(ភ្នំពេញ)៖ ដោយមើលឃើញពីជីវិត នៃការតស៊ូរបស់ជនពិការជើង ទាំងសងខាងម្នាក់ ដែលកំពុងប្រកបរបរអង្គុយដាក់ជញ្ជីងថ្លឹង ដើម្បីរកលុយចិញ្ចឹមជីវិត ដោយការមិនលើកដៃសំពះសុំទាន ពីប្រជាពលរដ្ឋ ដែលបានធ្វើដំណើរទៅទស្សនាកំសាន្ត នៅមុខព្រះបរមរាជវាំងនោះ តារាសម្តែងប្រុសមានប្រជាប្រិយភាព លោក សាវិន ហ្វីលីព បានបង្ហាញពីទឹកចិត្តសរសើរ ចំពោះការតស៊ូ ពីសំណាក់ជនពិការម្នាក់នោះ ហើយថែមទាំងប្រកាសស្វែងរកជំនួយ ជួយឧត្ថម្ភដល់គាត់ ទៀតផង។
នៅលើបណ្តាញសង្គមហ្វេសប៊ុក របស់តារាសម្តែង និងជាប្រធានមូលនិធិ «កុមារសាវិនកម្ពុជា» កាលពី០១ម៉ោងមុននេះ បានបង្ហោះរូបភាពចំនួន៣សន្លឹក ភ្ជាប់ជាមួយការសរសេរថា «ខ្ញុំចង់ជួយបុរសពិការកំសត់ម្នាក់នេះ ហើយខ្ញុំសូមកោតសរសើរ ចំពោះបុរសពិការនេះ ទោះខ្លួនពិការមែន តែដាច់ខាតមិនព្រមលើកដៃសុំទានគេឡើយ គឺ គាត់សុខចិត្តប្រឹងរស់ ជាមួយរបរជញ្ជីងថ្លឹងចាស់មួយ នៅទល់មុខបរមរាជវាំង»។
លោក សាវិន ហ្វីលីព បានបន្តទៀតថា «គាត់(បុរសពិការ) ប្រាប់ខ្ញុំព្រឹកនេះថា ពេលខ្លះគាត់ដាច់បាយក៏មាន ហើយគាត់ឈ្មោះ ង៉ុយ សាន មានអាយុ៤៦ឆ្នាំ រស់នៅផ្ទះជួលនៅម្ដុំច្បារអំពៅ ហើយមានកូន៤នាក់ក្នុងបន្ទុក។ តើយើងអាចបរិច្ចាគក្នុងម្នាក់ត្រឹម១ដុល្លារ ដើម្បីធ្វើឲ្យជីវិតរបស់គាត់ផ្លាស់ប្ដូរបានអត់? ថ្ងៃស្អែកព្រឹក ខ្ញុំនឹងយកថវិការខ្លះ ទៅជូនគាត់!»។
ជាមួយគ្នានេះដែរ តារាសម្តែងលោក សាវិន ហ្វីលីព ក៏បានអំពាវនាវថា «សូមសប្បុរសជនក្នុង និងក្រៅប្រទេសមេត្តាជួយគាត់ផង មើលទៅកែវភ្នែកគាត់ កំសត់ខ្លាំងណាស់។ អ្នកណាយល់អារម្មណ៍មួយនេះ ?»។
ចំពោះសប្បុរសជន ដែលមានបំណងជួយអាចទំនាក់ទំនង តាមលេខលេខទូរស័ព្ទរបស់លោក សាវិន ហ្វីលីព ០៨១ ៦៣ ៧៨ ៧៨ ឬ០១២ ៣៩ ១៣ ២១៕
ប្រភព៖ Khmertalking
កំណត់ហេតុខ្មែរឡូត៖
ដោយឡែក រំលឹកព័ត៌មានចាស់លើកមុនផងដែរថា បន្ទាប់ពីជូបគ្រោះថ្នាក់គាំងបេះដូង ដួលសន្លប់នៅកន្លែងហាត់ប្រាណមួយកន្លែង នៅភ្នំពេញហើយត្រូវបានក្រុមគ្រួសារបញ្ជូន ទៅសង្គ្រោះបន្ទាន់ នៅមន្ទីពេទ្យកាល់ម៉ែត កាលពីព្រលប់ថ្ងៃទី១៨ ខែសីហា ឆ្នាំ២០១៦ កន្លងទៅនោះ រហូតមកទល់ពេលនេះ ស្ថានភាពតារាសម្តែង លោក សាវិន ហ្វីលីព បានវិលត្រឡប់មករកស្ថានភាពដើមវិញហើយ គ្រាន់តែមិនទាន់ស្រួលខ្លួន១០០ភាគរយ។
នៅលើបណ្តាញសង្គមហ្វេសប៊ុក របស់តារាប្រុសសកម្ម លើការងារមនុស្សធម៌ លោក សាវិន ហ្វីលីព បានសរសេរបញ្ជាក់ កាលពីមួយម៉ោងមុននេះថា« ខ្ញុំឆ្លងផុតពីគ្រោះថ្នាក់ ដល់ជីវិតហើយ។ អរគុណចំពោះការបារម្មណ៍ របស់ Fans បងប្អូនមិត្តភក្តិ និងក្រុមគ្រូពេទ្យនៅមន្ទីរពេទ្យកាល់ម៉ែត ដែលបានជួយជីវិតខ្ញុំ..! ប្រសិនបើខ្ញុំ យឺតពេលតែ១០នាទីទៀតជីវិតខ្ញុំ និងត្រូវបពា្ចប់ព្រោះសម្ពាធឈាម បានបុកឡើង រហូតដល់១៩ ។ ចង្វាក់បេះដូងរបស់ខ្ញុំ បានរលត់ឈឹងប្រៀបដូចទ្បាន រលត់ម៉ាស៊ីនកាលពីយប់មិញ!»។
បន្ថែមលើនេះ លោក សាវិន ហ្វីលីព បានប្រាប់ Khmertalking ឲ្យដឹងដោយខ្លីទៀតថា «ពេលនេះខ្ញុំបានដឹងខ្លួនវិញហើយ។ ម្យ៉ាងទៀត ខ្ញុំមិននឹកស្មានថា ខ្លួនឯងអាចឆ្លងផុតគ្រោះថ្នាក់ ដល់ជីវិតបែបនេះទេ!»។
សូមបញ្ជាក់ថា តារាសម្តែង និងជាប្រធានមូលនិធិ «កុមារសាវិនកម្ពុជា» ដ៏មានប្រជាប្រិយភាពលេចធ្លោ តាមរយៈសកម្មភាពមនុស្សធម៌ លោក សាវិន ហ្វីលីព កាលពីល្ងាចថ្ងៃទី១៨ខែសីហាឆ្នាំ២០១៦នេះ បានជួបហេតុការណ៍គ្រោះថ្នាក់ គាំងបេះដូងដួលសន្លប់ នៅកន្លែងហាត់ប្រាណមួយកន្លែង ហើយត្រូវបានក្រុមគ្រួសារបញ្ជូនទៅសង្គ្រោះបន្ទាន់ នៅមន្ទីរពេទ្យកាល់ម៉ែត។ ប៉ុន្តែរហូតមកទល់ពេលនេះ ស្ថានភាពជំងឺរបស់លោក បានធូស្បើយខ្លះហើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
