(ភ្នំពេញ)៖ បុរសជនជាតិចិនម្នាក់ ស្រវឹងជោគជាំ បានបើករថយន្ដបុករបាំងដែក របស់សមត្ថកិច្ចដែលកំពុងត្រួតពិនិត្យ ជាតិអាល់កុលតាមដងផ្លូវ បាក់អស់២ផ្ទាំង រួចបើករត់គេចខ្លួន តែត្រូវបានសមត្ថកិច្ចដេញចាប់បានវិញ។
ហេតុការណ៍នេះកើតឡើង នៅយប់ថ្ងៃទី២៩ ខែកក្កដា ឆ្នាំ២០១៦នេះ តាមបណ្ដោយផ្លូវលេខ៥៩៨ ស្ថិតក្នុងសង្កាត់ទឹកល្អក់ទី១ ខណ្ឌទួលគោក។
មន្ដ្រីនគរបាលចរាចរណ៍ ដែលនៅកន្លែងកើតហេតុបានឱ្យដឹងថា មុនពេលកើតហេតុកម្លាំងនគរបាលចរាចរណ៍ ខណ្ឌទួលគោក បានដាក់កម្លាំងត្រួតពិនិត្យ ជាតិអាល់កុលដូចសព្វមួយដង តែពេលកំពុងត្រួតពិនិត្យនោះ ស្រាប់តែមានរថយន្ដមួយគ្រឿងម៉ាក Luxes 330 ពាក់ស្លាកលេខ ភ្នំពេញ 2AE-9419 ដែលបើកបរដោយបុរសជនជាតិចិនម្នាក់ ក្នុងទិសដៅពីជើងទៅត្បូង លុះមកដល់ចំណុចខាងលើ ដោយសារតែអ្នកបើកបរស្រវឹង ក៏បានរេចង្កូតទៅបុករបាំងដែក របស់សមត្ថកិច្ចអស់២ផ្ទាំង ធ្វើឱ្យសមត្ថកិច្ចរត់ចែកជើងគ្នា រួចអ្នកបើកបរបានបើករត់គេចខ្លួន តែត្រូវកម្លាំងសមត្ថកិច្ចនាំគ្នាដេញចាប់បានវិញ។ បន្ទាប់មកជនបង្ក ត្រូវបានសមត្ថកិច្ចនាំខ្លួនទៅកាន់ការិយាល័យចរាចរណ៍ក្រុង ដើម្បីចាត់ការតាមច្បាប់៕
ប្រភព៖ Fresh News
កំណត់សម្គាល់ខ្មែរឡូត៖
គួររំលឹកថា កាលពីម្សិលមិញនេះដូចគ្នា ក៏មានជនជាតិចិនស្រវឹងស្រា បើករថយន្ត Lexus 570 បុកម៉ូតូមួយគ្រឿង ៣នាក់ម្តាយកូន បណ្តាលឲ្យរងរបួស។
ក្មេងតូចៗ ២នាក់រងរបួសធ្ងន់ ដោយសារជនជាតិចិន មួយក្រុមដែលស្រវឹង បើករថយន្ត Lexus 570 ទៅបុកម៉ូតូមួយគ្រឿង ជិះគ្នា៣នាក់ម្តាយ និងកូន ចេញពីកោះពេជ្រនាម៉ោង១១៖៣០នាទីយប់ថ្ងៃទី២៩ ខែកក្កដា ឆ្នាំ ២០១៦ ស្ថិតនៅក្នុងសង្កាត់ ទន្លេបាសាក់ខណ្ឌចំការមន ភ្នំពេញ ។
ប្រភពពីកន្លែងកើតហេតុបានឲ្យដឹងថា នៅម៉ោងខាងលើគេបានឃើញ ជនជាតិចិនមួយក្រុមសុទ្ធតែស្រវឹង បើករថយន្ត មួយគ្រឿង ម៉ាក Lexus 570 ពណ៌ស ស្លាកលេខភ្នុំពេញ2M-9158 ចេញពីម្តុំកោះពេជ្រ លុះមកដល់ត្រង់ស្ពាន ហង្ស ក៏មានម៉ូតូមួយគ្រឿងម៉ាកPCX ដែលជិះគ្នា៣នាក់ ម្តាយកូន មកដល់ធ្វើឲ្យ វ៉ាក់ជាមួយគ្នាក៏បានបុកគ្នាពេញទំហឹង ដែលបណ្តាលឲ្យកូនតូចៗ ២នាក់រងរបួសធ្ងន់ ចំណែកម៉ូតូ និងរថយន្តរងការខូចខាតយ៉ាងដំណំផងដែរ ។
ក្រោយកើតហេតុ ភាគីខាងរថយន្ត ជជែកគ្នា និងសងសំណងទៅឲ្យភាគី ខាងម៉ូតូចំនួន ២៨០០ដុល្លារ ដើម្បីបញ្ចប់រឿងនៅកន្លែងកើតហេតុតែម្តងទៅ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]