ខេត្តត្បូងឃ្មុំ ៖ កម្មករចៀរជ័រកៅស៊ូល្មោភកាមតណ្ហាម្នាក់បានធ្វើសកម្មភាពចាប់ក្មេងស្រីអាយុ១១ឆ្នាំរំលោភសេពសន្ថវ:ខណៈពេលដែលឪពុកម្តាយបានចេញទៅចៀរជ័រកៅស៊ូបាត់ ។ ហេតុការណ៍នេះបានកើតឡើងកាលពីវេលាម៉ោង៣ទៀបភ្លឺឈានចូលថ្ងៃទី២៥ ខែឧសភា ឆ្នាំ២០១៦ នៅភូមិគោល ឃុំរកាពប្រាំ ស្រុកត្បូងឃ្មុំ ។
ក្រោយពីទទួលបានបណ្តឹងរបស់ក្រុមគ្រួសារក្មេងស្រីរងគ្រោះ កម្លាំងសមត្ថកិច្ចមូលដ្ឋានបានចុះអន្តរាគម៍ចាប់ជនសង្ស័យបញ្ជូនមកកាន់អធិការដ្ឋាននគរបាលស្រុកដើម្បីសួរនាំផងដែរ ។
លោកវរសេនីយ៍ត្រី ឡុង សារិន អធិការរងនគរបាលស្រុកត្បូងឃ្មុំ បានប្រាប់ឱ្យដឹងថា នាពេលកន្លងមកក្មេងស្រីរងគ្រោះធ្លាប់បានមកលេងផ្ទះរបស់ជនសង្ស័យ ព្រោះមានចំងាយពីគ្នាប្រហែល១០០ម៉ែត្រប៉ុណ្ណោះ ហើយមិនដែលមានហេតុការណ៍អ្វីកើតឡើងចំពោះក្មេងស្រីរងគ្រោះដែរ ។
លោកវរសេនីយ៍ត្រី ឡុង សារិន បានប្រាប់បន្តឱ្យដឹងថា ជាក់ស្តែងនៅយប់ថៃទី២៤ឧសភា វេលាម៉ោង២រំលងអាធ្រាត្រឈានចូលព្រឹកថ្ងៃទី២៥ឧសភា ឪពុកម្តាយរបស់ក្មេងស្រីរងគ្រោះបានចេញទៅចៀរជ័រកៅស៊ូបាត់ ដោយទុកកូន៣នាក់ដេកនៅនឹងសំយាបមុខផ្ទះ ពេលនោះជនសង្ស័យដើរមកឃើញ ព្រមទាំងបានបិទអំពូលភ្លើងរួចបីក្មេងស្រីវ័យ១១ឆ្នាំចូលទៅក្នុងបន្ទប់ផ្ទះរបស់ក្មេង ហើយបានរំលោភរហូតបានសម្រេចតាមបំណង ។ បន្ទាប់មកបានត្រឡប់ទៅផ្ទះវិញធ្វើហាក់បីដូចជាមិនបានដឹងរឿងអ្វីកើតឡើង ។ ពេលព្រឹកឡើង ក្មេងស្រីរងគ្រោះបានត្រឡប់មកពីរៀនវិញ ម្តាយឃើញមានឈាមប្រឡាក់ខោក៏បានសួរនាំ ។ ទើបកូនស្រីបាននិយាយរឿងរាវដែលបានកើតឡើងប្រាប់ម្តាយឱ្យបានដឹងថាអ្នកដែលចាប់រំលោភនោះគឺឈ្មោះ កប ប៊ុនថា ភេទប្រុស អាយុ២៣ឆ្នាំ ។ ពេលនោះស្ត្រីជាម្តាយបានប្រញាប់ទៅប្តឹងប៉ុស្តិ៍រដ្ឋបាលឃុំរកាពប្រាំឱ្យជួយអន្តរាគមន៍ចាប់ជនសង្ស័យបានបញ្ជូនមកកាន់អធិការដ្ឋានស្រុកដើម្បីសួរនាំពាក់ព័ន្ធទៅនឹងមានករណីរំលោភសេពសន្ធវៈលើអនីតិជនអាយុ១១ឆ្នាំនេះ ។
លោកវរសេនីយ៍ត្រី ឡុង សារិន បញ្ជាក់ថា ចំពោះមូលហេតុដែលជននេះចាប់ក្មេងស្រីរងគ្រោះរំលោភដោយសារតែប្រពន្ធរបស់ខ្លួនកូនខ្ចីឆ្លងទន្លេទើបបាន២ខែ ដោយសារតែដាច់ចំណីយូរទ្រាំមិនបាននោះក៏ទៅចាប់ក្មេងស្រីរងគ្រោះរំលោភ ។ ក្នុងករណីនេះម្តាយរបស់ក្មេងស្រីរងគ្រោះបានប្តឹងទាមទារសំណងជំងឺចិត្ត១០លានរៀល និងឱ្យផ្តន្ទាទោសតាមច្បាប់ ។ រហូតមកដល់ព្រឹកថ្ងៃទី២៦ឧសភានេះ ជនសង្ស័យត្រូវបានកសាងសំណុំរឿងបញ្ជូនទៅសាលាដំបូងចាត់ការតានីតិវិធីច្បាប់ហើយ ៕
ប្រភព៖ កោះសន្តិភាព
កំណត់ហេតុខ្មែរឡូត៖
ដោយឡែកករណីយមួយវិញទៀត ជនសង្ស័យម្នាក់ត្រូវបាន នគរបាលជុំនាញឃាត់ខ្លួន បន្ទាប់ពីរំលោពក្មេងស្រី អាយុ៨ឆ្នាំ នៅថ្ងៃទី០៨ ខែ មេសា ឆ្នាំ ២០១៦ វេលាម៉ោង១៣៖៣០នាទី នៅភូមិត្រពាំងអន ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។
នគរបាលមូលដ្ឋានបានឲ្យដឹងថា កករណីរំលោភសេពសន្ថវៈ ដែលបង្ករឡើងដោយជនសង្ស័យ ឈ្មោះអ៊ុ សោភ័ណ្ឌ ហៅ ឌ័ន ភេទប្រុស អាយុ៣១ ឆ្នាំ មានទីលំនៅភូមិបាញ់ឆ្គោល ឃុំ ជ្រៃបាក់ ស្រុករលាប្អៀរ ខេត្តកំពង់ឆ្នាំង.ជនសង្ស័យស្រវីងស្រា ហើយជីះកង់ទៅផ្ទះ ឈ្មោះឃិ ចាន់វាសនា នៅភូមិត្រពាំងអន ឃុំជ្រៃបាក់ ពេលឃើញ ឈ្មោះប. រ ភេទស្រី អាយុ០៨ ឆ្នាំ (ត្រូវជាកូនម្ចាស់ផ្ទះ) នៅម្នាក់ឯងក៏បានឡើងទៅ លើផ្ទះចាប់ ឈ្មោះប.រ រំលោភ រហូតបានសំរេច ក្នុងខណះពេលឪពុកម្តាយ មិននៅផ្ទះ ។ ក្រោយពេលកើតហេតុ សមត្ថកិច្ចបានឃាត់ខ្លួនជន សង្ស័យ និងកសាងសំណុំរឿង បញ្ជូនទៅតុលាការតាម នីតិវិធីរសៀលថ្ងៃទី9ខែមេសានេះ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]