ចិន៖ រឿងស្នេហារវាងស្រី និងប្រុស តែងតែមិនទៀង ជួនល្អនឹងគ្នា ជួនក៏ខឹងឈ្លោះនឹងគ្នា ខណៈគូស្នេហ៍មួយចំនួន បានជ្រើសយកការបែកគ្នា ដោយសន្តិវិធី ឬឯខ្លះទៀត បានបែកគ្នា ទាំងកំហឹង។
ជាមួយគ្នានេះដែរ រឿងហេតុស្នេហា មិនសមបំណងមួយ ក៏បានកើតឡើង ចំពោះបុរសម្នាក់ នៅក្នុងប្រទេសចិន ដោយបុរសរូបនោះ ខំវាលនៅលើដី ចាប់ទោងជើងមិត្តស្រីខ្លួន និងអង្វរនាង កុំឲ្យចាកចេញ ដែលមើលទៅ ពិតជាកំសត់ និងគួរឲ្យអាណិតផងដែរ។
ជាងនេះទៅទៀត នារីជាមិត្តស្រី របស់បុរសរូបនោះ ថែមទាំងបានទះកំផ្លៀងគាត់ ជាច្រើនលើក ច្រើនសារ ទៀតផង ខណៈពេលដែលនាង កំពុងតែរំដោះខ្លួន ដើម្បីចាកចេញទៅ។
យោងតាមខ្សែវីដេអូឃ្លីប ដែលថតបានទិដ្ឋភាព នៃហេតុការណ៍មួយនេះ បានបង្ហាញឲ្យឃើញ បុរសដ៏កំសត់រូបនោះ កំពុងននៀលនៅលើផ្លូវ ក្នុងទីក្រុង Huai'an នៃខេត្ត Jiangsu។ រូបគេបានព្យាយាមចាប់តោងជើង មិត្តស្រីរបស់ខ្លួនយ៉ាងខ្លាំង រហូតដល់ របូតស្បែកជើងនាងម្ខាង ខណៈអ្នកដំណើរជាច្រើន បានឈរមើលទាំងងឿងឆ្ងល់។
យ៉ាងណាមិញ បុរសនោះបាននិយាយទៅកាន់ នារីជាមិត្តស្រីថា «កុំចាកចោលខ្ញុំ» ប៉ុន្តែត្រូវនាងប្រាប់វិញថា «ពួកយើងមិនអាច នៅជាមួយគ្នាទៀតបានទេ»។
គួរបញ្ជាក់ផងដែរថា ទិដ្ឋភាពមួយនេះត្រូវបានគេបង្ហោះ លើបណ្តាញសង្គម Weibo ហើយអ្នកប្រើប្រាស់ជាច្រើន មានប្រតិកម្មដោយបញ្ចេញមតិថា៖
«នៅមានត្រីផ្សេងទៀត នៅក្នុងសមុទ្រ»
«គាត់មិនអាចអង្វរនាង ដើម្បីបាននៅជាមួយគ្នាវិញ ដោយរបៀបនេះឡើយ... គាត់ត្រូវតែអង់អាចក្លាហាន»
«នេះមិនមែនជាការស្រលាញ់ឡើយ... នេះគឺជាជម្ងឺ»៕
សូមទស្សនាវីដេអូខាងក្រោមទាំងអស់គ្នា៖
ប្រភព៖ បរទេស
កំណត់ហេតុខ្មែរឡូត
ហេតុការណ៍ខាងស្រីសុំបែក ប៉ុន្តែខាងប្រុសមិនព្រម ស្រដៀងគ្នានេះ ក៏ធ្លាប់កើតមាន នៅក្នុងប្រទេសកម្ពុជាយើងផងដែរ។
ងាកមកមើល កាលពីវេលាម៉ោង ជិត១០ព្រឹក ថ្ងៃទី១៧ មីនា ២០១៦ កន្លងទៅនេះ នៅតាមបណ្តោយ ផ្លូវជាតិលេខ២ ក្បែរវត្តចាក់អង្រែក្រោម សង្កាត់ចាក់អង្រែក្រោម ខណ្ឌមានជ័យ គូស្នេហ៍មួយគូ ទំនងជាខាងស្រីសុំបែក ហើយខាងប្រុសមិនព្រម ក៍បានប្រទាញប្រទង់ និងស្ទុះអោបនាង ខណៈខាងស្រី កំពុងជិះតាក់ស៊ី ហើយខាងប្រុស ជិះតាម និងកាក់រថយន្តឈប់ បង្កឲ្យមានការភ្ញាក់ផ្អើល ដល់អ្នកដំណើរ នៅតាមដងផ្លូវ។
បើតាមនារីរូបស្រស់ បានរៀបរាប់ថា រូបនាងត្រូវតែបែក ពីយុវជននោះហើយ មិនអាចរស់នៅ ជាមួយគ្នា កើតទៀតទេ ។ ហើយមូលហេតុ ខ្លួនគ្រាន់ត្រឹមជាសង្សារ នឹងគ្នាតែប៉ុណ្ណោះ គ្មានអ្វីពាក់ព័ន្ធនឹង រឿងរ៉ាវប្តី-ប្រពន្ធ ពីមុនមកដែរ ដូច្នេះ សូមកុំចេះតែមករំខានដល់នាង ។
ដោយឡែក ភាគីខាងយុវជនវិញបានទទូចសំពះអង្វរនារីរូបស្រស់នោះថា កុំឱ្យបែកពីខ្លួន ដោយព្យាយាមតាមអង្វរនិយាយស្តីលួងលោមនារីរូបស្រស់នោះ ដើម្បីបានរួមរស់ជួបជុំគ្នាក្នុងលក្ខណៈជាប្តី-ប្រពន្ធ ។ ជុំវិញរឿងរ៉ាវខាងលើនេះ វាជារឿងមួយគួរឱ្យអាណិតអាសូរដល់ភាគីខាងបុរស ព្រោះបានស្រែកទ្រហោយំ សម្តែងការនឹកស្រណោះអាលោះអាល័យ ចំពោះនារីដែលខ្លួនស្រលាញ់ ហើយបែរជានាងព្យាយាមជិះតាក់ស៊ីរត់គេចពីក្រសែភ្នែកខ្លួនទាំងមិនអស់ចិត្ត ។
នៅកន្លែងកើតហេតុគូស្នេហ៍ មួយគូខាងលើនោះ មិនបានបញ្ជាក់ពីអត្តសញ្ញាណឱ្យដឹងឡើយ ហើយពួកគេ បាននាំគ្នាឡើងជិះរថយន្តតាក់ស៊ីរួមជាមួយគ្នា ចេញពីកន្លែងកើតហេតុភ្លាមៗ ដោយសារមានការខ្មាស់អៀននូវរឿងអាស្រូវរបស់ខ្លួន ។
ទោះជាយ៉ាងណា ក៏ដោយ ប្រភពព័ត៌មាននៅកន្លែងកើតហេតុឱ្យដឹងថា ដំបូងឡើយនារីរូបស្រស់វ័យក្មេងខាងលើនេះ បានចុះពីលើរថយន្តឈ្នួលហើយចោទ យុវជនម្នាក់ដែលពាក់មួកសុវត្ថិភាពថា ហេតុអ្វីបានជាតាមឃាត់រថយន្តឈ្នួលដែលដឹកគាត់ឆ្ពោះទៅគោលដៅណាមួយ នោះ ។
ជាការឆ្លើយតបនៅពេលជាមួយគ្នានោះដែរ យុវជនដែលឃាត់រថយន្តឈ្នួលនោះបានរៀបរាប់ថា «ខ្លួនជាប្តី-ប្រពន្ធជាមួយនារីរូបស្រស់» ។ ដោយឡែកមូលហេតុគឺ នារីរូបស្រស់បានបដិសេធថា មិនមែនជារឿងប្តី-ប្រពន្ធទេ គ្រាន់តែធ្លាប់ជាសង្សារនឹងគ្នាតែប៉ុណ្ណោះ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
