ខេត្តកំពង់ចាម ៖ ស្ដ្រីម្នាក់បានរងរបួសបាក់ភ្លៅឆ្វេង បែកក្បាលពីក្រោយ និងរលាត់ដៃជើង ខណៈពេលជិះម៉ូតូជាមួយបងថ្លៃត្រឡប់មកពីកាត់ចំណងដៃបងប្អូន ជីដូនមួយត្រូវជនសង្ស័យបើកម៉ូតូតាមឆក់ខ្សែ.កមិនបានសម្រេច ដោយសារលូកដៃទៅឆក់ដូចច្រានគាត់ឱ្យធ្លាក់ពីលើម៉ូតូ កាលពីវេលាម៉ោង៧និង១៥នាទីយប់ថ្ងៃទី២៥ កុម្ភៈ នៅចំណុចភូមិអណ្ដូងតាអុង ឃុំព្រែកក្របៅ ស្រុកកងមាស ។
ស្ដ្រីរងគ្រោះឈ្មោះពេជ្រ សុភី អាយុ៤១ឆ្នាំ មានទីលំនៅភូមិណាំកិន ឃុំព្រែកក្របៅ ស្រុកកងមាស ខេត្ដកំពង់ចាម ត្រូវបុរសជាប្ដីឈ្មោះជន់ ណារិន អាយុ៤០ឆ្នាំ ជាគ្រូបង្រៀនបានឱ្យដឹងថា នៅថ្ងៃកើតហេតុប្រពន្ធរបស់គាត់បានជិះម៉ូតូម៉ាកវ៉េវ ពណ៌ខ្មៅ ជាមួយបងថ្លៃប្រុសឈ្មោះម៉ៅ ស៊ុន អាយុ៥២ឆ្នាំ ដើម្បីទៅកាត់ចំណងដៃបងប្អូនជីដូនមួយនៅភូមិពោធិ៍សាលាទី១ ឃុំព្រែកក្របៅ ស្រុកកងមាស។ ប្ដីស្ដ្រីរងគ្រោះបានបន្ដទៀតថា ស្ដ្រីរងគ្រោះពេលទៅចូលរួមពិធីកាត់ចំណងដៃនោះមានពាក់ខ្សែ.កប្លា ទីនទម្ងន់៣ជី និងខ្សែដៃមាស៥ជីផង។ លុះចេញពីកាត់ចំណងដៃមកវិញ ស្រាប់តែមានម៉ូតូជនសង្ស័យមួយគ្រឿងជិះដេញតាមពីក្រោយ ខណៈមកដល់ចំណុចកើតហេតុបានធ្វើសកម្មភាពឆក់ខ្សែ.ក បណ្តាលឱ្យស្ត្រីរងគ្រោះធ្លាក់ពីលើម៉ូតូរងរបួស ប៉ុន្តែឆក់មិនបានសម្រេចជនសង្ស័យក៏បើកម៉ូតូគេចខ្លួនបាត់ ។
ក្រោយពេលកើតហេតុស្ដ្រីរងគ្រោះត្រូវបានគេ បញ្ជូនទៅសង្គ្រោះនៅមន្ទីរពេទ្យខេត្ដកំពង់ចាម ប៉ុន្ដែស្ថានភាពធ្ងន់ធ្ងរបានបញ្ជូនបន្ដទៅព្យាបាលនៅមន្ទីរពេទ្យ ព្រះកុសុមៈ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]