ចិន៖ វាមិនមែនជារឿងលេងសើចទេ ដែលបុរសម្នាក់ ចិត្តសឿង រត់លោត ពីអគារមួយ ទៅអគារមួយ ដែលមានកំពស់ខ្ពស់ ដោយមិនញញើតបែបនេះ ។ រឿងរ៉ាវបែបនេះ ធ្លាប់តែឃើញ ក្នុងខ្សែភាពយន្ត ឬជាការសម្តែងកាត់ត ផ្សេងៗ តែឥឡូវ ឃើញច្បាស់ផ្ទាល់នឹងភ្នែក ដោយយោងតាមវីដេអូមួយ ដែលបានបង្ហោះនៅក្នុងអិុនធើណេត ។
បុរសចិត្តសឿងរូបនេះ ត្រូវបានគេស្គាល់ថា ជាអត្តពលិក ដែលមកពីប្រទេសអង់គ្លេស ឈ្មោះថា Max វ័យ ២៤ឆ្នាំ ជាមួយនឹងសម្លៀកបំពាក់បែបកីឡា ខោខ្លី អាវយឺត និងស្បែកជើងកីឡា ហើយគាត់បានប្រថុយនឹងល្បែងគ្រោះថ្នាក់មួយ ដោយបានរត់ ហើយលោត ពីអគារមួយ ទៅអគារមួយ ដែលកំពស់រហូតដល់ ២៥ជាន់ ពីដី ដោយមិនញញើតខ្លាចស្លាប់ បន្តិចសោះ ។
គួរបញ្ចាក់ផងដែរថា ក្នុងអំឡុងពេលដែលគាត់លោតនោះ គាត់ក៏បានថតនូវ វីដេអូមួយដែរ ហើយ វីដេអូដែលគាត់ថតនោះ កំពុងទទួលបានការចាប់អារម្មណ៍ និងកំពុងល្បីល្បាញក្នុងអិុនធើណេត ដែលអ្នកមើលមួយចំនួនបានសម្តែងនូវអារម្មណ៍រន្ធត់ និងតក់ស្លុតជួសគាត់។ បន្ថែមពីនេះទៀត Max ក៏បានបង្ហាញនូវអារម្មណ៍របស់ខ្លួនផងដែរ ដោយគាត់បានសរសេរក្នុងបណ្តាញសង្គមរបស់ខ្លួនថា «នេះគ្រាន់តែជាការហាត់សមតែប៉ុណ្ណោះ» ។
គាត់បន្ថែមទៀត «ការហាត់សមនៅនេះ គឺសម្រាប់ត្រៀមខ្លួនថតនូវឈុតឆាកផ្សេងៗទៀត ហើយសម្រាប់ការធ្វើបែបនេះ គាត់ក៏មានអារម្មណ៍ភ័យបន្តិចបន្តួចដែរ» ។
សូមបញ្ជាក់បន្ថែមទៀតផងដែរថា អគារដែលគាត់បានលោតឆ្លងនោះ គឺស្ថិតនៅក្នុងទីក្រុងហុងកុង ប្រទេសចិន ហើយក្រឡាដែលគាត់រត់នៅលើអគារនោះ មានប្រវែងទទឹងតែ ១៥សង់ទីមែត្រ ប៉ុណ្ណោះ ប៉ុន្តែ គាត់ធ្វើវាបានដោយភាពងាយស្រួល និងអស្ចារ្យគួរឲ្យកោតសរសើរ។ តែយ៉ាងណាមិញ វាក៏ជាគ្រោះថ្នាក់មួយដែរក្នុងការសាកល្បងបែបនេះ។ គួរបញ្ជាក់ផងដែរថា នេះមិនមែនជាលើកទី១ ទេដែលគាត់ធ្វើរឿងដ៏គ្រោះថ្នាក់បែបនេះ៕
ដូច្នេះប្រសិនជាប្រិយមិត្តបាន ទស្សនាវីដេអូ នេះហើយ សូមកុំព្យាយាមសាកល្បងធ្វើតាម៖
ប្រភព៖ បរទេស
កំណត់ហេតុខ្មែរឡូត៖ ដោយឡែក រំលឹកព័ត៌មានចាស់លើកមុនផងដែរថា បុរសម្នាក់ខ្វះកន្លែងអង្គុយរៀន បែរជាមកអង្គុយរៀន នៅក្រៅបង្អួចអគារជាន់ទី៥ ធ្វើឲ្យមានការភ្ញាក់ផ្អើល
ហេតុការណ៍នេះកើតឡើងនៅប្រទេសចិន ដែល បុរសជានិស្សិតម្នាក់អង្គុយអានសៀវភៅនៅក្រៅបង្អួច នៃអគារជាន់ទី៥ ធ្វើឲ្យអ្នកលេងបណ្តាញសង្គមមានការភ្ញាក់ផ្អើល ដោយសកម្មភាពអង្គុយអានសៀវភៅរបស់គាត់ ត្រូវបានគេថតបាន ហើយបានបង្ហោះចូលក្នុងអិុនធើណេត។
រូបថតដែលគាត់កំពុងអង្គុយអានសៀវភៅនេះ ត្រូវបានអ្នកនិយមលេងបណ្តាញសង្គមចែកចាយតៗគ្នា ហើយថែមទាំងទទួលបានការចាប់អារម្មណ៍ទៀតផង ដោយសារនេះជារឿងកម្រនឹងជួបប្រទះ ។
បុរសម្នាក់នេះ ត្រូវបានគេស្គាល់ថា ជានិស្សិតនៃសាកលវិទ្យាល័យ Shandong ប្រទេសចិន ហើយក៏ជាសិស្សពូកែមួយរូបផងដែរ ប៉ុន្តែ គាត់បានធ្វើឲ្យអ្នកលេងបណ្តាញសង្គមភាគច្រើនមានចម្ងល់ថា ហេតុអ្វីបានជាមកអង្គុយរៀននៅក្រៅបង្អួចនៅទីខ្ពស់នៃអគារមួយនេះ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]