ថៃ៖ កម្លោះសង្ហារសម្បូរស្នេហ៍ Mario Maurer ជាតារាមួយដួងដែលទទួលបានការគាំទ្រយ៉ាងខ្លាំង ពីសំណាក់មនុស្សនៅក្នុងបណ្តាញសង្គម Facebook និង Instagram ។
កាលពីពេលថ្មីៗនេះកម្លោះសង្ហារ Mario Maurer ត្រូវបានគេទម្លាយថា កំពុងមានទំនាក់ទំនងស្នេហាលួចលាក់យ៉ាងស្អិតរមួតជាមួយតារាចម្រៀងស្រីវ័យក្មេង Chan Chi Janjira ដែលមកពីក្រុមអៃកា។ ដោយគេឧស្សាហ៍បានឃើញអ្នកទាំងពីរ តែងតែទៅណាមកណាជាមួយគ្នាមិនលោះពេលម្តងណាឡើយ។
ក៏ប៉ុន្តែមិនថាយ៉ាងណា ពន្លកស្នេហាក្មេងវ័យរបស់គូស្នេហ៍មួយគូនេះ បានធ្វើឲ្យក្រុមអ្នកគាំទ្រជាច្រើនរបស់ Mario មិនអាចទទួលយកបាននោះទេ នេះដោយសារតែមានពួកគេមិនពេញចិត្តជាមួយនឹងរូបសម្រស់របស់នាង Janjira។ ក្រោយមកពួកគេក៏បានសើរើយករូបថតចាស់ៗរបស់តារាស្រី Janjira កាលពីវ័យកុមារ យកមកបង្ហោះនៅពាសពេញបណ្តាញសង្គមទាំងអស់។
ក្រុមអ្នកគាំទ្រយល់ឃើញថា នាងមានមុខមាត់អាក្រក់ណាស់ ដូច្នេះគឺមិនសាកសមនឹងលោក Mario Maurer ដែលជាកម្លោះសង្ហារនោះឡើយ ហើយរឿងនេះបានធ្វើឱ្យនាង Janjira មានការអាក់អន់ចិត្តជាខ្លាំង។
ទោះបីយ៉ាងនេះក្តី បន្ទាប់ពីមានការលេចចេញព័ត៌មាននេះឡើង តាមរយៈគណនី Instagram និងបណ្តាញសង្គម Facebook នាង Janjir ស្នើសុំទៅដល់ប្រព័ន្ធផ្សព្វផ្សាយថា សូមបញ្ឈប់ការរិះគន់នាង និងលោក Mario ថាមិនសាកសមនឹងគ្នាទៀតទៅ ព្រោះថាស្នេហាពិត មិនបានកើតចេញពីរូបសម្បត្តិនោះទេ ប៉ុន្តែវាកើតចេញពីទឹកចិត្តដែលបានស្រឡាញ់គ្នា យ៉ាងប្តូរផ្តាច់ទៅវិញនោះទេ។
បើម្នាក់គិតតែរឿងរូបសម្រស់ គ្មានទេស្នេហាពិតនៅលើពិភពលោកនេះ។ ពិតជាអាណិត Mario ណាស់ធ្លាប់តែជាកម្លោះបេះដូងដែក តែពេលនេះបានជួបស្នេហ៍ហើយក៏ត្រូវមានឧបសគ្គមករារាំងទៀត ពិបាកមែនអាជីពជាតារានេះ ហាក់ដូចជាគ្មានភាពផ្ទាល់ខ្លួនអ្វីបន្តិចសោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
