(ភ្នំពេញ)៖ បទថ្មីរបស់ផលិតកម្ម ថោន បកស្រាយដោយ លោក សុគន្ធ ថេរ៉ាយុ និងកញ្ញា ស៊ីរីកា ក្រោមចំណងជើងថា «ស្រឡាញ់អូនលើសហើយ» និង«ស្រឡាញ់បងលើសហើយ» កំពុងតែមានការគាំទ្រខ្លាំង ពីអ្នកទស្សនា ខណៈបទនេះមានអត្ថន័យ ជ្រៀលជ្រៅសម្រាប់ មិត្តយុវវ័យសម័យថ្មី។
ត្រកូល «លើសហើយ» ទាំង២នេះ ត្រូវបានដាក់បង្ហាញ នៅក្នុងប្រព័ន្ធទំនាក់ទំនង Facebook មិនដល់មួយថ្ងៃផង (14 Hours) មានអ្នកគាំទ្រចុច Like ដល់ទៅជិត ១ម៉ឺន និង Share ជាង ១ម៉ឺននាក់។ លើសពីនោះក៏មានអ្នក Comment ជាច្រើន។ អ្វីដែលគួរជាទីចាប់អារម្មណ៍នោះ មានអ្នកទស្សនាបង្ហាញ ពីការកោតសរសើរ ចំពោះអ្នកដឹកនាំសម្តែងផងដែរ ដែលទាំងនេះឆ្លុះបញ្ចាំង ពីការគាំទ្រ របស់មហាជន។
អ្នកគាំទ្រម្នាក់បានលើកឡើងថា រូបគាត់ពិតជាមានការកោតសសើរ ដល់ផលិតកម្ម ថោន ដែលបាននិពន្ធបទចម្រៀងនេះឡើង ដែលមានអត្ថន័យជ្រាលជ្រៅ និងគួរជាទីចាប់អារម្មណ៍ ហើយអ្នកគាំទ្រ ក៏បានលើកទឹកចិត្តឲ្យអ្នកនិពន្ធ បទចម្រៀងគួរតែនិពន្ធបទ Original Song ព្រោះជាការល្អសម្រាប់ អ្នកទស្សនា និងគេចផុតពីការរិះគន់ ដែលតែងតែកើតមាន នាពេលកន្លងមក។
អ្នកគាំទ្របានសរសេរថា «សុំសរសើរដល់ថោន ដែលរួមគ្នាខិតខំបង្កើត MV នេះឡើង ចង់ប្រាប់ថា សាច់រឿងធ្វើ ឲ្យខ្ញុំជក់ចិត្ត ជាពិសេសត្រង់សរសេរ Status តែម្តង តែលើកក្រោយខ្ញុំសុំម្យ៉ាង គឺទំនុកភ្លេង Original»។
សូមរំឭកថា ផលិតកម្ម ថោន កន្លងមកក៏បានធ្លាប់ចេញ នូវបទចម្រៀង ដែលជាលក្ខណៈ Original Song ដល់ទៅ ២៥៦បទផងដែរ ដែលជាការនិពន្ធដោយស្នាដៃ អ្នកនិពន្ធរបស់ផលិតកម្មផ្ទាល់ ហើយផលិតកម្មកំពុងតែផលិតបទចម្រៀងលក្ខណៈ Original Song បន្ថែមទៀត ជាច្រើន ដើម្បីឈានទៅរកការលុបបំបាត់ ការចម្លងបទច្រៀងពី បរទេស ឲ្យបានអស់ទាំងស្រុង ៕
ប្រភព៖ Khmertalking
កំណត់ហេតុខ្មែរឡូត៖ ដោយឡែក រំលឹកព័ត៌មានចាស់លើកមុនផងដែរថា ថោន បានបង្ហាញតារាងបញ្ជីឈ្មោះបទ «Original Song» ចំនួន២៦៥បទ ដើម្បីបន្សាបការរិះគន់ ចម្លងបទពីបរទេស គួររំលឹកផងដែរថា ខណៈដែលមួយរយៈពេលចុងក្រោយនេះ តែងតែមានការរិះគន់ខ្លាំងៗ លើការជ្រើសនិពន្ធបទចម្រៀង ចម្លងពីបរទេស ពិសេសគឺការរិះគន់លើតារាចម្រៀង និងអ្នកនិពន្ធរបស់ផលិតកម្ម ថោន លោក ងួន សុបិន និងតារាចម្រៀង កែវ វាសនា បន្ទាប់ពីចេញបទ «ស៊ីបានចេញតែស៊ីទៅ» លក់នៅលើទីផ្សារកាលពីពេលថ្មីៗកន្លងទៅ។ ខាងភាគីផលិតកម្ម ថោន ថ្មីៗនេះ បានបញ្ចេញបញ្ចីឈ្មោះ ស្នាដៃនៃការនិពន្ធបទចម្រៀង Original Song ចំនួន២៦៥បទ ដើម្បីបង្ហាញប្រាប់ឲ្យមហាជន បានដឹងជាសាធារណៈថា ផលិតកម្ម ថោន លែងចម្លងបទពីបរទេសទៀតហើយ និងក្នុងន័យបន្សាបការរិះគន់ទាំងឡាយ ដែលតែងជះកំហឹង ចំពោះបទចម្លងពីបរទេស។
ភ្ជាប់ជាមួយគ្នានឹងការបង្ហោះ តារាងបញ្ជីឈ្មោះនៃបទចម្រៀង Original Song ទាំង២៦៥បទនេះ ខាងក្រុមហ៊ុនផលិតម្ម ថោន ក៏បានបញ្ជាក់ថា «តើអ្នកដឹងទេ? បទខាងក្រោម ដែលអ្នកធ្លាប់ស្ដាប់កន្លងមកនេះ គឺជាបទ Original Song!»។ តាមរយៈការបង្ហោះតារាបទចម្រៀង Original Song ចំនួន២៦៥បទនេះ ក៏មានទស្សនិកជាច្រើន បានផ្តល់ការគាំទ្រ និងជម្រុញលើកទឹកចិត្ត ឲ្យបន្តជ្រើសយកការនិពន្ធ បទចម្រៀង Original Song ឲ្យបានកាន់តែច្រើន ជាងនេះបន្ថែមទៀត។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
