ស្វាយរៀង ៖ ម្ចាស់បទ “លក់ស្រូវ ជូនរដ្ឋ គឺស្នេហាជាតិ” ក្នុងទសវត្សឆ្នាំ ១៩៨០ នាសម័យរដ្ឋកម្ពុជា បានធ្លាក់ខ្លួន ឈឺធ្ងន់ ហើយត្រូវបានក្រុមគ្រួសារបញ្ជូន ពីស្រុកកំណើត នៅក្នុងខេត្ដស្វាយរៀង មកសង្គ្រោះ និងព្យាបាលនៅមន្ទីរពេទ្យ មិត្ដភាខ្មែរ-សូវៀត (មន្ទីរពេទ្យរុស្ស៊ី) បានទទួលមរណៈភាព នៅព្រឹកថ្ងៃទី១៦ ខែឧសភាឆ្នាំ២០១៦ វេលាម៉ោង១០៖១០នាទី ដោយជំង្ងឺមហារីកកូនកណ្តុលក្នុង អាយុ៦១ឆ្នាំ។
លោកយឹម ចាន់រិទ្ធី ត្រូវជាកូនរបស់ ម្ចាស់ទ “លក់ស្រូវជូនរដ្ឋគឺស្នេហាជាតិ” បានឱ្យដឹងថា ឪពុករបស់ខ្លួនដែលបាន ធ្លាក់ខ្លួនឈឺធ្ងន់នេះមានឈ្មោះយឹម ថេង អាយុ៦១ឆ្នាំ មានស្រុកកំណើតនៅភូមិ វាលយន្ដ សង្កាត់-ក្រុង-ខេត្ដស្វសាយ រៀង បច្ចុប្បន្នមានទីលំនៅផ្ទះលេខ១១៧ សង្កាត់ផ្សារថ្មីទី២ ខណ្ឌ ដូនពេញ រាជធានី ភ្នំពេញ។
កូនប្រុសម្ចាស់បទក្នុងទសវត្ស ឆ្នាំ៨០រូបនេះបានឱ្យដឹងទៀតថា ឪពុក បានធ្លាក់ខ្លួនឈឺធ្ងន់កាលពីថ្ងៃទី៦ ខែមីនា ឆ្នាំ២០១៦ ហើយត្រូវបានបញ្ជូនមកកាន់ មន្ទីរពេទ្យមិត្ដភាពខ្មែរ-សូរៀតនៅព្រឹក ថ្ងៃទី១៧ ខែមីនា ឆ្នាំ២០១៦។ ឪពុករបស់លោក មានកូនប្រុស៤នាក់ ហើយប្រពន្ធ បានស្លាប់ចោលនៅក្នុងអំឡុងឆ្នាំ១៩៩៤ ដោយជំងឺបេះដូង ។
នៅក្នុងអាជីពជាអ្នក សិល្បៈក្នុងទសវត្សឆ្នាំ១៩៨០ឪពុករបស់លោក ចាន់រិទ្ធី បានច្រៀងបទចម្រៀងជាច្រើននា សម័យរដ្ឋកម្ពុជានោះ បទដែលទស្ស និកជន នាទសវត្សនោះល្បីសុះសាយគឺ បទ“លក់ស្រូវជូនរដ្ឋគឺស្នេហាជាតិ”។
នៅមានបទជាច្រើនទៀតដូចជាបទស្ម័គ្រ ចិត្ដចូលបម្រើយោធា បទការពារបេតិក ភណ្ឌខ្មែរ បទមើលខេត្ដស្វាយរៀង ព្រម ទាំងបទចម្រៀងប្រមាណជាង៥០បទ ទៀតដែលឪពុករបស់ខ្លួនបានច្រៀងនៅ ក្នុងសម័យនោះ។ បទចម្រៀងលក់ស្រូវជូនរដ្ឋគឺស្នេហា ជាតិនេះនិពន្ធដោយលោកមាស សុខ និងអ្នករៀបចំទំនុកភ្លេងដោយលោក យិន ឆង បាននិពន្ធឡើងនៅក្នុងឆ្នាំ ១៩៨៣ ។
ក្នុងសម័យរដ្ឋកម្ពុជានោះបទ នេះបានចាក់នៅតាមរលកធាតុអាកាស វិទ្យុជាតិមានការចាប់អារម្មណ៍យ៉ាង ខ្លាំងពីប្រជាពលរដ្ឋមួយចំនួនធំដែលបាន រួចផុតពីរបបកម្ពុជាប្រជាធិបតេយ្យ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]