(ភ្នំពេញ)៖ ស្របពេលដែលដំណឹង នៃការធ្លាក់ខ្លួនឈឺរបស់តារាសម្តែង អ្នកនាង សំ ប៉ូលីដា ដែលសាមីខ្លួនអះអាងថា ជាឧបទ្ទវហេតុរអិលជើងដួល ដោយចៃដន្យ គ្រាកំពុងចាប់ទឹកកកបម្រើភ្ញៀវនៅហាងមួយកន្លែង ម្តុំតាខ្មៅនោះ បានកកើតមានរឿងជាច្រើន បែកធ្លាយចេញមក ដោយមានទស្សនិកជនជាច្រើន បានដាក់ការសង្ស័យថា របួសស្មាមរបស់នាង អាចកើតឡើង ដោយការប្រើអំពើហិងក្សា ពីសំណាក់ប្តីរបស់នាង ដែលជាមន្ត្រីយោធាពាក់ស័ក្ដិ៤កន្លះ។
ជាការឆ្លើយតបតារាស្រី អ្នកនាង សំ ប៉ូលីដា បានថ្លែងប្រាប់បណ្តាញសាព័ត៌មាន ក្នុងស្រុកមួយចំនួនថា រឿងនៃគ្រោះថ្នាក់បាក់ជើង និងមានស្នាមជាំលើផ្ទៃមុខនេះ មិនមែនបណ្តាលមកពីការប្រើអំពើហិង្សា ពីសំណាក់ប្តីឡើយ ពោលវាគឺជារឿងចៃដន្យ ហើយគួបផ្សំ និងជំងឺទឹកនោមផ្អែមរបស់នាងផង ទើបនៅពេលដួលបណ្តាលឲ្យផ្ទៃមុខឡើងជាំ ខ្លាំងបែបនេះ។ ប៉ុន្តែទន្ទឹមគ្នានឹងកើតមានរឿងនេះដែរ ស្រាប់តែធ្លាយវីដេអូ ដែល សំ ប៉ូលីដា ធ្លាប់បាននិយាយរៀបរាប់ ពីការប្រើអំពើរហឹង្សា ពីសំណាក់ប្តីតាំងពីដើម រហូតនាងឆ្លងទន្លេកូនបាន២ខែប៉ុណ្ណោះ។
ដើម្បីបានដឹងជ្រាបច្បាស់ សូមទស្សនិកជនទស្សនាឃ្លីវីដេអូ នៃការបែកធ្លាយរៀបរាប់អំពីការប្រើអំពើហិង្សា របស់លោក ស្វាយ ស៊ីសុថា ហៅ ខ្យា មកលើតារាស្រី អ្នកនាង សំ ប៉ូលីដា ខាងក្រោមនេះ ទាំងអស់គ្នា៖
ប្រភព៖ Khmertalking
កំណត់ហេតុខ្មែរឡូត៖
គួររំលឹកថា កាលពីថ្ងៃម្សិលមិញនេះ អ្នកនាង សំ ប៉ូលីដា បានបកស្រាយពីរឿង លេចឮថាស្វាមី ប្រើហឹង្សាដាក់ រហូតដល់បាក់ជើង ប្រាប់សារព័ត៌មានក្នុងស្រុកមួយថា រឿងរ៉ាវគ្រប់យ៉ាង ដែលបណ្តាលឲ្យអ្នកនាង រងរបួស ដល់ថ្នាក់បាក់ជើងនេះ គឺបណ្តាលមកពី កាលពីមួយរយៈមុន អ្នកនាងដួល ហើយមិនបានចាប់អារម្មណ៍ដឹងថា ឆ្អឹងជើងប្រះ ដោយមួយរយៈនោះ ជើងចេះតែហើម និងឈឺអ្នកនាងគិតថា ប្រហែលជាមកពីឡើង ជាតិអាស៊ីត ទើបមិនបានទៅពិនិត្យត្រឹមត្រូវ ។ លុះដល់ថ្ងៃកើតហេតុ អ្នកនាងពាក់ស្បែកជើងកែងចោទ ហើយក៏ធ្វេសប្រហេស រួចដួលហើយគួបផ្សំ ឆ្អឹងប្រះស្រាប់ ក៏បាក់តែម្តងទៅ ។
អ្នកនាងបានបន្តទៀតថា ក្រោយពីមានបញ្ហានេះ កើតឡើងគឺមានបុគ្គលិក នៅហាងក៏បានដឹងរឿងនេះ ដោយក្រោយពីអ្នកនាងដួល គឺត្រូវបានបុគ្គលិកនិងស្វាមី យកទៅពិនិត្យនៅមន្ទីរពេទ្យ ៧៩តែពេទ្យថាមិនអាច ធ្វើការវះកាត់បានទេ ព្រោះអ្នកនាងមានជំងឺទឹកនោមផ្អែម ។
ដោយឡែកស្វាមីរបស់អ្នកនាង សំ ប៉ូលីដា ក៏បានបកស្រាយប្រាប់ឲ្យដឹងថា «សម្រាប់រឿងដែលថា ខ្ញុំប្រើហឹង្សាដាក់ភរិយា គឺមិនមែនជាការពិតទេ វាជារឿងដែលខុសស្រឡះ តាមពិតទៅគាត់ស្រវឹង ហើយក៏ដួលដោយខ្លួនឯង នៅមុខហាង ពេលដែលដួលនោះ ខ្ញុំមិនទាំងបានដឹងផង ព្រោះនៅមើលការ ខុសត្រូវនៅក្នុងហាង ទើបដឹងជាក្រោយ ក៏នាំទៅពេទ្យទើបដឹងថា ជើងរបស់គាត់ស្រាំប្រមាណ២ខែ ដោយឡែកទាក់ទង និងស្នាមនៅលើមុខគឺប្រហែលជាអាច ដួលទៅប៉ះនឹងអ្វី ហើយប្រសិនបើមិនជឿទេ អាចមកសួរបុគ្គលិក នៅហាងនេះផ្ទាល់បាន» ។
តារាកំប្លែង ដែលធ្លាប់មានប្រជាប្រិយភាពខ្លាំង កាលពីប៉ុន្មានឆ្នាំមុនគឺ អ្នកនាង សំ ប៉ូលីដា នៅពេលថ្មីៗនេះ បានធ្លាក់ខ្លួនឈឺជាទម្ងន់ ដោយអ្នកនាងបានរងរបួស បាក់ជើងខាងស្តាំ ហើយពេលនេះអ្នកនាង បានធ្វើការអំពាវនាវ ស្វែងរកជំនួយពីសប្បុរសជន ព្រោះតែជីវភាពរបស់ អ្នកនាង រស់នៅលំបាកវេទនា ខ្វះខាតគ្មានសូម្បីតែផ្ទះស្នាក់នៅ ។
យ៉ាងណាមិញ ក៏សង្ឃឹមថា នឹងមានសិល្បករ សិល្បការិនី ដែលទទួលបានដំណឹងនេះហើយ និងអាចជួយឧបត្តម្ភជាថវិកា ឬជាសម្ភារៈផ្សេងៗ ទៅតាមលទ្ធភាព និងសណ្តានចិត្តរបស់ខ្លួន ដើម្បីឲ្យតារាកំប្លែងជើងចាស់ អ្នកនាង សំ ប៉ូលីដា ទទួលបានការព្យាបាល និងមានកន្លែងសម្រាកព្យាបាល បានត្រឹមត្រូវផងដែរ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]