(ភ្នំពេញ)៖ ពិតជាកក្រើកទៀតហើយ! សម្រាប់អ្នកគាំទ្របាល់ទាត់កម្ពុជា ដែលទន្ទឹងរង់ចាំទស្សនាជំនួបរវាងជម្រើសជាតិកម្ពុជា និងក្រុមម្ចាស់ផ្ទះឆាយនីសតៃប៉ិ (ចិនតៃប៉ិ) នៅក្នុងវគ្គជម្រុះបឋមពានរង្វាន់ប្រចាំទ្វីបអាស៊ី AFC Asian Cup 2019 នាថ្ងៃទី២ ខែមិថុនាខាងមុខនេះក្នុងជើងទី១ នឹងបានទស្សនាលើកញ្ចក់ទូរទស្សន៍ BTV-News បន្ទាប់ពីទូរទស្សន៍ក្នុងស្រុកមួយនេះ ទទួលបានសិទ្ធិផ្សាយបន្ដផ្ទាល់ នេះបើតាមទំព័រ Facbook ផ្លូវការរបស់ទូរទស្សន៍ BTV បង្ហោះមុននេះបន្ដិច ។
នេះជាដំណឹងល្អសម្រាប់អ្នកគាំទ្រកម្ពុជា ដែលកំពុងនិយមគាំទ្របាល់ទាត់ខ្មែរ និងតែងតែចូលរួមគាំទ្រជានិច្ច រាល់ពេលក្រុមជម្រើសជាតិកម្ពុជា ធ្វើការប្រកួតក្នុងទឹកដីម្ដងៗ ។ ប្រភពព័ត៌មានខាងលើបានបញ្ជាក់ថា ការប្រកួតនេះ ក្រុមការងារទូរទស្សន៍ BTV-News នឹងចាប់ផ្ដើមផ្សាយបន្ដផ្ទាល់នាវេលាម៉ោង ៦ល្ងាច ត្រូវនឹងម៉ោងនៅកម្ពុជា នៅថ្ងៃទី២ ខែមិថុនា ឆ្នាំ២០១៦ ក្នុងសប្តាហ៍នេះតែម្តង ។
គួរបញ្ជាក់ផងដែរថា ក្រុមជម្រើសជាតិកម្ពុជា និងក្រុមចិនតៃប៉ិ នឹងត្រូវជួបគ្នា២ជើង ដើម្បីដណ្ដើមកៅអីវគ្គបន្ដនៃពានរង្វាន់ AFC Asian Cup 2019 ត្រូវអនុវត្តន៍រូបមន្ដប្រកួតក្នុងដី និងក្រៅដី (Home/Away) ពោលគឺនៅថ្ងៃទី២ ខែមិថុនា កម្ពុជា ត្រូវជួបក្រុមចិនតៃប៉ិ ក្រៅទឹកដី បន្ទាប់មកនៅថ្ងៃទី៧ ខែមិថុនា ឆ្នាំ២០១៦ ទើបក្រុមជម្រើសជាតិកម្ពុជា បើកទ្វារពហុកីឡដ្ឋានជាតិទទួលក្រុមចិនតៃប៉ិ វិញម្ដង ៕
ប្រភព៖ Khmertalking
កំណត់ហេតុខ្មែរឡូត៖ សូមបញ្ជាក់ផងដែរថា កាលពីម្សិលមិញនេះ វេលាម៉ោង ១២:៣០ នាទីថ្ងៃត្រង់ ដោយយោងតាមសម្ដីមន្ដ្រីសហព័ន្ធកីឡាបាល់ទាត់កម្ពុជា បានឲ្យដឹងថា ក្រុមបាល់ទាត់ជម្រើសជាតិកម្ពុជា បានធ្វើដំណើរតាមយន្ដហោះឆ្ពោះទៅទឹកដី នៃកោះតៃវ៉ាន់ហើយ ដើម្បីជួបប្រកួតជាមួយក្រុមម្ចាស់ផ្ទះចិនតៃប៉ិ នៅក្នុងជំនួបជម្រុះពានរង្វាន់ AFC Asian Cup 2019 នៅទីនោះ។
បន្ថែមពីនេះទៀត នេះជាជំនួបជើងទី១ រវាងក្រុមជម្រើសជាតិកម្ពុជា និងក្រុមម្ចាស់ផ្ទះចិនតៃប៉ិ ដែលការប្រកួតនឹងធ្វើឡើងនៅថ្ងៃទី០២ ខែមិថុនាសប្ដាហ៍នេះ ខណៈការប្រកួតជើងទី២ នឹងត្រូវឡើងនៅលើទីលានពហុកីឡដ្ឋានជាតិ ក្នុងរាជធានីភ្នំពេញវិញម្ដង នៅថ្ងៃទី០៧ ខែមិថុនា ឆ្នាំ២០១៦ខាងមុខ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]