ខេត្តកំពត ៖ បុរសម្នាក់សន្លប់ស្ដូកស្ដឹងនៅកណ្ដាលថ្នល់ ខណៈដែលជិះម៉ូតូដើរហៅភ្ញៀវការកូន ស្រាប់តែត្រូវរថយន្ដជិះបុកពីក្រោយពេញទំហឹង បណ្ដាលឱ្យខ្ទាតផ្កាប់មុខទៅលើថ្នល់ សន្លប់បាត់ស្មារតី ចំណែកម៉ូតូខូចខាតយ៉ាងដំណំ។ គ្រោះថ្នាក់ចរាចរណ៍នេះ កើតឡើងកាលពីវេលាម៉ោង៦និង៣០នាទីល្ងាច ថ្ងៃទី២១ ធ្នូ នៅតាមបណ្តោយផ្លូវជាតិលេខ៣ ទល់មុខសាលាស្រុកឈូក ស្ថិតក្នុងភូមិព្រិច ឃុំបឹងនិមល ស្រុកឈូក ។
តាមការឱ្យដឹងបុរសរងគ្រោះឈ្មោះញ៉ែត ហ៊ុល អាយុ៤៧ឆ្នាំ ជាកសិករមានទីលំនៅភូមិត្រពាំងកកោះ ឃុំដូនយ៉យ ស្រុកឈូក មានប្រពន្ធឈ្មោះ ភ ស្រី អាយុ៤៤ឆ្នាំ។ ស្ដ្រីជាប្រពន្ធបានឱ្យដឹងថា នៅថ្ងៃកើតហេតុវេលាម៉ោង៦ល្ងាចប្តីរបស់គាត់បានជិះម៉ូតូទៅហៅភ្ញៀវការកូន ខណៈជិះទៅដល់ភូមិកើតហេតុខាងលើ ស្រាប់តែមានរថយន្ដមួយគ្រឿងមិនស្គាល់ម៉ាកបានបើកទៅបុកពីក្រោយពេញទំហឹងបណ្តាលឱ្យប្ដីរបស់គាត់ហោះទៅផ្កាប់មុខលើថ្នល់សន្លប់ស្ដូកស្ដឹង ចំណែកម៉ូតូខូចខាតស្ទើរទាំងស្រុង។
ជនរងគ្រោះត្រូវបានគេដឹកទៅសង្គ្រោះនៅមន្ទីរពេទ្យបង្អែកស្រុកឈូក តែសភាធ្ងន់ធ្ងរពេកក៏បញ្ជូនបន្ដទៅព្យាបាលនៅមន្ទីរពេទ្យមិត្ដភាពខ្មែរ-សូវៀត៕
ដង់ស្រងពីគេហទំព័រកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]