ភ្នំពេញ៖ នៅលើទំព័រហ្វេសប៊ុក Home Recording Studio ល្ងាចម្សិលមិញថ្ងៃទី៤ ខែឧសភា ឆ្នាំ២០១៦ បាន Live(ផ្សាយផ្ទាល់) ពីការធ្វើបទចម្រៀងថ្មីស្នាដៃកូនខ្មែរ ក្រោមចំណងជើងថា«ជីវិត» ដែលច្រៀងដោយលោក សាន ផានិត ដែលមាននៅក្នុងផលិតកម្ម SP Films របស់លោក សាវីន ហ្វីលីព ដែលជាតារាមួយដួង ធ្លាប់ជំពាក់ជំពិន ជាមួយនឹងថ្នាំញៀន រហូតបាត់បង់អ្វីៗគ្រប់យ៉ាង។
លោក សាវីន ហ្វីលីព បាននិយាយថា«បទនេះទៀតសោតឆ្លុះបញ្ចាំង ពីរឿងរ៉ាវជីវិតពិតរបស់ លោក សាន ផានិត ដែលធ្លាប់បរាជ័យជាមួយនឹងគ្រឿងញៀន ដើម្បីជាសាបញ្ចូនដល់យុវវ័យភាគច្រើន ដែលកំពុងលង់លក់ ត្រូវបានគ្រឿញៀនអូសទាញ បទនេះគឺមានខ្លឹមសារអប់រំច្រើន» ។
សាន ផានិតបានតបថា «តិចគេច្រឡំថាឯងនៅពាក់ព័ន្ធថ្នាំញៀន» ។ ក្នុងនោះ លោក សាវីន ហ្វីលីព បានថា«ឈប់ហើយ ជាសារមួយ» ។
ម្ចាស់បទ «ទូរស័ព្ទប្រាប់ផង» លោក សាន ផានិត បានបន្តថា«ជាសារមួយ ខ្ញុំបានបាត់បង់អ្វីៗទាំងអស់ បាត់បង់កិត្តិយស បាត់បង់សុខភាព បាត់មនុស្សជាទីស្រឡាញ់ ស្ទើរតែទាំងអស់ មនុស្សដែលយើងធ្លាប់ជួយ បែរក្រោយផ្សេងៗគេនៅតែលើកទឹកចិត្ត បើខុសពីរឿងហ្នឹងមួយ គេដូចអត់ចង់ជួបយើងខ្លាច ដល់ចឹងទៅក៏បានចាប់ផ្តើមជីវិតប្តីប្រពន្ធ ខ្ញុំបាទក៏ដូចជាកែប្រែទាំងអស់តែម្តងដោយដើរចេញក៏រៀបចំជីវិតថ្មីពីសង្គមគ្រួសារបន្តិចបន្តួចមក ឥឡូវក្រុមគ្រួសារខ្ញុំរឹងមាំមានកូន ជាទីស្រឡាញ់»។
សាន ផានិតបានបន្ថែមថា «១ឆ្នាំពីរឆ្នាំក្រោយមក ពេលគេដូចជាមិត្តភក្តិឯង(ហ្វីលីព) ប្អូននិពន្ធភ្លេង មិនមែនយើងមានលុយគេរាប់អានយើងវិញនោះទេ ចៃដន្យមនុស្សហ្នឹងចេះដួល ចេះងើបចឹងទៅ ឥឡូវនេះរាល់មិត្តភក្តិ ទាំង Fan ខ្ញុំកាន់តែមានអារម្មណ៍ថា ជិតស្និទ្ធជាមួយខ្ញុំវិញ»៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
