អឺុរ៉ុប៖ វាជារឿងធម្មតាទេ ក្នុងនាមជាកីឡាករល្អម្នាក់ តែងតែមានការចាប់អារម្មណ៍ពីក្លិបធំៗ ជាក់ស្តែងកាលពីប៉ុន្មានឆ្នាំមុន Luiz Suarez ត្រូវបាន Barcelona ចាប់អារម្មណ៍ ក៏ទិញយក។ រដូវកាលនេះវិញ ក៏មិនខុសគ្នាប៉ុន្មានដែរ ពោលគឺកីឡាករ Philippe Coutinho ដែលជាខ្សែបំរើឆ្នើមរបស់ក្លិប Liverpool ក៏ទទួលបានការចាប់អារម្មណ៍ពីក្លិប Barcelona ដែរ។ ប៉ុន្តែវាមិនងាយស្រួលនោះទេក្នុងការនាំយកកីឡាកររូបនេះទៅ ក៏ព្រោះតែក្លិបកំពូលរបស់ប្រទេសបារាំង PSG ក៏ចាប់អារម្មណ៍លើកីឡាកររូបនេះដែរ។
នេះបើយោងតាមសារព័ត៌មាន The Sun ឲ្យដឹងថា Barcelona និង PSG កំពុងប្រជែងគ្នាយ៉ាងស្វិតស្វាញ ដើម្បីនាំកីឡកររូបនេះមកលេងឲ្យក្លិបរបស់ខ្លួន នៅក្នុងអំឡុងពេលទីផ្សារទិញ-លក់ កីឡករនារដូវក្តៅខាងមុខនេះ។
ខណៈនេះដែរ ខ្សែរបំរើ Philippe Coutinho ដែលមានសញ្ជាតិដើមប្រេស៊ីលរូបនេះកំពុងតែជួយក្រុមជម្រើសជាតិរបស់ខ្លួន ក្នុងការប្រកួតពានរង្វាន់ Copa America តែយ៉ាងណាមិញ ក៏ត្រូវបានគេរាយការណ៍មកថា អាចនឹងត្រូវចាកចេញពីទឹកដី Anfield របស់ Liverpool នារដូវក្តៅខាងមុខនេះ។
ចំណែកឯក្លិបកំពូលរបស់ប្រទេសបារាំង PSG វិញ ក៏បានត្រៀមនូវសំណើររួចរាល់ហើយដែរ ដែលមានតម្លៃ ២៥លានផោន សម្រាប់តម្លៃខ្លួនកីឡាកររូបនេះ ក្នុងការផ្ទេរទៅលេងឲ្យក្លិប PSG ខណៈដែល Barcelona ក៏បានទាក់ទងទិញកីឡកររូបនេះដែរ សោយសារទម្រង់លេង និងស្ទីលនៃការលេងរបស់ Coutinho សាកសមលេងឲ្យ Barcelona។
គួររំលឹកផងដែរថា មិត្តរួមជាតិរបស់ Coutinho កីឡាករ Neymar ក៏ធ្លាប់បានបញ្ចុះបញ្ចូលឲ្យរូបគេមកលេងឲ្យ Barcelona ដែរដោយកាលនោះ Neymar បាននិយាយថា « Coutinho ជាកីឡករល្អម្នាក់ ខ្ញុំចង់ឲ្យគេមកលេងជាមួយខ្ញុំនៅ Barcelona នៅថ្ងៃណាមួយ ព្រោះកំរិតរបស់គាត់សាកសមនឹងលេងនៅទីនេះ » ៕
សូមបញ្ជាក់ផងដែរថា Coutinho បានចុះកុងត្រាថ្មីជាមួយ Liverpool រហូតដល់ឆ្នាំ២០២០ ដូច្នេះប្រសិនបើរូបគេចង់ចាកចេញមែន Liverpool នឹងកំណត់នូវតម្លៃខ្លួនកីឡាកររូបនេះទៅតាមសមត្ថភាពរបស់គេ ពោលគឺអាចលក់ក្នុងតម្លៃថ្លៃ តែយ៉ាងណាក្តីនេះគឺជាការសម្រេចចិត្តរបស់ Coutinho៕
ប្រភព៖ Euro Sport
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
