ខេត្តសៀមរាប ៖ បុរសម្នាក់បានចង.កនឹងកន្សែងពោះគោភ្ជាប់ទៅនឹងបំពង់ហ្គាសម៉ាស៊ីនត្រជាក់ ស្ថិតនៅក្នុងបន្ទប់ទឹកផ្ទះសំណាក់មួយកន្លែងយីហោ «ឌី អិន ឌី» បង្កឱ្យភ្ញាក់ផ្អើលកាលពីវេលាម៉ោង០៤ និង៣០នាទីរសៀលថ្ងៃទី២៧ កក្កដា ២០១៦ ក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប ។
ជនរងគ្រោះមិនត្រូវស្គាល់អត្តសញ្ញាណទេ មានអាយុប្រហែលជា៣០ឆ្នាំ សំបុរសណ្ដែកបាយ សក់ខ្លី ច្រមុះស្រួច មានពុកចង្ការ ទម្រង់មុខរាងវែងស្គម ពាក់អាវដៃវែងពណ៌ខៀវ លាយខ្មៅមូរដៃ ស្លៀកខោខូវបូយជើងវែង ។
ប្រភពពីនគរបាលប៉ុស្តិ៍ស្វាយដង្គំដែលចុះទៅពិនិត្យដល់កន្លែងកើតហេតុ បានប្រាប់ឱ្យដឹងនៅព្រឹកថ្ងៃទី២៨ កក្កដា នេះថា ជនរងគ្រោះចង.កដោយកន្សែងពោះគោ ពណ៌.ស ភ្ជាប់ទៅនិងបំពង់ហ្គាសម៉ាស៊ីនត្រជាក់នៅក្នុងបន្ទប់ទឹកជាន់ទី មួយ ដែលមានកម្ពស់ពីការ៉ូ១,៦២ម៉ែត្រ ។
ក្រោយពីកើតហេតុ កម្លាំងជំនាញបានរកឃើញមានឆ្នាំងសាកទូរស័ព្ទ IPhone៥ មួយ តែពុំមានទូរស័ព្ទ, ការបូបស្ពាយមួយគ្មានសម្ភារ, ការបូបដាក់ប្រាក់មួយ មានប្រាក់ចំនួន៦០០រៀល, តេលេឡានមួយ, សំបកថ្នាំចំនួន០៦បន្ទះ, សំបកកំប៉ុងស្រាបៀរចំនួន២កំប៉ុង, និងសំបកកំប៉ុងទឹកក្រូច១។
ប្រភពបញ្ជាក់បន្ថែមថា បន្ទាប់ពីកាត់ខ្សែទំលាក់សាកសពដល់ដី និងពិនិត្យកោសល្យលើរាងកាយជនរងគ្រោះ បានសន្និដ្ឋានឃើញថា ជនរងគ្រោះគ្មានស្លាកស្នាមអ្វីគួរឱ្យកត់សម្គាល់ ក្រៅពីខ្សែរឹត.កជាំតែប៉ុណ្ណោះ ដែលមិនមែនជាករណីឃាតកម្មនោះទេ ។ ប្រហែលជាជនរងគ្រោះផឹកស្រា រួចលេបថ្នាំតាមក្រោយ បន្ទាប់មកក៏សម្រេចចិត្តចង.កធ្វើអត្តឃាតខ្លួនឯងតែម្តងទៅ ពីព្រោះសពនៅមានក្លិនស្រានៅឡើយ ហើយប្រដាប់ភេទមានចេញទឹកកាម និងលាមក និងមានចេញឈាមទៀតផង ។
បច្ចុប្បន្ន សាកសពជនរងគ្រោះ ត្រូវសមត្ថកិច្ចយកទៅរក្សាទុកនៅមន្ទីរពេទ្យបង្អែកខេត្តសៀមរាប ដើម្បីប្រកាសរកក្រុមគ្រួសារសាច់ញាតិមកទទួលយកទៅធ្វើបុណ្យ ។
ប្រភព៖ កោះសន្តិភាព
កំណត់ហេតុខ្មែរឡូត៖ ដោយឡែក ករណីមួយផ្សេងទៀត កាលពីលើកមុន យុវតីវ័យទើបតែ ១៧ឆ្នាំម្នាក់ បានដាច់ចិត្តចងកសម្លាប់ខ្លួនឯង នៅលើផ្ទះទាំងព្រឹក នាថ្ងៃទី១៨ ខែកក្កដា ឆ្នាំ២០១៦នេះ ស្ថិតនៅភូមិវត្ត សង្កាត់-ក្រុងប៉ៃលិន ។
សមត្ថកិច្ចមូលដ្ឋានបានឲ្យដឹងថា យុវតីរងគ្រោះឈ្មោះ ម៉ៅ វិជួន អាយុ១៧ឆ្នាំ រស់នៅភូមិកើតហេតុខាងលើនេះ។ ក្រោយពីកូនស្រីធ្វើអត្តឃាត ដោយចងករួចមក ឪពុកម្តាយបានរាយការណ៍ ទៅកាន់សមត្ថកិច្ចមូលដ្ឋាន អោយចុះទៅត្រួតពិនិត្យ និងធ្វើកោសល្យវិច័្ចយ ហើយបានសន្និដ្ឋានថា សាកសពយុវតីរងគ្រោះពិតជា បានស្លាប់ដោយសារតែចង់ ក ខ្លួនឯងពិតមែន គឺបណ្ដាលមកពី បញ្ហាមានជម្ងឺផ្លូវចិត្ត និងគ្មានស្នាកស្នាមអ្វីពាក់ព័ន្ធនិងអំពើឃាតកម្មនោះឡើយ ។
បច្ចុប្បន្ននេះសមត្ថកិច្ចបានប្រគល់ សាកសពស្ត្រីរងគ្រោះទៅអោយ ក្រុមគ្រួសារយក ទៅធ្វើបុណ្យតាមប្រពៃណី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]