ខេត្តព្រះសីហនុ ៖ យ៉ាងហោចណាស់មនុស្ស១១នាក់ រងរបួសធ្ងន់-ស្រាលក្នុងហេតុការណ៍គ្រោះថ្នាក់ចរាចរណ៍ក្រឡាប់ រថយន្តមួយ កាលពីថ្ងៃទី២៩ សីហា ២០១២ វេលាម៉ោង៨និង៤០នាទីព្រឹក នៅតាមបណ្តោយផ្លូវជាតិលេខ៤ ត្រង់ចំណុចគីឡូម៉ែត្រលេខ១៦៦-១៦៧ ស្ថិតក្នុងភូមិតាពៅ ឃុំជើងគោ ស្រុកព្រៃនប់ ។
តាមប៉ូលិសចរាចរស្រុកព្រៃនប់ ឱ្យដឹងថា រថយន្តដែលរងគ្រោះថ្នាក់មួយគ្រឿងនេះ ម៉ាកហ៊ីយ៉ាន់ដាយ ចំណុះ១តោនកន្លះ ពណ៌ស បើកដោយឈ្មោះថាង សាម៉ី ភេទប្រុស អាយុ៣៥ឆ្នាំ មានទីលំនៅភូមិស្រែអំបិល ឃុំស្រែអំបិល ស្រុកស្រែអំបិល ខេត្តកោះកុង បានដឹកកម្មករចំនួន៣៥នាក់ពីស្រុកស្រែអំបិល ទៅលើកស្ករសរនៅស្រុកស្ទឹងហាវ ខេត្តព្រះសីហនុ ខណៈមកដល់ចំណុចកើតហេតុ ស្រាប់តែមានម៉ូតូមួយគ្រឿងមិនស្គាល់ម៉ាកបើកពីខេត្តព្រះសីហនុ ទៅភ្នំពេញ ក្នុងទិសដៅបញ្ច្រាសទិសគ្នាបានបើកវ៉ារថយន្តមួយគ្រឿងផ្សេង ទៀតដែលបើកនៅពីមុខទន្ទឹមនឹងនោះ រថយន្តដឹកកម្មករក៏មកដល់បានវាក់ជាមួយនឹងម៉ូតូនោះធ្វើឱ្យ អ្នកបើករថយន្តងាកចង្កូតគេចពីម៉ូតូក្រឡាប់ខ្លួនឯង ចំណែកអ្នកបើកម៉ូតូពេលឃើញដូច្នោះក៏បន្ថែមល្បឿនទៅមុខបាត់តែ ម្តង ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]