(បាត់ដំបង)៖ បេក្ខនារីម្នាក់បានដួលសន្លប់ ក្រោយមកក្រុមគ្រួពេទ្យ បានជួយសង្គ្រោះ ហើយបានដាក់ខ្យល់អុកស៊ីសែន ទើបអាចប្រឡងបានវិញ នូវមុខវិជ្ជារូបវិទ្យា នាព្រឹកថ្ងៃទី២៣ ខែសីហា ឆ្នាំ២០១៦នេះ នៅមណ្ឌល សកលវិទ្យាល័យ បាត់ដំបង។
Facebook អង្គភាពប្រឆាំងអំពើពុករលួយ បានបញ្ជាក់ថា «សិស្សស្រីពូកែម្នាក់បានឈឺដួលសន្លប់ និយាយមិនចេញបានត្រឹមសរសេរ លើក្រដាស នូវពាក្យមួយមាត់ថា ឈឺ ហើយក៏សន្លប់ទៅ»។ អង្គភាពប្រឆាំងអំពើពុករលួយ បានបន្ថែមថា ក្រោយមកក្រុមគ្រូពេទ្យ ប្រឹងជួយអស់លទ្ធភាព រហូតចុងក្រោយ នាងអាចងើបឡើង ធ្វើកិច្ចការវិញបានទាំងកំពុងដាក់អុកស៊ីសែន ហើយវិញ្ញាសារូបវិទ្យានេះ ហាក់បីដូចជាគ្មានបញ្ហាទេសម្រាប់នាង ព្រោះនាងមានទំនុកចិត្តខ្លាំងមែនទែន។
សូមបញ្ជាក់ថា នៅថ្ងៃទី២៣ ខែសីហា នេះគឺជាថ្ងៃទី២ នៃការប្រឡងសញ្ញាបត្រមធ្យមសិក្សាទុតិយភូមិ សម្រាប់ថ្នាក់វិទ្យាសាស្ដ្រ (ភាសាខ្មែរ និងរូបវិទ្យា)៕
ប្រភព៖ Khmertalking
កំណត់ហេតុខ្មែរឡូត៖
ដោយឡែក រំលឹកព័ត៌មានចាស់លើកមុនផងដែរថា ប្រឡងបាក់ឌុបព្រឹកថ្ងៃទី២ មានបេក្ខជនអវត្តមាន១៣០៧នាក់ បញ្ហាសុខភាព២៤នាក់ គួររំលឹកផងដែរថា យោងតាមគេហទំព័រក្រសួងអប់រំ យុវជននិងកីឡាបានឲ្យដឹងថា «ដំណើរការសំណេរនាព្រឹកថ្ងៃទី២នេះ មានពីរមុខវិជ្ជា សម្រាប់ថ្នាក់វិទ្យាសាស្ត្រ (អក្សរសាស្ត្រខ្មែរ និងរូបវិទ្យា) និងសម្រាប់ថ្នាក់វិទ្យាសាស្ត្រសង្គម (គណិតវិទ្យា និងសីលធម៌-ពលរដ្ឋវិជ្ជា) ។ បេក្ខជនអវត្តមានកើនឡើងដល់ ១៣០៧ នាក់ ។ ដោយឡែកបេក្ខជនមានបញ្ហាសុខភាព ចំនួន ២៤នាក់ ។
ដំណើរការសំណេរបានបន្តប្រព្រឹត្តទៅដោយរលូនល្អ ពោលគឺគណៈមេប្រយោគគ្រប់លំដាប់ថ្នាក់មានការទទួលខុសត្រូវខ្ពស់ក្នុងការបំពេញភារកិច្ច ទោះបីនៅខេត្តមួយចំនួនមានភ្លៀងក៏ដោយ ។ បេក្ខជនបន្តគោរពបទប្បញ្ញត្តិនៃការប្រឡងបានល្អ មានភាពជឿជាក់ និងខិតខំធ្វើកិច្ចការបានច្រើន ពុំមានឧបទ្ទវហេតុអ្វីកើតឡើងគួរឲ្យកត់សម្គាល់ឡើយ ដោយមានការចូលរួមយ៉ាងសកម្មពីអាជ្ញាធរដែនដីកងកម្លាំងមានសមត្ថកិច្ច និងមន្ត្រី និងសង្កេតការណ៍ស្ម័គ្រចិត្តមកពីអង្គភាពប្រឆាំងអំពើពុករលួយ និងសហភាពសហព័ន្ធយុវជនកម្ពុជា ដែលពាក់ព័ន្ធ។
ចំពោះដំណើរការសំណេរនារសៀលនេះ មានមួយមុខវិជ្ជាគឺ វិញ្ញាសាគណិតវិទ្យា សម្រាប់ថ្នាក់វិទ្យាសាស្ត្រ និងអក្សរសាស្ត្រខ្មែរ សម្រាប់ថ្នាក់វិទ្យាសាស្ត្រសង្គម »៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]