រាជធានីភ្នំពេញ ៖ រថយន្តដឹកមេសាប៊ូមួយគ្រឿងបើកលឿនពេកមកដល់ផ្លូវកោងយកចង្កូតមិនទាន់ បណ្ដាលឲ្យក្រឡាប់ផ្ងារជើងនៅផ្លូវក្រោមដីស្ពានអាកាសស្ទឹងមានជ័យ ស្ថិតក្នុងសង្កាត់បឹងសាឡាង ខណ្ឌទួលគោក កាលពីវេលាម៉ោង១០ និង៥០នាទីយប់ ថ្ងៃទី៣ ខែឧសភា ឆ្នាំ២០១៦ ។
រថយន្តបង្កម៉ាក កូរ៉េ ពណ៌ស ពាក់ស្លាកលេខ ភ្នំពេញ 2Q-4306 ជារថយន្តដឹកមេសាប៊ូ ជិះគ្នា២នាក់ បើកបរក្នុងទិសដៅពីលិចទៅកើត ចុះតាមផ្លូវក្រោមដីស្ពានអាកាសស្ទឹងមានជ័យ ។
តាមប្រភពព័ត៌មានពីអ្នកឃើញហេតុការណ៍សុំមិនបញ្ចេញឈ្មោះបានឲ្យដឹងថា មុនពេលកើតហេតុគេឃើញរថយន្តបង្កខាងលើមានដឹកអំបិល និងធុងផ្ទុកទៅដោយមេសាប៊ូ បើកបរតាមផ្លូវព្រះមុនីរេត ក្នុងទិសដៅពីលិចទៅកើត បានធ្វើដំណើរចុះតាមផ្លួវក្រោមដីស្ពានអាកាសស្ទឹងមានជ័យ ដោយសារតែអ្នកបើកបររថយន្តខ្វះការប្រុងប្រយ័ត្នខណៈពេលបើកមកដល់ផ្លូវកោងខ្លាំង ធ្វើឲ្យអ្នកបើកបរបួងខ្លាំងពេកយកចង្កូតវិញមិនទាន់ក៏បណ្ដាលឲ្យរថយន្តក្រឡាប់ផ្ងារជើងចាក់ចោលសម្ភារនៅលើរថយន្តកំពប់ពេញថ្នល់ ហើយភ្លាមៗនោះអ្នកបើករថយន្ត និងអ្នករួមដំណើជាមួយទាំង២នាក់បានរត់គេចខ្លួនបាត់ បន្សល់តែរថយន្តនៅកន្លែងកើតហេតុតែប៉ុណ្ណោះ ៕
ប្រភព៖ កោះសន្តិភាព
កំណត់ហេតុខ្មែរឡូត
គួររំលឹកផងដែរថា កាលពីវេលាម៉ោង១៤៖៣០នាទីរសៀលថ្ងៃទី១ ខែឧសភា ឆ្នាំ២០១៦នេះ លើកំណាត់ផ្លូវជាតិលេខ៤ ចន្លោះគីឡូម៉ែត្រលេខ១១១-១១២ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ ជនជាតិចិន៤នាក់ បានរបួសធ្ងន់ស្រាល ក្នុងហេតុការណ៍ក្រឡាប់រថយន្ត ដោយខ្លួនឯងមួយ ខណៈដែលពួកគេ កំពុងធ្វើដំណើរ ត្រឡប់មកពីលេងខេត្តព្រះសីហនុ ។
នគរបាលខេត្តព្រះសីហនុ បានឱ្យដឹងថា គ្រោះថ្នាក់ចរាចរណ៍នេះ បានបង្កឡើងដោយ រថយន្ដម៉ាក LEXUS ពណ៌ខ្មៅ ពាក់ផ្លាកលេខភ្នំពេញ 2L-5402 បើកបរត្រឡប់ពីខេត្តព្រះសីហនុ លុះដល់ចំណុចកើតហេតុ ក៏បានក្រឡាប់ធ្លាក់ផ្លូវតែម្ដង បណ្ដាលឱ្យជនជាតិចិន ជាអ្នករួមដំណើររងរបួសធ្ងន់២នាក់ និង២នាក់ទៀតរងរបួសស្រាល ចំណែកអ្នកបើកបររត់គេចខ្លួនបាត់ស្រមោល។
ក្រោយពេលកើតហេតុជនរងគ្រោះ ត្រូវបានយកទៅសង្គ្រោះនៅមន្ទីរពេទ្យ ចំណែករថយន្ដត្រូវបានយកទៅ រក្សាទុកនៅអធិការដ្ឋាននគរបាល ស្រុកកំពង់សិលា ដើម្បីធ្វើការដោះស្រាយតាមនីតិវិធី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
