ចិន ៖ ហេតុការណ៍រន្ធត់មួយ បង្កជាអគ្គីភ័យឆាបឆេះអគារខ្ពស់ មួយកន្លែង នៅទីក្រុង ណានជីង ហើយត្រូវបានបង្ហោះផ្សព្វផ្សាយ ព្រោងព្រាត ពេញបណ្តាបណ្តាញសង្គមរបស់ចិនផងដែរ។
តាមប្រភពសារព័ត៌មាន បានឲ្យដឹងថា អគ្គីភ័យដ៏កំណាចមួយ បានឆាបឆេះ អគារខ្ពស់មួយកន្លែងយ៉ាងសន្ធោសន្ធៅ បង្កជាផ្សែងហុយទ្រលោម ពេញកន្លែងកើតហេតុ ស្ថិតនៅក្នុងទីក្រុង ណានជីង ប្រទេសចិន នៅចន្លោះម៉ោងប្រមាណជា ៣:២០នាទី រសៀលម្សិលមិញនេះ។
ប្រភពបន្តទៀតថា អគ្គីភ័យនេះ ឆាបឆេះចាប់ពីចំហៀងអគារជាន់ទី៣២ រហូតបន្តឆេះចុះមកក្រោម។ ភ្លាមៗនោះដែរ មនុស្សរាប់រយនាក់ដែលស្នាក់នៅក្នុងអគារ ត្រូវបានបង្ខំចិត្តរត់ចេញ ដើម្បីរួចជីវិតផងដែរ។ ដោយឡែក ក្រុមអ្នកពន្លត់អគ្គីភ័យ ប្រឹងប្រែងនាំគ្នាដុតដៃដុតជើង ដោយសម្រេចការពន្លត់បានមួយរយភាគរយ ក្នុងរយៈពេល២ម៉ោង។ បើតាមសេចក្តីរាយការណ៍ បានឲ្យដឹងថា នៅក្នុងហេតុការណ៍មួយនេះ ពុំមានមនុស្សស្លាប់ និងរងរបួសឡើយ។
គួរបញ្ជាក់ដែរថា មិនទាន់មានការស៊ើបអង្កេតឲ្យបានស៊ីជម្រៅ និងប្រភពច្បាស់ការណ៍ ដឹងប្រាកដពីមូលហេតុបង្កនេះ និងការខូចខាតទ្រព្យសម្បត្តិអស់ប៉ុន្មាននៅឡើយទេ ដោយបច្ចុប្បន្នគឺស្ថិតក្រោមការស៊ើបអង្កេតបន្ថែមរបស់សមត្ថកិច្ច។
យ៉ាងណាមិញ បើតាមសេចក្តីរាយការណ៍ នៅលើបណ្តាញសង្គម Weibo របស់ចិន លើកឡើងថា អគ្គីភ័យនេះបង្កមកពី ការឆេះម៉ាស៊ីនត្រជាក់ នៅជាន់ទី៦ ៕
ទស្សនាវីដេអូ៖
ប្រភព៖ Shanghaiist
កំណត់ហេតុខ្មែរឡូត៖
នារីម្នាក់បានរួចជីវិត ក្នុងហេតុការណ៍អគ្គីភ័យឆាបឆេះ ក្នុងអគារ ដោយលោតចុះពីអគារ តែយ៉ាងណាមិញ នៅតែទទួលរងរបួសធ្ងន់ធ្ងរ ទោះបីជាមានអ្នកជិតខាងជាច្រើននាក់ បានព្យាយាម ចាំជួយត្រងពេលនាងធ្លាក់មកក៏ដោយ។
វីដេអូរន្ធត់មួយ បង្ហាញពីទិដ្ឋភាពភ្លើងឆេះ នៅក្នុងបន្ទប់អគារមួយកន្លែង ស្ថិតនៅជាន់ទី៣ ដែលគេឃើញថា នារីរងគ្រោះមានស្លៀកត្រឹមតែខោក្នុង និងអាវទ្រនាប់តែប៉ុណ្ណោះ។
បើតាមប្រភព បានឲ្យដឹងថា ហេតុការណ៍មិនគួរឲ្យជឿ ដែលនារីខាងលើអាចគេចខ្លួនបាននោះ កើតឡើងនៅក្នុងទីក្រុង Cedeira ក្នុងតំបន់ Galicia នៃប្រទេស អេស្ប៉ាញ នៅចន្លោះម៉ោងប្រហែលជា ១០ព្រឹក កាលពីថ្ងៃសៅរ៍ កន្លងទៅថ្មីៗនេះ។
ប្រភពបន្តថា នារីខាងលើ មានវ័យ៤៧ឆ្នាំ បានភ័យស្លន់ស្លោជាខ្លាំង នៅពេលដែល ឆ្លងចន្តអគ្គីសនី ហើយក៏បានផ្ទុះ នៅទ្វារខាងមុខនៃប្លុកអគារ ផ្ទះល្វែងមួយនោះ បណ្តាលឲ្យមានផ្សែងហុយជុកជាក់ពេញអគារតែម្តង ។ ភ្លាមនោះដែរ នាងក៏បានរកផ្លូវរត់គេច ដោយព្យាយាមដើរទៅជិតទ្វារកញ្ចក់ ទាំងមានផ្សែងហុយទ្រលោម ហើយតោងបង្អួចខាងក្រៅ ទម្លាក់ខ្លួនមកតែម្តង។
អ្នកជិតខាងបាននាំគ្នាយកក្រណាត់ ភួយ មកចាំត្រងនាង ដើម្បីកុំឲ្យមានគ្រោះថ្នាក់ដល់ជីវិត។ អ្នកបើកឡានតាក់ស៊ីម្នាក់ ឃើញហេតុការណ៍នោះ ប្រាប់ថា «ខ្ញុំបានឃើញខ្លួននាងនៅខាងក្រៅបង្អួច ហើយមានផ្សែងជាច្រើននៅជុំវិញនាង សឹងតែមើលនាងមិនឃើញឡើយ»។ ក្រុមអ្នកពន្លត់អគ្គីភ័យ លើកឡើងថា នេះពិតជាសំណាងហើយ នាងនិងអាចស្លាប់ប្រសិនណា គ្មានប្រជាពលរដ្ឋចាំត្រងនាង ខណៈដែលនាងធ្លាក់មក។
គួរបញ្ជាក់ដែរថា ភ្លាមៗនោះដែរ នារីរងគ្រោះក៏ត្រូវបានបញ្ជូនទៅសង្គ្រោះបន្ទាន់នៅឯមន្ទីរពេទ្យផងដែរ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]