(ព្រះសីហនុ)៖ ប្តីចិត្តនរកម្នាក់ ដោយសារតែខឹងប្រពន្ធមិនឲ្យរួមភេទ ស្រាប់តែខឹងសម្លាប់ចោលតែម្តង ប៉ុន្តែលោកប្តីឃោឃៅនេះ ត្រូវបានកម្លាំងនគរបាលខេត្តព្រះសីហនុ ចាប់ខ្លួនបានភ្លាមៗតែម្តង។
អំពើឃាតកម្មខាងលើនេះ បានកើតឡើង នៅវេលាម៉ោង ១២:៣០នាទីយប់រំលងអាធ្រាត្រ ថ្ងៃទី ០៥ ខែឧសភា ឆ្នាំ២០១៦ នៅចំណុចភូមិភ្នំតូច ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ។
ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានបញ្ជាក់ថា ជនសង្ស័យឈ្មោះ វ៉ើក សាវឿន អាយុ៥៣ឆ្នាំ មុខរបរធ្វើស្រែ មានទីលំនៅដូចខាងលើ បានប្រើដៃទះកំផ្លៀង និងច្របាច់កជនរងគ្រោះ ឈ្មោះ ណាំ ស្រី ភេទស្រី អាយុ៤៦ ឆ្នាំ មុខរបរកម្មកររោងចក្រ មានទីលំនៅដូចចំណុចខាងលើ បណ្តាលអោយស្លាប់ភ្លាមៗ ។
លោកស្នងការ បានបញ្ជាក់ថា «មូលហេតុ គឺស្រវឹងស្រាហើយខឹងប្រពន្ធមិនចូលដេកក្នុងបន្ទប់ជាមួយ ហើយរត់គេចខ្លួន តែជនសង្ស័យត្រូវបានកម្លាំងយើង តាមឃាត់ខ្លួនបណ្តោះអាសន្ននៅអធិការដ្ឋាន ដើម្បីបំពេញសំណុំរឿងបញ្ជូនទៅការិយាល័យជំនាញ»។
ប្រភព៖ Fresh News
ការចាប់អារម្មណ៍ខ្មែរឡូត៖
គួរបញ្ជាក់ថា កាលពីខែមេសា មុននេះ នៅឯខេត្ដកំពង់ធំ ក៏មានករណី ប្តីកាប់ប្រពន្ធស្លាប់ រួចដុតផ្ទះ និងចង.កសម្លាប់ខ្លួន ដែលហេតុការណ៍នេះ បានបង្កឲ្យមានការភ្ញាក់ផ្អើលនៅវេលាម៉ោងជាង២ទៀបភ្លឺឈានចូលថ្ងៃទី១៨ មេសា ២០១៦ នៅក្នុងភូមិបឹង ឃុំមានរិទ្ឋ ស្រុកសណ្តាន់ ។
នេះបើតាមសេចក្តីរាយការណ៍បានឲ្យដឹងថា ជនសង្ស័យឈ្មោះ កេត ថាញ់ អាយុ៤២ឆាំ្ន មុខរបរស៊ីឈ្នួលកាប់ឈើ រីឯប្រពន្ឋដែលត្រូវជននេះកាប់ ត្រូវគល់កខាងក្រោយ គុំត្រចៀកខាងឆ្វេង និងចំចិញ្ចើម ហើយស្លាប់នោះឈ្មោះ វ៉ន សាំ អាយុ៣៥ឆ្នាំ ទាំងពីរនាក់រស់នៅក្នុងភូមិសំរិទ្ឋ ឃុំសំបូរ ស្រុកប្រាសាទសំបូរ ។
បើតាមសមត្ថកិច្ចមូលដ្ឋាន ករណីឃាតកម្មនេះផ្តើមចេញពីការឈ្លោះ ទាស់ទែងគ្នាក្នុងគ្រួសារ ហើយពីរនាក់ប្តីប្រពន្ធ ដែលពុំទាន់មានកូននេះ ត្រូវអ្នកភូមិជិតខាងអះអាងថាតែងឃើញផឹកស្រាស្រវឹង និងឈ្លោះប្រកែកគ្នាជាប្រចាំ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]