ករណីរំលោភ តែងកើតមានជាញឹកញាប់ក្នុងប្រទេស ហ្ស៊ីមបាវ៉េ ប៉ុន្តែអ្វីដែលគួរឲ្យចម្លែកនៅពេលនេះ គឺបុរសត្រូវស្ត្រីចាប់រំលោភទៅវិញ។ នេះបើតាមការចេញផ្សាយរបស់សារព័ត៌មាន Emirates 247។
របាយការណ៍ចុងក្រោយមួយ បានរាយការណ៍ថា បុរសម្នាក់បានចោទប្រកាន់ទៅលើនារីបី រូបពីបទដាក់ថ្នាំ ប្លន់ និងរំលោភក្នុងភាគខាងត្បូងទីក្រុង Bulawayo។
តាមប៉ូលិស បានឲ្យដឹងថា ករណីរំលោភនេះ ជាករណីទី ៥ហើយដែលកើតមានក្នុងរយៈពេលជិតមួយឆ្នាំនេះ។
បុរសវ័យ ២៦ឆ្នាំម្នាក់ បាននិយាយប្រាប់ប៉ូលិសថា លោកបានសុំស្ត្រីបីនាក់ជិះដោយសារ។ នៅពេលដែលលោកឡើងឡានមិនបានប៉ុន្មានផង ស្ត្រីទាំងនោះបានយកកំណាត់សំពត់ដែលមានថ្នាំសណ្ដំមកគ្របមាត់ ហើយលោកក៏សន្លប់បាត់ស្មារតី។ នៅពេលដែលលោកដឹងខ្លួនឡើង រាងកាយរបស់លោកស្ថិតក្នុងភាពអាក្រាត ហើយស្ត្រីទាំងនោះប្ដូរវេនគ្នារំលោភទៅលើរូបលោក។
ដោយគ្មានកម្លាំងតបត ស្ត្រីទាំងនោះ ថែមទាំងយកលុយរបស់លោកអស់ ២០០ អឺរ៉ូ និងទូរស័ព្ទដៃមួយគ្រឿងផងដែរ។ នេះបើតាមការរាយការណ៍ពីប៉ូលិស។
រឿងស្រដៀងគ្នានេះ បានកើតឡើងកាលពីខែកុម្ភៈកន្លងទៅ នៅពេលដែលបុរសអាយុ ២៥ ឆ្នាំម្នាក់ ត្រូវស្ត្រី ៤នាក់ ភ្ជង់ឲ្យបម្រើតណ្ហារបស់ពួកគេ។ លើសពីនេះទៅទៀត ករណីមួយផ្សេងទៀតគឺបុរសវ័យ ៣០ឆ្នាំម្នាក់ត្រូវស្ត្រីបីនាក់ដាក់ថ្នាំរំលោភ ហើយនារីពីរនាក់ក្នុងចំណោមនោះមានកាំភ្លើងក្នុងដៃ។
ចំពោះករណីបុរសត្រូវបានស្ត្រីរំលោភនេះ មិនទាន់មានច្បាប់ណាមួយត្រូវបានអនុម័តប្រឆាំងនឹងសកម្មភាពនេះទេក្នុងប្រទេសនេះ៕
ដក់ស្រងពីគេហទំព័រសប្បាយ និងBBC
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]