ខេត្តកំពង់ស្ពឺ ៖ យ៉ាងហោចណាស់មនុស្ស៦នាក់បានរងរបួស និងផ្ទះ៤៤ខ្នងរងការខូចខាត ឣំឡុងពេលមានភ្លៀងធ្លាក់មួយមេយ៉ាងធំ។ ពេលនេះសមត្ថកិច្ចកំពុងតែជួយឣន្តរាគមន៍ដល់ម្ចាស់ផ្ទះរងគ្រោះ ដើម្បីរាយការណ៍ជូនថ្នាក់ដឹកនាំ។
ករណីភ្លៀងបណ្តាលឱ្យរលំផ្ទះនេះ កើតឡើងកាលពីវេលាម៉ោង3និង30នាទី ថ្ងៃទី៣០ កក្កដា២០១៦ នៅភូមិស្នោទី១ សង្កាត់រកាធំ ក្រុងច្បារមន ខេត្តកំពង់ស្ពឺ។
លោកឣនុសេនីយ៍ឯក ធី ឆៃ មេបញ្ជាការកងរាជឣាវុធហត្ថក្រុងច្បារមនឱ្យដឹងនៅព្រឹកថ្ងៃទី៣១កក្កដា ថា មុនពេលកើតករណីនេះឡើង មានភ្លៀងធ្លាក់មួយមេយ៉ាងខ្លាំង។ ពេលភ្លៀងក៏មានលាយឡំនិងខ្យល់កន្ត្រាក់ផងដែរ បណ្តាលឲ្យរលំផ្ទះរបស់ប្រជាពលរដ្ឋ និងរបើកដំបូលសរុបប្រមាណ40ខ្នង ។
លោកមេបញ្ជាការបន្តថា ក្នុងនោះរលំទាំងស្រុង 5ខ្នង របើកដំបូលធ្ងន់-ស្រាលចំនួន៣៩ខ្នង បណ្តាលឱ្យមនុស្សរងរបួសមនុស្សចំនួន6នាក់ ព្រមទាំងដើមឈើជាច្រើនបានបាក់ផងដែរ។ ឣ្នករងរបួសត្រូវបានឣាជ្ញាធរឣន្តរាគមន៍បញ្ជូនទៅសង្គ្រោះភា្លមៗផងដែរ។
ប្រភព៖ កោះសន្តិភាព
កំណត់ហេតុខ្មែរឡូត៖ ដោយឡែក ករណីមួយផ្សេងទៀត កាលពីលើកមុន យ៉ាងហោចណាស់ មនុស្ស ៤នាក់ ត្រូវបានស្លាប់ និង៤៧នាក់ផ្សេងទៀត បានរងរបួសធ្ងន់ស្រាល នៅក្នុងហេតុការណ៍ខ្យល់ព្យុះ ដែលបានកើតឡើង នៅក្នុងរយៈពេល៤ខែ ដើមឆ្នាំ ២០១៦ នេះ។ ជាមួយគ្នាផងដែរ មន្ត្រីជំនាញផ្នែកគ្រប់គ្រងគ្រោះមហន្តរាយបានធ្វើការវាយតម្លៃថា ស្ថានភាពខ្យល់ព្យុះឆ្នាំនេះមានលក្ខណៈធូរស្បើយជាងឆ្នាំមុន ដោយសារតែចំនួនខូចខាតទ្រព្យសម្បត្តិ និងចំនួនអ្នកស្លាប់និងអ្នករងរបួសមានភាពតិចជាងកាលពីឆ្នាំមុន។
នៅព្រឹកថ្ងៃទី៣០ ខែមេសា ឆ្នាំ២០១៦ ករណីខ្យល់ព្យុះ គិតមកដល់បច្ចុប្បន្ននេះ បានកើតឡើងចំនួន៤៦លើកនៅខេត្តចំនួន១៦ ក្នុងនោះរលំផ្ទះខូចខាតធ្ងន់ធ្ងរមាន២៣៣ខ្នង ផ្ទះរបើកដំបូលនិងខូចខាតជញ្ជាំង និងរបើកមធ្យមមានចំនួន១០២២ខ្នង រប៉ើកដំបូលសាលារៀន៧អាគារ និង១៥អាគារទៀតរបើកដំបូលអាគារផ្សេងៗទៀត។ នៅដើមឆ្នាំ ២០១៦ នេះដែរ ករណីខ្យល់ព្យុះក៏បានសម្លាប់ មនុស្ស ៤នាក់ និង៤៧ នាក់រងរបួស និង បានបំផ្លាញដើមកៅស៊ូអស់ចំនួន៥០ហិកតា នៅស្រុកអូជុំ ខេត្តរតនៈគីរីផងដែរ។
លោកកែវ វី លោកបញ្ជាក់ថា “ស្ថានភាពខ្យល់ព្យុះក្នុងឆ្នាំហ្នឹង ឃើញថាវាមានការធូរស្រាល ជាងឆ្នាំទៅច្រើន ណាស់ព្រោះចូលមកដល់ ខែមេសានេះ យើងឃើញថាករណីខ្យល់ព្យុះ វាកើតឡើងច្រើនដោយសារតែ វាជារដូវមួយមានការប្តូរផ្លាស់ ពីរដូវប្រាំងមករដូវវស្សាខែ ៤ទៅខែ៥ហ្នឹង ភាគច្រើនការទទួលរងគ្រោះ គឺមានច្រើនណាស់ ប៉ុន្តែដោយសារឆ្នាំនេះ យើងទទួលរងនូវអាកាសធាតុក្តៅ ខ្លាំងលើកដំបូងហ្នឹងគឺវាមាន បញ្ហាភ្លៀងខ្យល់ធ្លាក់មកស្ទើរ តែគ្រប់ខេត្តនៅថ្ងៃទី២៧-២៨-២៩ អាករណីភ្លៀវកក់ខែ ខ្យល់ព្យុះវាកើតឡើងនៅចុងខែ៤គឺច្រើន”។ សូមរំលឹកថា សម្រាប់រយៈពេល៤ខែ ដើមឆ្នាំ២០១៥ កន្លងមកនេះ ករណីខ្យល់ព្យុះបានកើតឡើង មាន៤២លើក នៅរាជធានីខេត្តចំនួន២០ ក្នុងនោះផ្ទះរលំធ្ងន់ធ្ងរមានចំនួន ៤៥៦ខ្នងផ្ទះ របើកដំបូលនិងខូចខាត មធ្យមមាន១៨៤៩ខ្នង របើកដំបូល សាលារៀន១២អាគារស្លាប់ ៥របួស៣៩នាក់។ ការរងគ្រោះដោយសារន្ទះបាញ់ ស្លាប់ ១០ របួស៨ ងាប់គោក្របី ៩ក្បាល។ យោងតាមស្ថានភាពខ្យល់ព្យុះ ដែលបានកើតឡើង កាលពីឆ្នាំមុននេះ លោកកែវ វីបានសន្និដ្ឋានថា ករណីខ្យល់ព្យុះបានកើតឡើងប្រហាក់ប្រហែលគ្នា ប៉ុន្តែការរងគ្រោះវាតិចជាងឆ្នាំមុន ព្រោះកាលពីឆ្នាំមុនករណីខ្យល់ព្យុះ មានស្ថានភាពធ្ងន់ធ្ងរជាង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
