(តាកែវ)៖ ស្រ្តីម្នាក់ត្រូវបានក្រុមចោរ ម្នាក់ក្នុងចំណោមបក្ខពួកពីរនាក់ បានចូលភ្ជង់យកកាបូបលុយអស់ជាង១ម៉ឺនដុល្លារ នៅវេលាថ្ងៃត្រង់ទី៥ ខែឧសភា ឆ្នាំ២០១៦ ស្ថិតនៅចំណុចក្រុមហ៊ុន «ខេលីង» លក់ឱសថបុរាណធម្មជាតិ ភូមិប្រហួត សង្កាត់រកាក្រៅ ក្រុងដូនកែវ ខេត្តតាកែវ។ សមត្ថកិច្ចក្រុងដូនកែវ បានថ្លែងឲ្យដឹងថា ស្រ្តីដែលចោភ្ជង់ក្បាលប្លន់យកកាបូបលុយឈ្មោះ មាន វណ្ណៈ អាយុ២៩ឆ្នាំ បានយកប្រាក់មកបង់ឲ្យក្រុមហ៊ុនជាមួយប្ដី។
ខណៈដែលប្ដីចូលប្រជុំនៅខាងក្នុងក្រុមហ៊ុន ស្រាប់តែមានបុរសពីរនាក់ជិះម៉ូតូប្រភេទសង់១២៥ ពណ៌ខ្មៅ ម្នាក់ចាំនៅលើម៉ូតូ និងម្នាក់ទៀតបានចុះពីលើម៉ូតូ ដើរចូលមកភ្ជង់ក្បាលស្រីរងគ្រោះ ដែលនៅមុខក្រុមហ៊ុន ហើយឆក់យកកាបូបយករួចជិះគេចខ្លួនសំដៅទៅផ្លូវជាតិលេខ៣ ស្រុកត្រាំកក់ បាត់ស្រមោលតែម្ដង។ លោក រ័ត្ន នាង ប្ដីស្រ្តីជនរងគ្រោះ បានប្រាប់ឲ្យដឹងថា លុយក្នុងកាបូប ដែលក្រុមចោប្លន់យកទៅនោះមានចំនួន១,១០០៨ដុល្លារ និងទូរស័ព្វដៃមួយចំនួនទៀត។ បន្ទាប់ពីក្រុមចោប្លន់រួច ក៏មានការស្រែកឆោឡោឡើង ហើយក៏មានមនុស្សជិះដេញតាមក្រុមចោដែរ ក៏ប៉ុន្តែអ្នកដែលដេញតាមចោរត្រូវសមត្ថកិច្ច ស្ទាក់ហៅសួរនាំនៅក្នុងឃុំលាយបូរ ស្រុកត្រាំកក់៕
ផ្តល់សិទ្ធិដោយ៖ FreshNews
កំណត់ហេតុខ្មែរឡូត៖
និយាយដល់ខេត្តតាកែវ គួររំលឹកដែរថា ឆ្លងកាត់ការប្រកួត យ៉ាងស្វិតស្វាញ នៅសណ្ឋាគារ ណាហ្គាវើល កាលពីរាត្រី ថ្ងៃអាទិត្យ ទី២១ មិថុនា ២០១៥ ក្នុងព្រឹត្តិការណ៍ នៃការប្រកួតជ្រើសរើស «MISS Grand Cambodia» កញ្ញាសេង ប៉ូលវីថាវី បេក្ខនារីមកពី ខេត្តតាកែវ បានទទួលជ័យលាភី ចំណាត់ថ្នាក់លេខ១ សម្រាប់តំណាង ប្រទេសកម្ពុជា ទៅចូលរួមប្រកួត «MISS Grand International» នៅប្រទេសថៃ ។
គណៈកម្មការរៀបចំការប្រកួតឱ្យដឹងថា ជំហានទីមួយគឺជាការប្រកួតជ្រើសរើសទូទាំងប្រទេស យកតែបេក្ខនារីដែលមានសមត្ថភាព និងពោរពេញទៅដោយឧត្តមភាពចំនួន២៥នាក់ប៉ុណ្ណោះសម្រាប់ចូលរួមប្រកួតនៅក្នុងដំណាក់កាលចុងក្រោយនេះ ។ ដោយឡែកសម្រាប់ការប្រកួតជម្រុះនៅលើកចុងក្រោយដែលបានរៀបចំធ្វើឡើងកាលពីល្ងាចថ្ងៃអាទិត្យនោះ គណៈកម្មការរៀបចំការប្រកួតបានរៀបចំប្រកួតជម្រុះចំនួន២លើក ។ នៅលើកទី១គឺប្រកួតជម្រុះ១៥នាក់ ចម្រាញ់យក១០នាក់ប៉ុណ្ណោះសម្រាប់ឡើងប្រកួតនៅវគ្គផ្ដាច់ព្រ័ត្រជាបន្តទៀត ។
ការប្រកួតវគ្គផ្តាច់ព្រ័ត្រ គឺសម្រេចជ្រើសរើសយកបេក្ខនារីដែលមានពិន្ទុលើសគេចំនួន៣នាក់ ប៉ុន្តែក្នុងនោះមានតែបេក្ខនារីដែលទទួលបានជ័យលាភីចំណាត់ថ្នាក់លេខ១ប៉ុណ្ណោះដែលតំណាងឱ្យប្រទេសកម្ពុជាបន្តដំណើរទៅចូលរួមប្រកួតនៅក្នុងព្រឹត្តិការណ៍ប្រកួត «MISS Grand International» នៅប្រទេសថៃនាពេលខាងមុខ ។
កញ្ញាសេង ប៉ូលវីថាវី ត្រូវបានបំពាក់មកុដជ័យលាភីចំណាត់ថ្នាក់លេខ១យ៉ាងស្រស់ស្អាតដែលមានតម្លៃជាង១០.០០០ដុល្លារសហរដ្ឋអាមេរិក ។ កញ្ញាសេង ប៉ូលវីថាវី មានអាយុ២៣ឆ្នាំ ស្រុកកំណើតនៅខេត្តតាកែវ ។
ជ័យលាភីកញ្ញាឯករងបានទៅលើកញ្ញាគឹម ខន្តិយ មានអាយុ១៩ឆ្នាំ រស់នៅរាជធានីភ្នំពេញ។ ចំណាត់ថ្នាក់លេខ៣ បានទៅកញ្ញាសេរី សត្យាភួង អាយុ២៣ឆ្នាំ រស់នៅខេត្តបាត់ដំបង ។
ជ័យលាភីប្រជាប្រិយភាពបានទៅលើកញ្ញាកែវ សូនីតា អាយុ២១ឆ្នាំ រស់នៅក្រុងភ្នំពេញ។ ជ័យលាភីថតរូបស្អាតបានទៅលើកញ្ញាលឹម ច័ន្ទសេរីរ័ត្ន អាយុ១៨ឆ្នាំ រស់នៅភ្នំពេញ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
