អាមេរិក៖ កាលពីយប់មិញនេះ ក្នុងព្រឹត្តការណ៍ការប្រកួតបាល់ទាត់មិត្តភាព នៃពានរង្វាន់ International Champion Cup ក្លិបយក្សរបស់អេស្ប៉ាញ Barcelona បានលុត ជើងឯកថ្មីរបស់អង់គ្លេស Leicester ក្នុងលទ្ធផល ៤-២ ធ្វើឲ្យ Leicester ទទួលរងបរាជ័យ ២ប្រកួតជាប់គ្នា ក្នុងពានរង្វាន់នេះ។ ចំនែកឯមុននេះបន្តិច ពានរង្វាន់ International Champion Cup ក៏ទើបតែបានបញ្ចប់មួយប្រកួតរូចរាល់ហើយដែរ ដោយក្លិបយក្សរបស់អេស្ប៉ាញមួយក្រុមទៀត គឺ Real Madrid បានយកឈ្នះលើជើងឯកមកប្រទេសអាល្លឺម៉ង់ Bayern Munich ក្នុងលទ្ធផល ១-០ ។
ទាក់ទងនឹងការប្រកួតរវាង Barcelona និង Leicester កាលពីយប់មិញឃើញថា Leicester ទទួលរងសម្ពាធជាខ្លាំង ដោយទើបតែតង់ទី១សោះ Barcelona នាំមុខរហូតទៅដល់ ៣-០ ដែលស៊ុតចូលកីឡាករ Munir ២គ្រាប់ និង Luis Suarez ១គ្រាប់ ជាមួយនឹងការបញ្ចូនបាល់ដ៏ស្រស់ស្អាតពីកីឡាករ Lionel Messi ផងដែរ។
ចូលដល់តង់ទី២ ក្លិបជើងឯកអង់គ្លេស Leicester ក៏មិនទាន់អស់សង្ឃឹមដែរ ដោយវាយបកវិញបាន ២គ្រាប់ ដោយកីឡាករតែមួយរូប គឺ Ahmes Musa ដោយគ្រាប់ទី១ធ្វើឡើងនៅនាទី៤៨ និងគ្រាប់ទី២ នៅនាទី៦៦ ។ ជិតបញ្ចប់ការប្រកួតទៅហើយ ពោលគឺនៅនាទី៨៦ គឺកីឡាករ Rafa Mujica បានបន្ថែមមួយគ្រាប់ទៀតឲ្យ Barcelona ដែលធ្វើការប្រកួតបញ្ចប់ទៅក្នុងលទ្ធផល ៤-២ ។
ក្រលេកមកមើលមួយគូទៀតគឺ Real Madrid យកឈ្នះលើក្លិបជើងឯកអាល្លឺម៉ង់ Bayern Munich ក្នុងលទ្ធផល ១-០ ដែលមួយគ្រាប់នេះធ្វើឡើងដោយកីឡាករ Danilo នៅនាទី៧៩។ ថ្វីត្បិតតែ មានការសម្រុកទៅវិញទៅមកក្តីក៏ Bayern Munich នៅតែធ្វើអ្វី Real Madrid មិនបាន ជាហេតុធ្វើឲ្យលទ្ធផលរក្សារហូតដល់បញ្ចប់ការប្រកួត៩០នាទី ៕
រីករាយទស្សនាវីដេអូ Highlight ទាំង២ប្រកួតនេះដូចតទៅ៖
ប្រភព៖ Skysports
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
