(ភ្នំពេញ)៖ CD Original Song ចំនួនពីរបទ របស់តារាចម្រៀងស្រីសំឡេងស្រទន់ ប្រចាំផលិតកម្មសាន់ដេ កញ្ញា សុខ ពិសី គឺបទ «ម៉ែ» និងបទ «កំស្រឡាញ់គេអី» ត្រូវបានប្រកាសចេញលក់ លើទីផ្សារជាផ្លូវការហើយ បន្ទាប់ពីចំណាយពេលនិពន្ធ អស់រយៈពេលជាច្រើនខែ មកនេះ។
បទ Original Song ចំនួនពីរបទ ដែលច្រៀងដោយតារាស្រីរូបស្រស់សោភា កញ្ញា សុខ ពិសី គឺជាស្នាដៃនិពន្ធទំនុកច្រៀងដោយ លោក ស៊ិន ធារី និងនិពន្ធបទភ្លេងថ្មីដោយ បូទី ។ បទ «ម៉ែ» និងបទ «កំស្រលាញ់គេអី» ដែលទើបត្រូវបានប្រកាសចេញលក់ថ្មីៗនេះ គឺមាននៅក្នុង CD វ៉ុល ២១៦ របស់ផលិតកម្ម សាន់ដេ។
ជាមួយគ្នានឹងការប្រកាស ចេញលក់បទ Original Song ពីរបទ របស់ផលិតកម្មសាន់ដេនេះដែរ នៅលើបណ្តាញសង្គមហ្វេសប៊ុក តារាចម្រៀងស្រីកញ្ញា សុខ ពិសី គេសង្កេតឃើញ នាង Share បង្ហោះភ្ជាប់ជាមួយឃ្លីបចម្រៀង ព្រមទាំងសរសេរថា «បទចម្រៀងថ្មីរបស់នាងខ្ញុំ បានចេញលក់ហើយសង្ឃឹមថា បងប្អូនទាំងអស់គ្នានឹងពេញចិត្ត..!»។
តាមការកត់សម្គាល់ បន្ទាប់ពីបទ Original Song ពីរបទរបស់ផលិតកម្មសាន់ដេ ច្រៀងដោយតារាចម្រៀង សុខ ពិសី ទើបត្រូវបានបង្ហោះចែករំលែក នៅលើបណ្តាញសង្គម ត្រឹមតែរយៈពេលមួយថ្ងៃប៉ុណ្ណោះ គឺមានការចាប់អារម្មណ៍គាំទ្រ (Like)និង Share ជាច្រើនពាសពេញបណ្តាញសង្គម ហ្វេសប៊ុក។
ចង់ដឹងថា Original Song ទាំងពីរបទចម្រៀង ដោយកញ្ញា សុខ ពិសី ពីរោះយ៉ាងណានោះ សូមស្តាប់ជាមួយ Khmertalking ទាំងអស់គ្នា៖
ប្រភព៖ Khmer Talking
កំណត់ហេតុខ្មែរឡូត៖
កន្លងទៅនេះ តារាចម្រៀងល្បីឈ្មោះ ប្រចាំផលិតកម្មសាន់ដេ កញ្ញា សុខ ពិសី បានបង្ហាញអារម្មណ៍ មិនសប្បាយចិត្ត និងក្តៅស្លឹកត្រចៀក ចំពោះអ្នកដែលយកខ្លួន នាងទៅប្រៀបធៀប ជាមួយតារាចម្រៀង ជ្រកក្រោមផលិតកម្មផ្សេង និងធ្វើការបំប៉ោង ព័ត៌មានមិនពិតថា នាងមានគម្រោងចាកចេញ ពីផលិតកម្មផ្លាស់ទៅជ្រក នៅផលិតកម្ម ហង្សមាសជាដើម ។ ដោយនាងបានបកស្រាយថា អ្វីគ្រប់យ៉ាងដែលនាង ធ្វើមិនចង់ប្រៀបធៀប ជាមួយអ្នកណាឡើយ តែផ្ទុយទៅវិញគឺនាងធ្វើ ដើម្បីអ្នកគាំទ្រ ។
នៅពេលថ្មីៗនេះ មានអ្នកលេង Facebook ជាច្រើនមានការភ្ញាក់ផ្អើល ពេញបណ្តាញនេះ ក្រោយពីមាន Account Facebook មួយដែលមានឈ្មោះថា «រស្មីហង្សមាស» បានបង្ហាញថារូបរបស់ សុខ ពិសី រួមជាមួយម្ចាស់បទ «រាំញីកែងជើង» លោក ដេវីត ដោយមានសរសេរបន្ថែមថា « សុខ ពិសី នឹងបញ្ចប់កុងត្រា ជាមួយផលិតកម្មសាន់ដេ ហើយនឹងចុះកុងត្រាថ្មី ជាមួយហង្សមាស នូវខែក្រោយនឹងចាប់ដៃគូជាមួយ G-Devith ដើម្បីផលិតកម្មបទចម្រៀងថ្មី ហើយនឹងចាប់ដៃគូជាមួយ ដើម្បីផលិតកម្មបទចម្រៀង នៅហង្សមាស » ។
ក្រោយពីមានការភ្ញាក់ផ្អើល នេះតារាចម្រៀងកញ្ញា សុខ ពិសី បានប្រតិកម្មតបត និងការលើកឡើង ខាងលើនេះថា « ខ្ញុំហត់ជំនួស បានហើយគ្មានអីបានមកវិញទេ ឈប់ធ្វើការសន្និដ្ឋាន ដោយគ្មានប្រភពច្បាស់លាស់ ខ្ញុំធ្វើការទីណាសុខ គឺខ្ញុំនៅទីនោះហើយបើសិនជាអាច សូមមេត្ដាឈប់យកខ្ញុំ ទៅប្រៀបធៀប និងរៀមច្បងរឺសិស្បការិនីដ៏ទៃទៀត ព្រោះការងារសិល្បៈ ដែលខ្ញុំធ្វើសព្វថ្ងៃគឺ ព្រោះចិត្ដខ្ញុំស្រលាញ់និងបម្រើ អារម្មណ៍អ្នកដែលគាំទ្រ ខ្ញុំមិនមែនយកមកប្រកួតប្រជែង ជាមួយតារារូបណាឡើយ»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]