ខេត្តបន្ទាយមានជ័យ ៖ មនុស្ស៤នាក់ (ឪពុក-ម្តាយ និងកូន) ស្លាប់យ៉ាងអាណោមអាធ័មបំផុត បន្ទាប់ពីជួបហេតុការណ៍គ្រោះថ្នាក់ចរាចរណ៍ រវាងរថយន្តកៀរម៉ូតូឱ្យដួល ហើយត្រូវរថយន្តផ្សេងទៀតមកពីក្រោយកិនពីលើតែម្តង ។
មហាសោកនាដកម្មដ៏គួរឱ្យរន្ធត់នេះ កើតឡើងកាលពីវេលាម៉ោង០៩ និង៥៥នាទីយប់ថ្ងៃទី២៧ ឧសភា ឆ្នាំ២០១៦ ស្ថិតនៅលើកំណាត់ផ្លូវជាតិលេខ៥ ចន្លោះបង្គោលភ្លើង៣៨២-៣៨៣ ក្នុងភូមិម៉ក់ហ៊ឺន ឃុំកូប ស្រុកអូរជ្រៅ ខេត្តបន្ទាយមានជ័យ ។
ជនរងគ្រោះដែលស្លាប់ខាងលើ បុរសជាប្តីឈ្មោះនៅ សុភី អាយុ៣៨ឆ្នាំ និងស្ត្រីជាប្រពន្ធឈ្មោះឆេង ស៊ីណៃ អាយុ៣១ឆ្នាំ និងកូន២នាក់ ម្នាក់ឈ្មោះនៅ ស៊ីនិច ភេទស្រី អាយុ៦ឆ្នាំ និងកូនប្រុសអាយុនៅស៊ីនិល អាយុ៤ឆ្នាំ ។ គ្រួសារនេះ មានស្រុកកំណើតនៅឯខេត្តកំពង់ធំ ។ បច្ចុប្បន្ន មករស់នៅភូមិបឹងបេង ឃុំបឹងបេង ស្រុកម៉ាឡៃ ខេត្តបន្ទាយមានជ័យ ។ គ្រួសារនេះ មានសមាជិកចំនួន៦នាក់ បច្ចុប្បន្ននៅសល់កូនប្រុស២នាក់ ម្នាក់អាយុជាង១០ឆ្នាំ និងម្នាក់ទៀត អាយុ១០ឆ្នាំ ។
បើតាមការត្រួតពិនិត្យនៅកន្លែងកើតហេតុ ជនរងគ្រោះ គឺត្រូវរថយន្តកៀរម៉ូតូឱ្យដួលមនុស្សទាំង៤នាក់ខ្ទាតទៅលើទ្រូងថ្នល់ ស្របពេលនោះ រថយន្តមកពីក្រោយ បានបើកកិនពីលើ បណ្តាលឱ្យស្លាប់រដូករណែលក្នុងថ្លុកឈាម ។
បើតាមសម្តីបងស្រីស្ត្រីដែលស្លាប់ថា មុនពេលកើតហេតុ ជនរងគ្រោះបានឈ្លោះប្រកែក រហូតដាក់ពាក្យលែងលះគ្នា និងចែកកូនគ្នានៅផ្ទះមេភូមិ តែប្រហែលជាត្រូវប្រធានភូមិ គាត់បានសម្របសម្រួលឱ្យត្រូវរ៉ូវគ្នា ទើបពួកគេបានឌុបគ្នាក្នុងគោលបំណងទៅលេងស្រុកកំណើត នៅខេត្តកំពង់ធំ ដោយនាំកូនមកជាមួយ២នាក់ ក៏ត្រូវជួបនូវបញ្ហាគ្រោះថ្នាក់ចរាចរណ៍នេះ ។
ប្រជាពលរដ្ឋដែលបានទៅពិនិត្យមើលសពទាំង៤នាក់ ពួកគាត់មានសេចក្តីសង្វេគយ៉ាងក្រៃលែង ដោយពួកគាត់បានលាន់មាត់ថា អ្នកស្លាប់ទៅ គេរួចផុតចាកទុក្ខ ចុះកូនៗចំនួន២នាក់ ដែលរស់នៅ តើពួកគេទៅរំពឹងនរណា បើឪពុកយក-ម្តាយនិងប្អូនៗរបស់ពួកគេបានស្លាប់ចោលអស់ទៅហើយនោះ ៕
ប្រភព៖ កោះសន្តិភាព
កំណត់ហេតុខ្មែរឡុត
ដោយឡែកករណីចរាចរ ស្រដៀងគ្នានេះដែរ នាវីវ័យក្មេងម្នាក់ រួមនឹងមិត្តភក្តិស្រីរបស់ខ្លួន បានបង្កគ្រោះថ្នាក់ចរាចរណ៍ បើករថយន្ត Highlander ពាក់ស្លាកលេខ 2S-2278 ពណ៌ត្រីឆ្លូញ ជ្រុលទៅបុកចូលឃ្លាំងលក់រថយន្ត យីហោ V-99 ស្ថិតនៅតាមបណ្តោយផ្លូវសហព័ន្ធរុស្សីុ ជាប់ផ្សារបាយ័ន សង្កាត់មនោរម្យ ខណ្ឌ៧មករា ជាប់ជាមួយសង្កាត់ស្រះចក ខណ្ឌដូនពេញ បណ្តាលឲ្យខូចទ្វារឃ្លាំងមួយផ្ទាំង និងខូចផ្នែកខាងមុខរថយន្ត Porche មួយគ្រឿងតម្លៃជិត១០មឺុនដុល្លារ។
ភ្នាក់ងារ Fresh News ដែលកំពុងស្ថិតនៅកន្លែងកើតហេតុនោះ បានរាយការណ៍ថា មុនដំបូងនារីអ្នកបើករថយន្ត បានធ្វើដំណើរតាមផ្លូវសហព័ន្ធរុស្សីុ ពីលិចទៅកើត ស្រាប់តែដល់មុខឃ្លាំង ទំនងច្រឡំជាន់ហ្គែរថា ហ្រ្វាំង ក៏ជ្រុលចង្កូតបូលចូលឃ្លាំងតែម្តង តែសំណាងល្អ គ្មានបណ្តាលឲ្យនរណាម្នាក់រងគ្រោះថ្នាក់ឡើយ។
ក្រោយកើតហេតុភ្លាមៗ នារីវ័យក្មេងអាយុប្រមាណ២០ឆ្នាំ តែមិនស្គាល់ឈ្មោះរូបនេះ បានទូរស័ព្ទហៅឪពុកម្តាយ និងញាតិរបស់ខ្លួន មកដោះស្រាយជាមួយម្ចាស់ឃ្លាំង តែមិនដឹងថា ត្រូវសងប៉ុន្មាននោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]