ភ្នំពេញ៖ មានអំពើហិង្សា ក្នុងគ្រួសារមួយ បានកើតឡើង នៅថ្ងៃទី០៣ ខែឧសភា ឆ្នាំ២០១៦នេះ នៅចំណុចផ្ទះលេខ១១ ស្ទួន ភូមិបឹងឈូក សង្កាត់និរោធ ខណ្ឌ ច្បារអំពៅ ដោយបុរសម្នាក់ផឹកស្រាស្រវឹង ពេលមកដល់ផ្ទះ រករឿងស្រែកឡូរឡារ ទាលុយពីម្ដាយមិនបាន ក៏យកកូនកាំបិត និងទួណឺវីស ដែលកាន់ជាប់ដៃ ដេញចាក់ជនរងគ្រោះ ត្រូវបានប្រជាពលរដ្ឋជួយឃាត់ និងនាំជនរងគ្រោះទៅលាក់ទុក បន្ទាប់មកក៏មានសមត្ថកិច្ច ជួយអន្តរាគមន៍ ឃាត់ខ្លួនជនសង្ស័យនាំយក មកប៉ុស្ត៍ដើម្បីសាកសួរ ។  

បើតាមមន្ត្រី សមត្ថិច្ចបានឲ្យដឹងថា ជនរងគ្រោះដែលជាម្ដាយ មានឈ្មោះ សយ សុទ្ធី ភេទស្រី អាយុ៥២ឆ្នាំ ជនជាតិខ្មេរ បុខរបរគ្មាន ស្នាក់នៅចំណុចផ្ទះលេខ១១ ស្ទួន ភូមិបឹងឈូក សង្កាត់និរោធ ខណ្ឌ ច្បារអំពៅ ។ រីឯជនបង្កមានឈ្មោះ ហូ ចំរុង ហៅម៉ូវ ភេទប្រុស អាយុ៣២ឆ្នាំ ជនជាតិខ្មែរ មុខរបរគ្មាន រងនៅជាមួយជនរងគ្រោះ ។ បើតាមស្រ្តីជនរងគ្រោះ ដែលត្រូវជាម្ដាយ បានប្រាប់សមត្ថកិច្ចឲ្យដឹងថា កន្លងមកជនបង្កធ្លាប់ ផឹកស្រាស្រវឹង និងជក់ថ្នាំញៀន រួចគំរាមកំហែងជនរងគ្រោះ ទាលុយជាច្រើនដងមកហើយ ។ សូមបញ្ជាក់ថា បច្ចុប្បន្នជនសង្ស័យ ត្រូវបានឃាត់ខ្លួន បណ្តោះអាសន្ន នៅអធិការដ្ឋាន នគរបាលខណ្ឌច្បារអំពៅ ដើម្បីចាត់ការបន្ត តាមនីតិវិធី ៕ 

ប្រភព៖ ដើមអម្ពិល

កំណត់ហេតុខ្មែរឡូត៖

គួររំលឹកផងដែរថា ២០ ខែមីនា ឆ្នាំ២០១៦ កម្លាំងសមត្ថកិច្ចប្រចាំការ នៅតំបន់ការពារខ្សែក្រវ៉ាត់ បន្ទាត់ព្រំដែនកម្ពុជា-ថៃ បានធ្វើការឃាត់ខ្លួន យុវជនម្នាក់ ដែលបានកាប់ម្តាយ បណ្តាលឲ្យរងរបួសធ្ងន់ ព្រោះសុំលុយមិនឲ្យ តាមបំណងខ្លួន ខណៈជនរូបនេះ ព្យាយាមរត់គេចឆ្លងដែន ចូលប្រទេសថៃ ។ បើតាមមន្រ្តីនគរបាលមូលដ្ឋាន បានឲ្យដឹងថា ជនសង្ស័យឈ្មោះ អ៊ុន សេរីវុធ ត្រូវបានឃាត់ខ្លួននៅម៉ោង ៦ល្ងាច ថ្ងៃទី២០ ខែមីនា នៅក្បែរច្រកព្រំដែន កម្ពុជា-ថៃ ខណៈជនសង្ស័យរូបនេះ ព្យាយាមរត់ឆ្លងដែន ទៅកាន់ប្រទេសថៃ។ គួរំលឹកថា នៅម៉ោងប្រមាណ ០៩៖១៥នាទី យប់ថ្ងៃទី១៩ ខែមីនា ឆ្នាំ២០១៦ ជនសង្ស័យ អ៊ុន សេរីវុធ វ័យ២២ឆ្នាំ បានកាប់ម្តាយ របស់ខ្លួន ឈ្មោះ ម៉ៅ មិត្ត អាយុ៥៦ឆ្នាំ បណ្តាលឲ្យរបួសដៃធ្ងន់ធ្ងរ បន្ទាប់ពីស្រ្តីដែលជាម្តាយ មិនព្រមឲ្យលុយ ដូចអ្វីដែលរូបគេ បានសុំ ដែលហេតុការណ៍នេះ កើតឡើងស្ថិតនៅភូមិខេងខូង សង្កាត់ស្ទឹងវែង ក្រុមខេមរភូមិន្ទ។

បើតាមអ្នកភូមិខេងខូង បានឲ្យដឹងថា អ៊ុន សេរីវុធ នេះ ជាក្មេងញៀនថ្នាំ ដល់ថ្នាក់ម្តាយឳពុក និយាយលែងស្តាប់គ្នា ហើយលើស ពីនេះទៀត ជនរូបនេះ តែងតែបង្ករឿងក្នុងគ្រួសារស្ទើររាល់ថ្ងៃ ក្នុងថ្ងៃកើតហេតុ សេរីវុធ នេះ បានសុំលុយឳពុក តែត្រូវម្តាយរបស់ខ្លួន ហាមមិនឲ្យ និងស្តីឲ្យបុរសជាប្តីថែមទៀត ភ្លាមនោះឳពុកជនសង្ស័យ បានចុះមកលីប៉ាវធ្យូង ដាក់លើកទូក ស្រាប់តែឮសំឡេង ប្រពន្ធស្រែកឲ្យជួយ ភ្លាមនោះក៏រត់ទៅមើល ឃើញឈាមហូរស្រោចពេញខ្លួន ក៏ដឹងថា កូនប្រុសខ្លួនជានាក់កាប់។ អ្នកភូមិបានបន្តទៀតថា ក្រោយពីកាប់ម្តាយបណ្តាលឲ្យរបួសធ្ងន់ យុវជនញៀនថ្នាំរូបនេះ បានរត់ចូលព្រៃ គេចខ្លួនបាត់ បន្ទាប់មក កម្លាំងសមត្ថកិច្ចបានចុះមកពិនិត្យ កន្លែងកើតហេតុ ឃើញថា ជនសង្ស័យ អ៊ុន សេរីវុធ បានធ្វើសកម្មភាព ចាក់ម្តាយនិងកន្ត្រៃ ហើយកាប់និងពូថៅ បណ្តាលឲ្យរងរបួសធ្ងន់ រួចមកជនសង្ស័យ បានរត់ចូលព្រៃ បាត់ស្រមោល ឯស្រ្តីជាម្តាយត្រូវបាន អ្នកភូមិ និងសមត្ថកិច្ចដឹក មកជួយសង្គ្រោះនៅ មន្ទីរពេទ្យបង្អែកខេត្ត៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]