រាជធានីភ្នំពេញ ៖ ក្មេងទំនើង៥នាក់ ត្រូវបានកម្លាំងអន្តរាគមន៍ ខណ្ឌសែនសុខ ដេញចាប់ឃាត់ខ្លួនយកមកប្រគល់ឱ្យ នគរបាលប៉ុស្តិ៍ទឹកថ្លា ដើម្បីធ្វើការសាកសួរក្រោយពីឃើញក្រុមខាងលើជិះម៉ូតូ មានបិទស្កុតលើស្លាកលេខម៉ូតូខុសប្រក្រតី និងមានច្រវ៉ាក់១ខ្សែនៅក្រោមកែបម៉ូតូផង កាលពីម៉ោង១និង៣០នាទី រំលងអធ្រាត្រឈានចូលថ្ងៃទី០១ ឧសភា ២០១៦នៅចំណុចផ្លូវ២០០៤ ភូមិទឹកថ្លា សង្កាត់ទឹកថ្លា ខណ្ឌសែនសុខ ។
ក្មេងទំនើងខាងលើមាន ១-ឈ្មោះហង្ស សុជាតិ អាយុ២៦ឆ្នាំ មុខរបរកម្មករសំណង់ ២-ឈ្មោះជឿង ជឿន អាយុ២៤ឆ្នាំ មុខរបរកម្មករសំណង់ ៣-ឈ្មោះដន ថន អាយុ៣០ឆ្នាំ មុខរបរកម្មករសំណង់ ទាំង៣នាក់ស្នាក់នៅភូមិអូរបែកក្អម សង្កាត់ទឹកថ្លា ខណ្ឌសែនសុខ ៤-ឈ្មោះ ហឿង សម្ភស្ស អាយុ២៨ឆ្នាំ មុខរបរកម្មករសំណង់ ស្នាក់នៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ និង៥-ឈ្មោះអ៊ុំ ចាន់ថន អាយុ២៤ឆ្នាំ មុខរបរកម្មករសំណង់ស្នាក់នៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ទាំង៥នាក់មានស្រុកកំណើតនៅភូមិជំទាវ ឃុំច្រេស ស្រុកកំពង់ត្រឡាច ខេត្តកំពង់ឆ្នាំង ។
សមត្ថកិច្ចបានប្រាប់ថា មុនឃាត់ខ្លួនក្មេងទំនើងខាងលើ ខណៈដែលកម្លាំងអន្តរាគមន៍ខណ្ឌកំពុងតែល្បាតក្នុងមូលដ្ឋាន បានឃើញជិះម៉ូតូ២គ្រឿង មានគ្នា៥នាក់ ។ ម៉ូតូ១គ្រឿងម៉ាកហុងដាឌ្រីម ពណ៌ខ្មៅ ស៊េរី២០១៥ ពាក់ស្លាកលេខ ភ្នំពេញ1CZ-7863 និងមួយគ្រឿងទៀតម៉ាកហុងដាឌ្រីម ស៊េរី២០០៨ ពណ៌ខ្មៅ បិតស្កុតលើស្លាកលេខ បើកប្រដេញគ្នាតាមផ្លូវ ក៏ឃាត់មកត្រួតពិនិត្យ ស្រាប់តែឃើញមានច្រវ៉ាក់១ខ្សែនៅក្រោមកែបម៉ូតូ ក៏បានឃាត់ខ្លួនមកឱ្យនគរបាលប៉ុស្តិ៍ទឹកថ្លា ដើម្បីធ្វើការសាកសួរ។
បច្ចុប្បន្នក្រុមក្មេងទំនើងខាងលើ កំពុងធ្វើការសាកសួរនៅប៉ុស្តិ៍នគរបាលរដ្ឋបាល ទឹកថ្លា ក្រោយពីធ្វើការសាកសួរចប់ ក្នុងចំណោមក្មេងទំនើង៥នាក់ខាងលើ សមត្ថកិច្ចបានធ្វើការឃាត់ខ្លួន២នាក់ ១-ឈ្មោះអ៊ុំ ចាន់ថន និង២-ឈ្មោះហឿង សម្ភស្ស ដែលជិះម៉ូតូបិទលើស្លាកលេខយកទៅសាកសួរបន្ត ដោយឡែក៣នាក់ទៀតគ្រាន់តែអប់រំ ហើយឱ្យត្រឡប់ទៅផ្ទះវិញ ៕
ផ្តល់សិទ្ធិដោយ៖ កោះសន្តិភាព
កំណត់ហេតុខ្មែរឡូត៖
ដោយឡែក ករណីមួយទៀត រហូតមកដល់ថ្ងៃទី២០ មេសា ២០១៦ អ្នកសារព័ត៌មានចំនួន៣នាក់ ១-លោកអុក ទូច អាយុ៤៣ឆ្នាំ ភ្នាក់ងារសារព័ត៌មានកម្ពុជាអភិវឌ្ឍន៍ មានទីលំនៅក្នុងភូមិអូររអិល ឃុំស្ទឹងកាច់ ស្រុកសាលាក្រៅ, ២-លោកអៀង សារ៉ូន្នីយ៉ា អាយុ៣៧ឆ្នាំ ភ្នាក់ងារទូរទស្សន៍ប៉ុស្តិ៍លេខ៥ និង៣-លោកឡោ សុខហៃ អាយុ៤៥ឆ្នាំ ភ្នាក់ងារទូរទស្សន៍អប្សរា ANN ទាំង២នាក់ រស់នៅក្រុងប៉ៃលិន ត្រូវបានលោកជុំ សែនសទ្ធា ព្រះរាជអាជ្ញាអមសាលាដំបូងខេត្ត ចេញដីការកោះហៅបំភ្លឺពាក់ព័ន្ធនឹងពាក្យបណ្តឹងរបស់ខ្លួន ។
លើករណីមន្ត្រីនគរបាលស្រុកសាលាក្រៅម្នាក់ជិះម៉ូតូ យកកាំភ្លើងម៉ាកអាកាស្វាយបត់ទៅគំរាមប៉ងបាញ់សម្លាប់លោកអុក ទូច នៅក្នុងផ្ទះរបស់ខ្លួន បន្ទាប់ពីបានចុះទៅសួរនាំប្រជាពលរដ្ឋមួយកន្លែងនៅក្នុងភូមិ ដែលត្រូវមន្ត្រីនគរបាលខិលខូចរូបនោះ យកកាំភ្លើងទៅបាញ់បោះសេរីអស់ចំនួន៤គ្រាប់ កាលពីពេលថ្មីៗកន្លងទៅនេះ ។ លុះពេលត្រឡប់មកដល់ផ្ទះវិញ ស្រាប់តែនគរបាលរូបនោះ បានជិះម៉ូតូស្លៀកពាក់ឯកសណ្ឋាននគរបាល ស្ពាយកាំភ្លើងយកទៅភ្ជង់គម្រាមបាញ់សម្លាប់តែម្តង តែលោកអ៊ុក ទូច បាននិយាយសម្របសម្រួលទាន់ពេលវេលា ។
គួររំលឹកថា ហេតុការណ៍គំរាមបាញ់សម្លាប់អ្នកសារព័ត៌មានម្នាក់នេះ បានកើតឡើងកាលពីវេលាម៉ោង៥ និង២០នាទីល្ងាចថ្ងៃទី១០ ខែមេសា កន្លងទៅ ស្ថិតនៅក្នុងផ្ទះរបស់ជនរងគ្រោះឈ្មោះអ៊ុក ទូច ភេទប្រុស អាយុ៤៣ឆ្នាំ ជាភ្នាក់ងារសារព័ត៌មានកម្ពុជាអភិវឌ្ឍន៍ រស់នៅភូមិ-ឃុំខាងលើ ។
ចំណែកការបាញ់បោះសេរីបានកើតឡើង កាលពីវេលាម៉ោង០៩ និង៣០នាទីយប់ថ្ងៃទី០៤ មេសា ២០១៦ ដោយជនសង្ស័យម្នាក់ ឈ្មោះឃា សុខន ហៅក្តាម ភេទប្រុស អាយុ២៨ឆ្នាំ ជាមន្ត្រីនគរបាលប្រចាំនៅស្រុកសាលាក្រៅ បាននាំគ្នាផឹកស៊ីស្រវឹងជាមួយមិត្តភក្តិ រួចយកកាំភ្លើងអាកាស្វាយបត់បាញ់ចូលទៅក្នុងផ្ទះប្រជាពលរដ្ឋមួយកន្លែងអស់ចំនួន៤គ្រាប់ នៅក្នុងភូមិអូររអិល ឃុំស្ទឹងកាច់ ស្រុកសាលាក្រៅ ។ តែមិនបណ្តាលឱ្យរងរបួសនរណាម្នាក់នោះឡើយ ហើយរើសបានសំបកគ្រាប់ចំនួន៤ និងក្បាលគ្រាប់១ផងដែរ ។
សូមបញ្ជាក់ថា កាលពីរសៀលថ្ងៃទី១០ មេសា កន្លងទៅ បន្ទាប់ពីអ្នកសារព័ត៌មានទូរទស្សន៍២នាក់ ត្រឡប់ទៅផ្ទះរៀងៗខ្លួនវិញហើយ ទើបប៉ូលិសទំនើងខាងលើ ជិះម៉ូតូយកកាំភ្លើងទៅភ្ជង់បាញ់សម្លាប់ ។ រហូតដល់ព្រឹកថ្ងៃទី១១ មេសា លោកអ៊ុក ទូច បានដាក់ពាក្យបណ្តឹងទៅអយ្យការអមសាលាដំបូង ដើម្បីចាត់ការតាមនីតិវិធី ។
ពាក់ព័ន្ធទៅនឹងបញ្ហាខាងនេះ រហូតមកដល់ព្រឹកថ្ងៃទី២០ មេសា ២០១៦ នេះ លោកជុំ សែនសទ្ធា ព្រះរាជអាជ្ញាអមសាលាដំបូងខេត្ត បានចាប់ផ្តើមចេញដីការកោះហៅជនរងគ្រោះ លោកអ៊ុក ទូច ចូលបំភ្លឺនៅវេលាម៉ោង៨ព្រឹកថ្ងៃទី២០ មេសា ចំណែកភ្នាក់ងារទូរទស្សន៍២នាក់ទៀត លោកព្រះរាជអាជ្ញាកោះហៅឱ្យចូលទៅបំភ្លឺធ្វើជាសាក្សីនៅវេលាម៉ោង២រសៀលថ្ងៃដដែល ។
តែមិនទាន់មានចំណាត់ការយ៉ាងណា ទៅលើជនសង្ស័យជាមន្ត្រីនគរបាលនៅឡើយទេ ដោយលោកជា វ៉ាន់រ៉ន ក្រឡាបញ្ជីព្រះរាជអាជ្ញាអះអាងថា កំពុងសាកសួរជនរងគ្រោះ និងសាក្សី ហើយនៅពេលក្រោយនឹងឈានដល់កោះហៅជនសង្ស័យបាញ់បោះសេរីនោះយកមកសួរនាំម្តង រួចនឹងចាត់ការបន្តបើសិនជាមានករណីគម្រាមបាញ់អ្នកកាសែតមែននោះ ។ ចាំមើល តើច្បាប់ចាត់ការបែបណាចំពោះប៉ូលិសទំនើងម្នាក់នេះ ។ យកល្អបញ្ឈព់ការងារគាត់ទៅ ទុកក៏មិនចំណេញដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]