(ភ្នំពេញ)៖ ជំនួបជម្រុះពានរង្វាន់ AFC Asian Cup 2019 ជើងទី១ រវាងក្រុមជម្រើសជាតិកម្ពុជា និងក្រុមឆាយនីសតៃប៉ិ នឹងចាប់ផ្ដើមនាវេលាម៉ោង ៦ល្ងាចនេះ (ម៉ោងនៅកម្ពុជា) ដោយទូរទស្សន៍ BTV-News នឹងធ្វើការផ្សាយបន្ដផ្ទាល់ ។ លើសពីនេះ ដោយមានការសំណូមពរពីអ្នកគាំទ្រច្រើនពេក ទូរទស្សន៍ឈានមុខមួយនេះ ក៏បានបន្ថែមនូវការចាក់បញ្ចាំងផ្ទាំង LED សម្រាប់អ្នកគាំទ្រទស្សនានៅពហុកីឡដ្ឋានជាតិនាល្ងាចនេះផងដែរ ។
គួរបញ្ជាក់ផងដែរថា ក្រុមជម្រើសជាតិកម្ពុជា និងក្រុមជម្រើសជាតិឆាយនីសតៃប៉ិ នឹងត្រូវប្រជែងកៅអីវគ្គបន្ដនៃពាន AFC Asian Cup 2019 ដោយត្រូវជួបគ្នា២ជើង ក្នុងនោះជើងទី១ ត្រូវធ្វើការប្រកួតលើទឹកដីនៃទីក្រុង Kaohsiung លើទីលានពហុកីឡដ្ឋានជាតិរបស់ក្រុមឆាយនីសតៃប៉ិ នាល្ងាចថ្ងៃទី២ ខែមិថុនានេះ ហើយជើងទី២ ត្រូវជួបគ្នាលើទឹកដីនៃប្រទេសកម្ពុជាវិញម្ដង នៅថ្ងៃទី៧ ខែមិថុនា ឆ្នាំ២០១៦ សប្ដាហ៍ក្រោយនេះ ។
ការប្រកួតនេះទៀតសោត ប្រសិនបើក្រុមជម្រើសជាតិកម្ពុជា យកឈ្នះក្រុមឆាយនីសតៃប៉ិទាំង ២ជើង ក្រុមគោព្រៃកម្ពុជា នឹងទទួលបានកៅអីវគ្គជម្រុះចុងក្រោយដោយស្វ័យប្រវត្តិ ជាមួយនឹងក្រុមទទួលបានជ័យជម្នះពីការប្រកួតជម្រុះបឋមនេះដូចគ្នា ប៉ុន្ដែប្រសិនបើកម្ពុជាចាញ់ ក៏នៅមានឱកាសប្រកួតជាមួយក្រុមចាញ់ដទៃទៀតដែរ ដើម្បីបង្កើតឱកាសស្វែងរកអ្នកឈ្នះកៅអីវគ្គជម្រុះជុំចុងក្រោយ ៕
ប្រភព៖ Khmertalking
កំណត់ហេតុខ្មែរឡូត៖ ទាក់ទងនងនឹងការប្រកួតនេះ ក្រុមជម្រើសជាតិកម្ពុជាបានចេញទៅប្រកួតនៅទឹកដីរបស់ឆាយនីសតៃបិុ ដូច្នេះ បងប្អូនអ្នកគាំទ្រទាំងអស់ក៏អាចទស្សនាបានដែរតាមកញ្ចក់ទូរទស្សន៏ប៉ុស្តិ BTV-News បន្ទាប់ពីទូរទស្សន៍ក្នុងស្រុកមួយនេះ ទទួលបានសិទ្ធិផ្សាយបន្ដផ្ទាល់ នេះបើយោងតាមទំព័រ Facebook ផ្លូវការរបស់ទូរទស្សន៍ BTV បានប្រកាសកាលពីម្សិលមិញនេះ។
នេះជាដំណឹងល្អសម្រាប់អ្នកគាំទ្រកម្ពុជា ដែលកំពុងនិយមគាំទ្របាល់ទាត់ខ្មែរ និងតែងតែចូលរួមគាំទ្រជានិច្ច រាល់ពេលក្រុមជម្រើសជាតិកម្ពុជា ធ្វើការប្រកួតក្នុងទឹកដីម្ដងៗ ។ ប្រភពព័ត៌មាននៃការប្រកួតនេះ ក្រុមការងារទូរទស្សន៍ BTV-News នឹងចាប់ផ្ដើមផ្សាយបន្ដផ្ទាល់នាវេលាម៉ោង ៦ល្ងាច ត្រូវនឹងម៉ោងនៅកម្ពុជា នៅថ្ងៃទី២ ខែមិថុនា ឆ្នាំ២០១៦ ក្នុងសប្តាហ៍នេះតែម្តង ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
