ភ្នំពេញ៖ វាជារឿងមួយ ដ៏គួរឲ្យអស់សំណើចបំផុត ក្នុងកម្មវិធីតន្ត្រីកម្សាន្តរបស់ ស្ថានីយ៍ទូរទស្សន៍ អាស៊ីអាគ្នេយ៍ ខណៈដែល បេក្ខជន ម្នាក់ឡើងបញ្ចេញសំនៀង ដោយលើកបទ ចម្រៀងក្រោមចំណងជើងថា ប្តីអាវ៉ាសែ ហើយប៉ែន ចំរ៉ុង ទៀតសោតក៏ថា អាហ្នឹងប្តីអាវ៉ាសែ ខណៈដែល ឌីជេ ហេរ៉ូ ឌឺដង ។
តាមរយៈវីដេអូឃ្លីប បេក្ខជនម្នាក់បានលើកបទ ចម្រៀង ប្តីអាវ៉ាសែ ពេលនោះ ហេរ៉ូបានសើចុកពោះ ហើយនិយយាថា «អីអើ! អួយ! ចុមដាក់បទត្រូវឯងហ្មង» ។ ទន្ទឹមជាមួយនឹងគ្នានេះដែរ ហេរ៉ូ ក៏បានចង្អូលទៅកាន់ ប៉ែន ចំរ៉ុង ។ខណៈនោះដែរ ប៉េន ចំរ៉ុងបាននិយាយថា «អាហ្នឹងហើយ ប្តីអាវ៉ាសែ»។
បញ្ជាក់ផងដែរថា ពាក្យឌឺដង របស់ហេរ៉ូ នេះ ត្រូវបានគេដឹងយ៉ាងច្បាស់វាទាក់ទងនឹងទៅនឹង រឿងរ៉ាវ ដែល ប៉ែន ចំរ៉ុង បានដាក់ពាក្យលែងលះ ភិន សុដាលីស នៅពេលថ្មីៗនេះ ៕ ទស្សនាវីដេអូឃ្លិបដូចខាងក្រោមនេះ៖
ប្រភព៖ ដើមអម្ពិល
ចំណាប់អារម្មណ៍ខ្មែរឡូត៖
គួររំលឹកព័ត៌មានកាលពីលើកមុនផងដែរថា ក្រោយរឿងលែងលះ មិនទាន់ចប់សព្វគ្រប់ ផងនោះ លោក ប៉ែន ចំរ៉ុង ក៏ជួបយីអ៊ុនស៊យ ដោយទីផ្សារ សម្តែងភាពយន្ត បានធ្លាក់ស្រឹបៗ មិនគួរឲ្យជឿ ដែលធ្វើឲ្យផលិតករ មួយចំនួន ស្រែកក្រវីក្បាល ព្រោះតែបង់ថវិកា ក្នុងការផលិតភាពយន្ត។
តាមរោងកុននានា ឲ្យតែខ្សែភាពយន្ត ដែលមានការចូលរួមសម្តែងពី ប៉ែន ចំរ៉ុង គឺគ្មានទស្សនិកជន ណាមួយ មើលឡើយ ដោយគេមិនដឹងថា មកពីមូលហេតុអ្វី ឬខឹងតារារូបនេះ ធ្វើមិនល្អទៅលើ ភិន សុដាលីស ឬយ៉ាងណានោះទេ ?
លោក អ៊ិន សុភិន ចាងហ្វាងផលិតកម្ម មហាហង្សបានប្រាប់ LookingTODAY នៅរសៀលថ្ងៃទី២៣ ខែឧសភា ឆ្នាំ២០១៦ ឲ្យដឹងថា «រឿងដែលខ្ញុំផលិត កន្លងមក មានតួ ប៉ែន ចំរ៉ុង ត្រូវបានលុបចោល ដោយរោងកុនផ្សេងៗ ប្រាប់ថា ឲ្យតែមានតួ ប៉ែន ចំរ៉ុង គឺមិនបាច់យកមកទេ គ្មាននរណា មើលឡើយ»។
លោកបានបន្ថែមថា« មិនមែនតែផលិតកម្មខ្ញុំ នោះទេ ផលិតកម្មផ្សេងៗ ទៀតក៏ខាតបង់ដែរ ឲ្យតែមានតួប៉ែន ចំរ៉ុង នោះដោយផលិតនានា ក្រវីក្បាលតែម្តង »។
បញ្ជាក់ផងដែរថា លោក អ៊ិន សុភិន កំពុងជោគជ័យ តាមរយៈរឿង អ្នកនាងម្ចាស់ឡឺកឺ ដោយចំណាយទុន មិនដល់ ៣ម៉ឺនដុល្លារផង តែទទួលបានមកវិញ ជិត ១០ ម៉ឺនដុល្លារអាម៉េរិក ខណៈដែលរឿងនេះ តួឯកមាន សុខ សោម៉ាវត្តី និង អូន ឧស្សាហ៍ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]