(ភ្នំពេញ)៖ បន្ទាប់ពីផ្ទុះរឿងអាស្រូវ ធ្លាយរូបអាក្រាតកាយ តារាស្រីកញ្ញា វ៉ាន់ នីឡា កាលពីប៉ុន្មានថ្ងៃមកនេះ ហាក់មានអារម្មណ៍ មិនសូវសប្បាយចិត្តឡើយ ប៉ុន្តែថ្វីត្បិតតែយ៉ាងនេះក៏ពិតមែន អំឡុងពេលជាមួយគ្នានេះដែរ តារាស្រីរូបនេះបង្វែ ពីការខូចចិត្តងាកមកធ្វើ សកម្មភាពមនុស្សធម៌ តាមរយៈការជួយកុមារក្រីក្រ តាមតំបន់សហគមន៍ ដាច់ស្រយ៉ាងមួយចំនួន។
នេះជាលើកទី២ហើយ សម្រាប់តារាស្រីកញ្ញា វ៉ាន់ នីឡា ក្រោយពីនាងបានបរិច្ចាគថវិកា៥០ដុល្លារ តាមរយៈមូនិធិ របស់តារាសម្តែងប្រុសលោក សាវិន ហ្វីលីព ដើម្បីទិញកង់ និងសម្ភារៈសិក្សាមួយចំនួន ចែកជូនដល់កុមារក្រីក្រ នៅខេត្តមណ្ឌលគិរី ខណៈកាលពីថ្ងៃទី១៧ ខែមិថុនា ម្សិលមិញនាង ក៏បានបង្ហាញមុខលើសកម្មភាព មនុស្សធម៌ជាមួយ សមាគមមិត្តសិល្បៈ ស្ម័គ្រចិត្តជួយសង្គមរបស់អ្នកនាង ចន ច័ន្ទលក្ខិណា ផងនោះ។
តាមរយៈសកម្មភាពនេះ គេសង្កេតឃើញតារាស្រី វ៉ាន់ នីឡា ហាក់បង្ហាញពីអារម្មណ៍ និងទឹកមុខសប្បាយរីករាយ ស្រស់ស្រាយ ក្រោយពីចូលរួមសកម្មភាពមនុស្សធម៌ ដើម្បីរំសាយការឈឺចាប់ ដោយទទួលបានការផ្តល់កំលាំងចិត្ត យ៉ាងពេញទំហឹងពីសំណាក់មជ្ឈដ្ឋាន ប្រជាពលរដ្ឋ និងសិល្បករ-សិល្បការិនី ក្រុមការងារជាមួយ ផងដែរ។
ជាមួយគ្នានេះ បើតាមការឲ្យដឹងពីតារាស្រីចាស់ វស្សាអ្នកនាង ចន ច័ន្ទលក្ខិណាបានលើកឡើងថា កាលពីថ្ងៃសុក្រ ទី ១៧ខែ មិថុនាម្សិលមិញសមាគមមិត្តសិល្បៈស័គ្មចិត្ត ជួយសង្គមដែលមានការចូលរួម ពីសិល្បករ-សិល្បការិនីល្បីៗ បានចុះសួរសុខទុក្ខ សិស្សានុសិស្ស លោកគ្រូ អ្នកគ្រូ ប្រមាណ ៥០០នាក់ នៅសាលាបឋមសិស្សា «ហ៊ុន សែន យាយសល់» ស្ថិតក្នុងស្រុកពោធិ៍រៀង ខេត្តព្រៃវែង ។
អ្នកនាង ចន ច័ន្ទលក្ខិណា បានបញ្ជាក់បន្ថែមថា ដោយមានការសហការ ជាមួយអាជ្ញាធរមូលដ្ឋាន លោកអភិបាលស្រុក មេឃុំ មេភូមិ នាយកសាលា ព្រមទាំងសិល្បៈករល្បីៗ ប្រចាំកម្ពុជា បានធ្វើឲ្យកម្មវិធីដំណើរយ៉ាងរលូន។ កម្មវិធីរួមមាន រៀបចំបណ្ណាល័យថ្មី ជូនសាលាដឹកនាំសិស្សានុសិស្ស លោកគ្រូ អ្នកគ្រូ ព្រមទាំងប្រជាពលរដ្ឋ ចែកអាហារសំរន់ សម្ភារៈសិក្សារ លេងល្បែង រាំលេងកំសាន្ត រហូតដល់ល្ងាច ប្រកបដោយភាពស្និទស្នាលក្រៃលែងបំផុត ។ តំណាងឲ្យសមាគម អ្នកនាងក៏សូមថ្លែងអំណរគុណ យ៉ាងជ្រែលជ្រៅដល់អ្នកចូលរួម បរិច្ចាគ និងឧបត្ថម្ភផងដែរ៕
ប្រភព៖ Khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]