រាជធានីភ្នំពេញ ៖ យោងតាមការព្យាករអាកាសធាតុរបស់ក្រសួងធនធានទឹក និងឧតុនិយម ថ្ងៃទី៣០ មេសា ២០១៦ នេះឱ្យដឹងថា បន្ទាប់ពីបានតាមដាន និងព្យាករលើស្ថានភាពអាកាសធាតុ គិតចាប់ពីម៉ោង៩ព្រឹក មកដល់ម៉ោង១ និង៣០នាទី រសៀលថ្ងៃនេះឃើញថា ភ្លៀងបាន និងកំពុងធ្លាក់ក្នុងបរិមាណពីមធ្យម ទៅបង្គួរ លាយឡំជាមួយខ្យល់ នៅតាមតំបន់ជាច្រើនមាន ៖ ខេត្តឧត្តរមានជ័យ ព្រះវិហារ សៀមរាប បន្ទាយមានជ័យ បាត់ដំបង ពោធិ៍សាត់ កោះកុង កំពង់ឆ្នាំង និងខេត្តកំពង់ចាម ។
ក្រសួងធនធានទឹក និងឧតុនិយម អំពាវនាវឲ្យប្រជាពលរដ្ឋ បន្តបង្កើនការយកចិត្តទុកដាក់ ប្រុងប្រយ័ត្នខ្ពស់ ចំពោះបាតុភូត ផ្គរ រន្ទះ និងខ្យល់កន្ត្រាក់ ពិសេសនៅពេលមេឃរកកល់ភ្លៀង ដែលភ្លៀងអាចបន្តធ្លាក់ នៅតាមបណ្តាខេត្តមួយចំនួនទៀត ៕
ប្រភព៖ កោះសន្តិភាព
កំណត់ហេតុខ្មែរឡូត
គួររំលឹកឲ្យដឹងផងដែរថា ភ្លៀងមួយមេធំលាយឡំ នឹងខ្យល់កន្ត្រាក់ កាលពីវេលាម៉ោង៥ល្ងាច ថ្ងៃទី២៨ មេសា បណ្ដាលឱ្យប៉ះពាល់ដល់ភូមិមួយចំនួន ក្នុងនោះមាន ភូមិវត្ដ ភូមិស្រែពោធិ៍ ភូមិដៃរាវ ភូមិគោកវត្ដ ភូមិស្រែណូយ ក្នុងឃុំស្រែណូយ ស្រុកវ៉ារិន ។
លោកវរសេនីយ៍ទោ ណុប សារ៉ាក់ អធិការនគរបាលស្រុកវ៉ារិន បានប្រាប់កោះសន្ដិភាពនៅវេលាម៉ោង៧និង១៥នាទីរសៀល ថ្ងៃទី២៨ មេសា ថា បន្ទាប់ពីមានភ្លៀងធ្លាក់លាយឡំនិងខ្សល់ន្ដ្រាក់មួយមេធំ កាលពីវេលាម៉ោង១៧ រសៀល ថ្ងៃទី២៨ មេសា បណ្ដាលឱ្យប៉ះពាល់ដល់ភូមិចំនួន៥ បណ្ដាលឱ្យផ្ទះខូចខាត២៥៩ផ្ទះ ក្នុងនោះផ្ទះរលំដល់ដីទាំងស្រុងអស់២៤ខ្នង ស្មើនឹង២៤គ្រួសារ និងបុើងដំបូល២៣៥ខ្នង ស្នើនឹង២៣៥គ្រួសារ ខូចរថយន្ដ០៦គ្រឿង និងអីវ៉ាន់គ្រឿងឧបភោគ បរិភោគមួយចំនួនធំ ព្រមទាំងមានអ្នករបួសធ្ងន់ស្រាល៣នាក់ ។
ក្នុងនោះរងរបួសស្រាល២ និងធ្ងន់ម្នាក់ ភេទស្រីឈ្មោះ ម៉ង់ ពេញស្រី អាយុ៥៤ឆ្នាំ រស់នៅភូមិស្រែណូយ ឃុំស្រែណូយ ស្រុកវ៉ារិន ខេត្តសៀមរាប ។
ជនរងគ្រោះដែលត្រូវរបួសធ្ងន់ក្នុងហេតុការណ៍រលំផ្ទះ ត្រូវបានក្រុមគ្រួសារដឹកបញ្ជូនយកទៅមន្ទីរពេទ្យបង្អែកខេត្ដសៀមរាប ។ ចំណែកអ្នករបួសស្រាល ត្រូវបានក្រុមគ្រួសារដឹកយកមកព្យាបាលនៅមណ្ឌលសុខភាពឃុំស្រែណូយ ។
លោកបានបញ្ជាក់ទៀតថា លោកនឹងដាក់កម្លាំងអធិការដ្ឋាននគរបាលស្រុក ចុះជួយប្រជាពលរដ្ឋដែលរងការប៉ះពាល់ផ្ទះសម្បែងដោយសារខ្សល់កន្ដ្រាក់ នៅព្រឹកថ្ងៃទី២៩ មេសា ដើម្បីនាំគ្នាជួយសាងសង់ផ្ទះដែលរលំដល់ដី និងបុើងដំបូលជូនប្រជាពលរដ្ឋឡើងវិញ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]