចំហរទ្វារ ខ្លួនក៏ចូលទៅដោះខ្សែ.កមាសទម្ងន់៥តម្លឹង និងបន្តោងព្រះ៣អង្គដែលដាក់លើតុ ហើយគេចខ្លួនទៅប្រទេសថៃ ដោយយកទៅលក់បានតម្លៃ៥៨០០០បាត ។
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកដែរថា ដោយឡែកករណីមួយផ្សេងទៀត ជនសង្ស័យ២នាក់ ត្រូវបានកម្លាំងនគរបាលការិយាល័យ ព្រហ្មទណ្ឌកម្រិតស្រាល នៃស្នងការដ្ឋាននគរបាល រាជធានីភ្នំពេញ បានចេញបង្ក្រាប និងចាប់ខ្លួនបន្ទាប់ពី ធ្វើសកម្មភាពឆក់ទូរស័ព្ទពីស្ដ្រីម្នាក់ បានបន្តិចនៅទឹកដីខណ្ឌដូនពេញ។
លោក ប៊ុន សត្យា នាយការិយាល័យព្រហ្មទណ្ឌកម្រិតស្រាល បានឲ្យដឹងថា នៅយប់ថ្ងៃទី៨ ខែកក្កដា ឆ្នាំ២០១៦ កម្លាំងការិយាល័យ ព្រហ្មទណ្ឌកម្រិតស្រាលរបស់លោក កំពុងល្បាតដូចសព្វមួយដង លុះល្បាតដល់ចំណុច មហាវិថីព្រះនរោត្តម កែងផ្លូវលេខ១១៨ សង្កាត់ ផ្សារចាស់ ខណ្ឌដូនពេញ ក៏ប្រទះឃើញជនសង្ស័យ២នាក់ ជិះម៉ូតូមួយគ្រឿង ម៉ាក Honda Dream ពាក់ស្លាកលេខភ្នំពេញ1J-2179 បានធ្វើសកម្មភាពឆក់ទូរស័ព្ទដៃមួយគ្រឿង ម៉ាក សាំសុង ពីស្ដ្រីម្នាក់ ពេលឃើញដូច្នេះកម្លាំងសមត្ថកិច្ច បានជិះម៉ូតូដេញតាមពីក្រោយជនសង្ស័យ រហូតដល់ចំណុចក្បែរវិទ្យាល័យព្រះស៊ីសុវត្ថិ ទើបឃាត់ខ្លូនបាន។
លោកបន្ដថា ជនសង្ស័យដែលឃាត់ខ្លួនបានទី១ឈ្មោះ ចិន សុវិជ្ជា អាយុ២៩ឆ្នាំ និងទី២ឈ្មោះ មង សារ៉េត អាយុ២៩ឆ្នាំ។ ក្រោយពីមាន ការសម្របសម្រួលពី លោក សៀង សុខ ព្រះរាជអាជ្ញារង អយ្យការអមសាលាដំបូងរាជធានីភ្នំពេញ កម្លាំងសមត្ថកិច្ចជំនាញបានធ្វើ តេស្ដរកសារធាតុញៀន ពីជនសង្ស័យទាំង២ ជាលទ្ធផលជនសង្ស័យឈ្មោះ ចិន សុវិជ្ជា មានសារធាតុញៀនក្នុងខ្លូន។ បច្ចុប្បន្នជនសង្ស័យទាំង២ ត្រូវបានកសាងសំណុំរឿង ដើម្បីចាត់ការតាមនីតិវិធី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]