ភ្នំពេញ៖ តារាចម្រៀងស្រករក្រោយ របស់ផលិតសាន់ដេ នាយ ចឹម បានធ្វើឲ្យអ្នកគាំទ្រ ភ្ញាក់ផ្អើល ក្រោយតារាកំប្លែង និងចម្រៀងរូបនេះ បានប្រកាស ជាសាធារណៈថា លួចស្រឡាញ់ តារាចម្រៀង សុខ ពិសី ដែលជារៀមច្បង រួមទ្រនំ ។ការបើកបេះដូង ជាចំហរ ប្រកាសឲ្យទស្សនិកជន ក្រោមមេឃ ដឹងឭពីសេចក្តីស្រឡាញ់ របស់ខ្លួន ទៅលើតារាចម្រៀង សាចសខ្ចី ដូចត្រកួន ឈ្លក់ទឹកខែវស្សា ជារឿងមួយ ដែលគេនឹកស្មានមិនដល់ ។
ប៉ុន្តែបើតាម ប្រភពពីមជ្ឈដ្ឋានអ្នកសិល្បៈ បានប្រាប់ LookingToday ឲ្យដឹងថា «វាគ្រាន់តែជារឿង មួយដែលគេនិយាយ តៗគ្នា ក្នុងន័យមួយ ក្នុងបទចម្រៀងរបស់ នាយ ចឹម តែប៉ុណ្ណោះ»។ ប្រភពខាងលើថា «នាយ ចឹម ហ៊ានលួចស្រឡាញ់សុខពិសី នេះ វាគ្រាន់តែជាបទចម្រៀង របស់ ផលិតកម្មសាន់ដេ ស្ថិតក្នុងស៊ីឌី វ៉ុល ២១៦ ក្រោមចំណងជើងថា លួចស្រឡាញ់ សុខពិសី ដែលច្រៀងដោយ តារាកំប្លែង វ័យក្មេងខាងលើ ដែលបានបង្ហោះនៅលើ ហ្វេសប៊ុក និង យូធូប នៅថ្ងៃទី៧ ខែឧសភា ឆ្នាំ២០១៦»។
ក្នុងនោះដែរ នៅលើបណ្តាញសង្គមហ្វេសប៊ុក វិញ គេឃើញ សុខ ពិសី តប Comment ថា «លួចស្រលាញ់តាំងពីពេលណា អត់ដឹងខ្លួនផង»៕
វីដេអូខាងក្រោម៖
ប្រភព៖ ដើមអម្ពិល
ចំណាប់អារម្មណ៍ខ្មែរឡូត៖
គួររំលឹកឡើងវិញដែរថា តារាកំប្លែងវ័យក្មេង ប្រចាំស្ថានីយ៍ទូរទស្សន៍ CTN គឺនាយ ចឺម បានធ្វើឲ្យទស្សនិកជន មានការភ្ញាក់ផ្អើល និងចាប់អារម្មណ៍ យ៉ាងខ្លាំង បន្ទាប់ពីនាយ បានបង្ហើរសំនៀងយ៉ាង ក្រអួនក្រអៅ របស់ខ្លួន នៅក្នុងការប្រគុំតន្ត្រីមួយ។
វីដេអូដែលបង្ហាញពីសកម្មភាព ក្នុងការបកស្រាយចម្រៀងថ្មី ដែលមានចំណងជើងថា “ពុកអើយ! ម៉ែអើយ! នាងការចោលខ្ញុំហើយ” របស់តារាកំប្លែង វ័យក្មេងដ៏ល្បី នាយ ចឺម នៅក្នុងការប្រគុំតន្រ្តី នៃស្ថានីយ៍ទូរទស្សន៍ CNC កាលពីល្ងាច ថ្ងៃអាទិត្យ ទី២០ ខែកញ្ញា ម្សិលមិញនេះ ត្រូវបានទស្សនិកជន ចាប់អារម្មណ៍យ៉ាងខ្លាំង ជាពិសេស ប្រិយមិត្តនៅក្នុង បណ្តាញសង្គម ហ្វេសប៊ុក បាននាំគ្នា ចែករំលែកតៗគ្នា ជាច្រើន ទៀតផង។
ក្រៅពីការបង្ហើរសំនៀង ដ៏គួរឲ្យចាប់អារម្មណ៍ហើយនោះ នាយ ចឺម ក៏នៅនិយាយបែបកំប្លែងៗ បន្ថែមទៀត ដែលនាំឲ្យទស្សនិកជន កោតសរសើរ សឹងតែគ្រប់ៗគ្នា នូវទេពកោសល្យ របស់នាយ៕
តោះ! ចង់ដឹងថា តើសំនៀងនាយ ចឺ ពិរោះ ក្រអួនក្រអៅ យ៉ាងណា សូមទស្សនាទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
