រាជធានីភ្នំពេញ ៖ ករណីគ្រោះថ្នាក់ចរាចរណ៍នៅក្នុងទូទាំងប្រទេស កាលពីថ្ងៃទី២៨ មេសា បានកើតឡើងចំនួន១លើក បណ្តាលឱ្យមនុស្សរងរបួសធ្ងន់ម្នាក់ (ប្រុស) និងរបួសស្រាល២នាក់ (ស្រី) តែគ្មានមនុស្សស្លាប់ទេ ។
នៅក្នុងហេតុការណ៍១លើកនេះ បណ្តាលឱ្យខូចខាតយានយន្តសរុបចំនួន២គ្រឿង រួមមានម៉ូតូចំនួន១គ្រឿង, រថយន្តធុនតូច១គ្រឿង ។ ចំពោះមូលហេតុ បណ្តាលឱ្យកើតមានករណីគ្រោះថ្នាក់ចរាចរណ៍ រួមមានមិនគោរពសិទ្ធិ១លើក ។ គ្រោះថ្នាក់លើដងផ្លូវ រួមមានផ្លូវជាតិចំនួន១លើក, ផ្លូវខេត្តក្រុង១លើក យានយន្តបង្កហេតុរួមមានម៉ូតូ១លើក ។
យោងតាមរបាយការណ៍ពីនាយកដ្ឋានសណ្តាប់ធ្នាប់នៃអគ្គស្នងការដ្ឋាននគរបាលជាតិប្រាប់បន្តទៀតថា ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ច្រើន រួមមានកណ្តាល១លើករបួស៣នាក់ (ស្រី២នាក់) ។ លទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោក មធ្យោបាយល្មើស៤,៧៨៦គ្រឿង , អប់រំ២,១៥៨ គ្រឿង , ពិន័យ២,៦២៨គ្រឿង ៕
ប្រភព៖ កោះសន្តិភាព
កំណត់ហេតុខ្មែរឡូត៖
គួរបញ្ជាក់ដែរថា ទាក់ទងទៅនឹងករណីយខាងលើ យោងតាមរបាយការណ៍នាយកដ្ឋានសណ្តាប់ធ្នាប់ចរាចរណ៍នៃអគ្គស្នងការដ្ឋាននគរបាលជាតិបានឱ្យដឹងថា ទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ក្នុងពិធីបុណ្យអុំទូក អកអំបុក សំពះព្រះខែ ក្នុងរយៈពេល៣ថ្ងៃ គិតពីថ្ងៃទី២៤-២៦ វិច្ឆកា ២០១៥ បណ្តាលឱ្យមនុស្សស្លាប់២៥នាក់ និងរបួសធ្ងន់-ស្រាល៧៧នាក់ បើប្រៀបធៀបថ្ងៃដូចគ្នា ឆ្នាំ២០១៤មានការថយចុះ ។
របាយការណ៍ដដែលឱ្យដឹងថា គ្រោះថ្នាក់ចរាចរណ៍កើតឡើងសរុប៥៥លើក/៧២លើក ថយ១៧លើកស្មើ២៤% បណ្តាលឲ្យស្លាប់២៥នាក់/៣៤នាក់ ថយ០៩នាក់ស្មើ២៦%, រងរបួសសរុប៧៧នាក់/១៣២នាក់ ថយ៥៥នាក់ ស្មើ៥៨% ក្នុងនោះរបួសធ្ងន់៦១នាក់/៧០នាក់ ថយ០៩នាក់ស្មើ១៣%, របួសស្រាល១៦នាក់/ ៦២នាក់ថយ៤៦នាក់ស្មើ៧៤% ។ ក្នុងចំណោមអ្នករងគ្រោះសរុបទាំងអស់ មានថ្មើរជើង០៦នាក់/០៦នាក់ស្មើ, អ្នកបើកបរ និងអ្នករួមដំណើរម៉ូតូមិនពាក់មួកការពារសុវត្ថិភាពចំនួន៧៦នាក់/១២២នាក់ថយ៤៦នាក់ ស្មើ៣៨% ។
នៅក្នុងគ្រោះថ្នាក់ចរាចរណ៍នេះ ដែលបណ្តាលឱ្យខូចខាតយានម៉ូតូ៦០គ្រឿង/៨៦គ្រឿង ថយ២៦គ្រឿង ស្មើ៣០%, រថយន្តធុនស្រាល២៤គ្រឿង/១៨គ្រឿង កើន០៦គ្រឿង ស្មើ៣៣%, រថយន្តធុនធ្ងន់០៥គ្រឿង/០៥គ្រឿង ស្មើយានផ្សេងៗ០៩គ្រឿង/១០គ្រឿងថយ០១គ្រឿង ស្មើ១០% ។
មូលហេតុបង្កឱ្យមានគ្រោះថ្នាក់ ល្មើសល្បឿន២៨លើក, ស្រវឹង០៨នាក់, មិនប្រកាន់ស្តាំ០៩លើក, មិនគោរពសិទ្ធិអាទិភាព០៤លើក, បត់គ្រោះថ្នាក់០៣លើក, បើកបរប្រជែងគ្រោះថ្នាក់០១លើក, បើកបរងងុយដេក០១លើក, កត្តាយានយន្ត០១លើក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]