ក្រោយពី កញ្ញា ថន តារា បានរៀបចំកម្មវិធីភ្ជាប់ពាក្យ ជាមួយអនាគតស្វាមី លោក ណាវ រ៉ាត់ យូបាំរុង ដែលជាតំណាងរាស្ត្រ នៅប្រទេសថៃរួចមក កាលពីប៉ុន្មានថ្ងៃមុននេះ គូដណ្តឹងរបស់នាង បានធ្វើដំណើរមកស្រុកខ្មែរ ក្នុងគោលបំណងថតរូបរៀបការ (Pre wedding ) ដើម្បីត្រៀមទុកសម្រាប់ពិធីមង្គលការ ដែលរៀបចំឡើង នៅចុងខែមិថុនា ខាងមុខនេះ ។
ក្រោយពីតារាស្រីកញ្ញា ថន តារាដែលជាបងស្រីបង្កើតរបស់កញ្ញា ថន លក្ខិណា បានសម្រេចិត្តភ្ជាប់ពាក្យ ជាមួយគូដណ្តឹង កាលពីដើមខែឧសភា ស្ងាត់ៗនៅប្រទេសថៃដោយមានវត្តមានភ្ញៀវកិត្តិយស អញ្ជើញចូលរួមសុទ្ធសឹង តែជាជនជាតិថៃ រួចមកបានប្រមាណជិត១សប្តាហ៍ ក្រោយមកអនាគតស្វាមីរបស់នាង ក៏តាមនាងមកដល់ទឹកដីកម្ពុជា ដើម្បីថតរូបអាពាហ៍ពិពាហ៍ និងបង្ហាញវត្តមានរបស់ខ្លួន ជាមួយបងប្អូន សាច់ញាតិរបស់នាង ក្នុងនាងជាគូដណ្តឹងផងដែរ ។
បើតាមគម្រោង ប្រសិនបើគ្មានអ្វីប្រែប្រួលទេនោះ តារាស្រីរូបស្អាតសាច់សរ កញ្ញា ថន តារា នឹងដឹកដៃស្វាមីដែលជា តំណាងរាស្ត្រជនជាតិថៃ ចូលរោងការតាមប្រពៃណី នៅថ្ងៃទី២៦ ខែមិថុនា ខាងមុខនេះ ដោយកម្មវិធីគឺរៀបចំឡើង នៅលើទឹកដីកម្ពុជាផងដែរ ។
ដូច្នេះចង់ដឹងថា រូបថតពេលស្លៀក សំលៀកបំពាក់ជាកូនក្រមុំ និងកូនកំលោះរបស់ អនាគតស្វាមីភរិយាមួយគូនេះ ស្រស់សោភាយ៉ាងណា សូមទៅទស្សនាទាំងអស់គ្នា ៕
ប្រភព៖ ដើមអម្ពិល
ចំណាប់អារម្មណ៍ខ្មែរឡូត៖
គួររំលឹកឡើងវិញថា នៅទីបំផុត បងស្រីថន លក្ខិណា បានបង្ហាញមុខគូស្នេហ៍ជាជនជាតិថៃ ក្រោយមានពាក្យចរចាមអារ៉ាម ជាច្រើនលើកថា តារាដួងនេះ មានទំនាក់ទំនងស្នេហា ជាមួយនឹងមន្ត្រីពាក់ផ្កាយ ។
ដើម្បីបញ្ចប់នូវមន្ទីល សង្ស័យកន្លងមក ដែលចោទ ទៅលើ ថន តារា ថាមានស្នេហាជាមួយ នឹងមន្ត្រីពាក់ផ្កាយ ដែលតែងតែចេញចូល ផ្ទះរបស់នាងជាញឹកញាប់នោះ នៅថ្ងៃនេះរឿងទាំងនោះបានរសាយ ក្រោយនាងបង្ហាញមុខមាត់គូដណ្តឹង ជាជនជាតិថៃ ពីទីក្រុងបាងកក។
នៅល្ងាចថ្ងៃទី៣ ខែឧសភា ឆ្នាំ២០១៦ ថន តារា បានសរសេរនៅលើ ហ្វេសប៊ុករបស់នាងថា «Good Evening from thailand bkk ថ្ងៃដ៏រីករាយរបស់ខ្ញុំ និងអនាគតស្វាមី ពិធីសូត្រមន្តកាលពីព្រឹកមិញ» ។ ទន្ទឹមជាមួយនឹងគ្នានោះដែរ ថន តារាបន្តសរសេរថា «សូមអគុណសំរាប់ការ ជូនពររបស់អស់លោក និងមិត្តក្នុង Facebook ទាំងអស់ខ្ញុំពិតជារំភើប និងមានសុភមង្គលណាស់» ។
នៅថ្ងៃដដែលនេះ ថន តារាបាន ប្រាប់ LookingToday តាមរយៈសារអឡិចត្រូនិក បណ្តាញសង្គមហ្វេសប៊ុក ពីប្រទេសថៃថា «i will marry Soon On 26 /6/2016» ដែលប្រែជាខ្មែរថា«ខ្ញុំនឹងរៀបការឆាប់ៗនេះ នៅថ្ងៃទី២៦ ខែមិថុនា ឆ្នាំ២០១៦»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]