ភ្នំពេញ៖ ក្រោយចាកចេញពីមាតុប្រទេសចំនួន ៨ឆ្នាំ តារាសម្តែង ហង្ស ឈា បានឆ្លៀតឱកាសជាច្រើន ដើម្បីជួបជុំ ជាមួយនឹងសិល្បៈករចាស់ថ្មី ជាច្រើន ក្នុងនោះក៏បង្ហាញវត្តមាន ច្រៀង ជាមួយនឹងអតីម្ចាស់បទ «កាដូគ្មានន័យ» និងជាអ្នកដឹកនាំសម្តែង លោក មួន ម៉ារ៉ា ។
បើតាម ហង្ស ឈា ធ្លាប់បានប្រាប់ LookingTODAY ថ្មីៗ ឲ្យដឹងថា ការមកលើកនេះ ក្នុងគោលបំណងសំខាន់ៗ ៣ គឺ ទី១ យកម្តាយពីកម្ពុជាទៅអាម៉េរិក ទី២ ដើម្បីជួបជុំអ្នកសិល្បៈករចាស់ថ្មី ពិភាក្សាពី គម្រោងបង្កើតស្ព័នស័រពីកម្ពុជា ទៅកាន់អាម៉េរិក និង ទី ៣ គឺ ដំណើរកម្សាន្តលើទឹកដីកម្ពុជាតែម្តង។ ប៉ុន្តែអ្វីដែលគេចាប់អារម្មណ៍បំផុត នៅពេលថ្មីៗនេះគេឃើញ អតីតតារាសម្តែង ហង្ស ឈា បានបង្ហាញវត្តមានរំឭកអនុស្សាវរីយ៍របស់ខ្លួន ជាមួយនឹង អតីតតារាចម្រៀង មួន ម៉ារ៉ា ដែលបច្ចុប្បន្នជាអ្នកដឹកនាំសម្តែង តាមរយៈបទ «កាដូគ្មានន័យ» ។
មួន ម៉ារ៉ា បើទោះបីជាមិនសូវបង្ហាញវត្តមានលើឆាក ប៉ុន្តែទឹកដមសំនៀង ដ៏ក្រអួនក្រអៅ តាមរយៈបទនេះនៅតែពិរោះ ដដែល ហើយបើនិយាយពី ហង្ស ឈា វិញក៏មិនចាញ់ ម្ចាស់បទ «កាដូគ្មានន័យ» ។ នេះបើតាមរយៈវីដេអូឃ្លិប ដែលបង្ហោះនៅលើយូធូប មានរយៈពេល ៣នាទី និង៣៥វិនាទី៕ ទស្សនា វីដេអូឃ្លិបដូចខាងក្រោមនេះ៖
ផ្តល់សិទ្ធិដោយ៖ ដើមអម្ពិល
ចំណាប់អារម្មណ៍ខ្មែរឡូត៖
គួររំលឹកថា ក្រោយចាកចេញពី ប្រទេសកំណើត រយៈពេល ៨ឆ្នាំ ទៅរស់នៅជាមួយ នឹងភរិយាលើទឹកដី អាម៉េរិក ដែលជាអាណិកជនខ្មែរ លោក ហង្ស ឈា បានវិលមកកាន់ទឹកដី សុវណ្ណភូមិដ៏បវរ ជាលើកដំបូង ក្នុងលក្ខណ្ឌចំនួន ៣ ដែលត្រូវមកបំពេញ ។
ថ្លែងប្រាប់ LookingToday នៅរសៀលថ្ងៃទី៤ ខែឧសភា ឆ្នាំ២០១៦ លោក ហង្ស ឈា បានប្រាប់ឲ្យដឹងថា «លោកបានមកដល់កម្ពុជា ១សប្តាហ៍ហើយ » ។ គោលដៅចំនួន៣ ដែលលោក ហង្ស ឈា មកលេងលើកនេះ នោះគឺ ទី១.មកទទួលម្តាយពី ស្រុកខ្មែរ ទៅស្រុកអាម៉េរិក ទី២.មកជួបសិល្បៈករ អតីតកាល និងអ្នកសិល្បៈ ជំនាន់ក្រោយ ដោយមានការងារជាមួយគ្នា ដែលអាចរៀបចំ ស្ព័នស័រសិល្បៈ យើងពីស្រុកខ្មែរ ទៅសហរដ្ឋអាម៉េរិក និងទី៣ គឺការដើរកម្សាន្តរបស់ខ្ញុំ ជាមួយនឹងទិដ្ឋភាព នៅស្រុកខ្មែររបស់យើង ។ នេះគឺជាសម្តី របស់លោក ហង្ស ឈាម បានថ្លែងប្រាប់បន្ត។
អតីតតារាសម្តែង ដ៏ស្រស់សង្ហាររូបនេះ បានបន្តទៀតថា «ទិដ្ឋភាពនៅស្រុកខ្មែរ របស់យើងមានការ រីកចំរើនច្រើន ដែលខុសពី ៨ឆ្នាំមុន ដោយមានការ អភិវឌ្ឈន៍បានច្រើន» ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
